ISAIAH 8:7 - Cho Bible Common Language 2016

⁷ kei, Bawipa naw, Assiria ghangpughang la a gakap avan cu Judah tuk khai ah ka law püi gui khai. Ngami cu tuikam avan ung ng’güt ne lawk ciah Euphratis tuinu ah mäih ah gawk kawk khai gui.

ISAIAH 8:7 Referans Kwoze

AMOS 9:5

M’gäi ciah Uktu Bawipa naw m’dek cu tawn sei, ani cu ng’thüng ci; A cun ung om ci avan kyap ci. M’dek khan avan tho ne Nile tuinu ah mäih ah kyu ba ci.

AMOS 8:8

Cun ah kyasei m’dek cu thüng khai. Khaw ung chang päng cu ng’hlaw ei khai. Khopäng avan thüng khai, cun cu tho ne Nile tuinu ah mäih ah kyeim ba khai.

ISAIAH 7:20

Cun ah khin a gawk law ung, Bawipa naw luk’teiu ciah kyak ciah Euphratis kan ne Assiria ghangpughang — cu ng’vat lawk khai! Ani naw nami m’khamu, nami lumu la nami pum ung mu avan cu ning teiu pe gui khai.

ISAIAH 7:17

Bawipa naw nang ah khan ah, na chang gui ah khan ah, mang im kyongchang van ah khan ah, Israel khaw, Jndah ung ka ang pai kawn ung gawk law man ciah sheka pi ciah yaica nak ah hnüüp cu law püi khai nei — ani naw Assiria ghangpughang cu law püi khai nei.

ATÜNNAK 6:17

Khomdek khan ung ak ghing avan k’biing ne m’ciin khai ah tuiyiin ka mü sak khai. Khomdek khan ung hang om ci phung avan si yawp khai.

THU PHLAAN 17:15

Cun kawn ah khankho chang naw kei-am, “Nang naw na hmuh ah pletbeng ciah hnumi ah ngoh nak ah tui cu khaw nüng ung a hlü hlü ah ng’thu ci gui ah khui päng pa päng, chang khli gui ah kiak ci.

NAHUM 1:8

Tuinu ng’güüt ne khaw akhi ah mäih ah aga gui cu m’di gui yawp ci. Ani hnungtuk püi ci gui ah khan ah ami sih nak vai yuk chah lawk ci.

DANIEL 11:22

Ani hnungtuk püi ci phung cu Khanpughi ah taigütung ah a kyak ung phi k’täm ne tuthat khai gui.

DANIEL 11:10

Siria ghangpughang ah hta gui naw ng’tuk vai ah pawng u ne, gakap akda m’cut khai gui. Cun gui ungka tumat naw tui k’law ah ng’güt ah mäih ah gakap ng’vongpang tumat cu tuk khai.

DANIEL 9:26

Cun ah khin ang pyi law hlü ung, Khanpughi naw a ghü ah ang vaihta cu kä taga ciah ngawn khai gui. Mang gaw la Taigüim cu huham mah ciah uktu ah m’gäi ciah gakap naw m’di khai. Ang pyi nak vai cu tuii hlaw ah mäih ah lawk khai. Khanpughi naw a pawng püi ah ng’tuk nak la dishum nak cu law püi khai.

ISAIAH 59:19

Akhei ung ka naw ak kyang ung khüt khai ah chang päng naw ani la a huham cu kyih kyawk khai. Ani cu ng’güüt ciah tuilawng mäih, ng’pheet ciah khokhi ah mäih ah lawk khai.

ISAIAH 28:17

Taga nak cu angnei nütak-gui ah kyak ci, düng nak cu a cun khinnak-gui ah kyak ci.” Gäinu naw nami düihnak ah hleei hlak nak cu avan hteh yawp khai, tui k’law naw nami ng’shungshet nak cu m’di yawp khai.

SAM 72:8

A uknak cu vangtäng tuinu ungka naw vangtäng tuinu ah khüt khai, Euphratis ungka naw kho cawi avan ung khüt khai.

LUKA 6:48

Kho khi ne aa sei tuinu ang güüt law ung phi cun ah im cu khäng khai ah cawh ah kya ne, kä ng’gäi hlawt ci.

EZRA 4:10

Ahei huham ah ne dämduh ciah Ashurbanipal naw ami im ungka angplon sak gui ah ahei chang gui awn atäng ah Samaria mang gaw la Euphratis khopäng akhei täng kho nü ung om ci gui.

2 GHANGPUGHANG GUI 19:32

“Shin cu Assirian uktubawi ah mawng Bawipa naw a pyen ah kyak ci: ‘Ani cu shin ah mang gaw ung kä lut khai, m’la thek ät phi kä kap khai. Shawi kawt ciah a u gakap naw phi mang gaw kä et lawk khai, ami ng’mah nak vai ah khui phi veing ne kä co hlawt khai gui.

ISAIAH 10:5

Bawipa naw, “Assiria gui! Kei naw Assiria gui cu, kei naw ka m’lungshe nak gui m’kyuk nak gui vai ah thah htung ah ka mang gui ci nei.

ISAIAH 10:16

M’gäi ciah Bawipa naw tuhbäi phü khai ah ami m’bei gui ah khan ah m’kyuk nak vai ah gawpai nak gui tüi lawk ge khai nei. Ami pumsa kyong ah mei naw ui ne ui gui khai nei.

ISAIAH 11:15

Bawipa naw Suez tuikhep cu ket sak ne, ani naw khaw aling ah khi sak ne Euphratis tuinu ket sak khai, tukhta lawng chih bang on ba sei, cahngpäng naw kat hlawt khai.

ISAIAH 28:2

Bawipa ung k’thamah ci tumat om ci, ani cu huham mah ne tu gui ge khai ah kyak ci, ani cu gäinu ah mäih ah, kho k’aa nu ah mäih ah kho ng’güüt ah mäih ah huham mah ciah tui k’law ah mäih ah kya ne, kho avan cu küm khai nei.

ISAIAH 43:2

Thuuk ciah tui nami kan yah ung kei naw ka ning om püi gui khai nei; Nami khüi kha nak naw kä ning küm gui khai nei. Nangmi cu meikdäi kawt ne nami hteh yah ung mei naw kä ning ui gui khai nei.

JEREMIAH 47:2

Ani naw pyen ci, “Teng vä! Tui gui cu a siiptäng ah ka tho lawk ci, a cun naw tuinu ah mäih ah ng’güt ne lin lawk khai. Cun naw khaw avan la acun ung om ci ng’nü, mang gaw gui la acun ung om ciah chang gui avan lin khai. Chang gui cu m’htei gui vai ah ng’khü khai gui; khomdek khan ah om ci chang ng’nü aknui ah kyap khai gui.

JEREMIAH 51:42

Tuinu cu Babilon ah khan ah long ne, m’ngawk tui ng’hnawk naw küm ci nei.

EZEKIEL 26:19

Uktu Bawipa naw pyen ci; “Kei naw nangmi cu chang ah kä om nak ba, shiü ne, di ciah mang gaw ah mäih ah ka ning pyang gui khai. Kei naw nangmi cu tuinu thuuk ah tui awn ka ning küm gui khai.

MIKHAH 1:9

Samaria cu a leim kä khan hlawt ci, Judah phi a cun ah mäih ah geinvai ci. Di nak naw ka chang gui ah om nak Jerusalem m’kawt cu pha lawk ci nei.”

MIKHAH 5:5

Ani naw dimdeeih nak law püi khai. Assirian gui naw khaw ami tuk law ung, mi ng’vong chaam ami m’shet law ung, keimi naw gai pi ciah kami ng’vai gui tüi ne kami tuk sak khai.

SAM 46:4

Tuinu tumat om ba ci, Cun ah tuinu naw Khanpughi ah mang gaw, a hlüngtai säih ah im theing ung yeikyai nak law püi ci.

ISAIAH 28:15

Nangmi cu sihnak awn ng’thu nami k’bäi ciah pyen ne, sihnak ah khaw awn nami yum ät ciah pyen ne, nami khähghah ci nei. Nangmi naw leigai a gawk law ung ning hlawi gui khai ah nami ngai ci, a i ah kyasei ci ung, nangmi cu nami hleei hlak lima nak awn phiawn vai ah nami ngai ci.

MIKHAH 5:4

Ani a law ung a chang gui cu Bawipa ungka lawk ciah thagui la amät Bawipa Khanpughi ah m’gäi nak awn uk khai. A chang gui cu phiawng ne om khai gui, m’dek khanchang van naw an ah dämduh nak cu m’taam khai gui.