ISAIAH 8:22 - Cho Bible Common Language 2016

²² Ngami naw m’dek teng khai gui, cun ung phi a i kä hmuk khai gui, yaica nak la mü hmüp nak bäng ah kyak khai, kyih kyawk vai ah mü hmüpnak cu.

ISAIAH 8:22 Referans Kwoze

ISAIAH 5:30

Cun ah hnüüp a gawk law ung, ngami cu Israel ah khan ah tuinu ah ng’güüt hlawk ah m’lau khai gui. Shinah khaw cu teng vä! Mü hmüp la geinvai nak ah kya ci! Akdei cu mü hmüp naw m’zaw ci nei.

MATTHE 22:13

Cun kawn ah ghangpughang naw, ak changshäm gui-am, ‘Shin ah chang cu a kut kho pin ne khit netah, ak pung ah hmüp khui ah m’shän vä, a cu ah ani cu kyap ne m’lau ne, aha htui ne om sä’ cine kyak na gui ci,” cine pyein ci.

MATTHE 8:12

Cun ung phi uknak kho ung khai shi ah chang gui läi cu thüi kyah nak, ha htui ne geinvai nak ah ak pung lam kho hmüp khui ah k’täm gui khai,” cine pyein ci.

JEREMIAH 13:16

Ani naw khaw hmüp nak kä a law püi pha ung, Ngami m’htung khan ah ng’vawn ne kä nami ng’tän phaung ani naw hmüp khui nu ah kyak khai ah kä a m’hlah pha ung, Bawipa nami Khanpughi cu m’tam khah vä.

JUDE 1:13

Ngahmi cu m’naw ne ng’hnauk ciah tuinu awn phi täng ci gui, tuinu ng’hnauk ah am vom ah mäih ah, ngami ah lü ng’aa nak vai ah ami om ih cu dang ci nei. Ngami cu a hteh nak vai ah lam kä om ciah aisi awn phi täng ci gui. Ngami ah hmawk ah Khanpughi naw thuuk ne ak hmüp nak pi k’bäih ung, angtäi sei ami om nak vai ah hmun cu m’hnüt pe gui ci.

NG'THU K'THUUK~ 14:32

Chang shekha gui naw akshe ami bi nak awn ami mät ah kyuk taat nak vai cu law pui ci gui. Cung ung phi changni gui cu ami niba nak naw shungvong gui ci.

JOB 18:18

Ani cu ghin nak ah kho ungka naw k’täm khai gui. Akdei nak ungka naw a hmüp nak ah k’täm khai guii.

MATTHE 24:29

“Cun ah yaica nak ah khin a gawk law kawn ah, acun vai-am hni mü ne hmüp khai, chaa phi kä khang ba khai, aisi gui phi khankho ah kaa kiawi ne kya law yawp khai gui. Khankho ah kumkü aisi gui ah lam cu ng’thawng yawp khai.

JEREMIAH 23:12

Ngami naw ami hteh nak ah lam cu plai ne hmüp khai; kei naw ngami cu ng’vawn ne ka kiuk sak gui khai. Kei naw ngami ah khan ah leigai ka law püi khai; ngami m’kyuk nak gui vai ah akhin cu gawk lawk ci nei. Kei Bawipa naw ka pyen nei.

ISAIAH 9:1

Ngami ah hmawk ah shin ah yaica nak ah khin ami phyawn nak vai ah lam kä om khai. Zebulun la Naphtali pakhui ah khaw cu ayanä kä bä man te ci, cun ung phi ngawi ah shin ah khaw ng’lei ung m’tam khah nak gawk lawk khai: Mediteranean ung ka naw akyang täng khaw Jordan ah vangga la kalile khaw amät. Khawhei chang gui ah om nak ah kyak ci.

ISAIAH 8:20

Nangmi naw nami shan gui rai cu, “Bawipa naw a ning m’theithang gui cu nami ngaih vai nei! K’ce gui cu kä nami ngaih gui vai-ngami ah ning m’thein gui naw käakni ah ning kyak sak gui khai.”

THU PHLAAN 16:10

Akhmaa nak ah khankho chang naw a eikbei ungka cu khiküi ah mangkiaang ah khan ah yuk huk khätah, khiküi ah uknak khaw avan cu mü ne hmüp yawp ne, cun ung om ciah chang gui cu geinvai u ne, ami haa htui ne kawp yawp ci gui.

ISAIAH 9:20

Khaw avan ung chang gui naw ami hmuh hning ah ei apihta cu ng’gut ne ei khai gui cun ung phi kä phü khai gui. Ami mät ah hta gui hngaw ei khai gui.

ISAIAH 30:6

Shin cu htum täng khong’gau ung om ciah khisa gui ah phäh ah khanpughi ah ng’thu ah kyak ci: Ng’shäbawi gui cu kyihkyawk vai ah khaw kan ne hteit hton ci gui. Cun ah khaw ung phong kawng gui, k’phyu m’äm mah gui, k’phyu ng’phai mah gui om ci. Ngami aw ami ng’sela gui la ami kala uk gui ung a phu küi m’cümhnah gui cu taih u ne, kä m’hteihtang gui hning khai ah pakhui ah hteh püi ci gui.

ISAIAH 50:11

Chang m’zih ne m’di ci gui nami van, nami mät ah m’zih naw ning m’di ba gui khai nei. Bawipa amät naw shin gui cu kyak khai ah bik khai nei; nangmi cu shin ah ginvai nak awn nami yaica khai nei.

ISAIAH 59:9

Chang gui naw pyen ci gui, “Na shedam na gui ciah kut ung ka, a i ah kyasei khanpughi naw kä ana hun gui ci cu, tuhbäi mikmi naw mi hmat ci. Mi hteh nak vai ah akdei cu mi ngaih u ci, cun ung phi, hmüp khui ah kyak ci,

PHYAWN NAK 10:21

Cun kawn ah Bawipa naw Moses am, “Na kut cu khomik ah han shäng ä, shah aih ciah hmüpnak nu naw Egypt khaw avan cu küm khai nei” cik ci.

PHYAWN NAK 10:22

Moses naw a kut cu khomik ah han shäng sei, Egypt khaw avan ung hnüüp thum ung khaw mü ne hmüp ci.

ISAIAH 50:3

Sik ciah phäh ah chang athüi ah mäih ah khomik cu hmüp khai ah ka bi hning ci. Bawipa ah changshäm naw ng’thu ang ngaih nak.

ISAIAH 60:2

A hei pakhui gui cu a hmüp naw küm gui khai nei. Cun ung phi nang ah khan ah 2Bawipa ah akdei cu ng’shü khai nei; Ani ah om nak ung a pyü khang nak cu mang awn a täng ah om khai nei.