ISAIAH 8:20 - Cho Bible Common Language 2016

²⁰ Nangmi naw nami shan gui rai cu, “Bawipa naw a ning m’theithang gui cu nami ngaih vai nei! K’ce gui cu kä nami ngaih gui vai-ngami ah ning m’thein gui naw käakni ah ning kyak sak gui khai.”

ISAIAH 8:20 Referans Kwoze

2 PETER 1:19

Cun ah kyasei keimi naw profet gui ah ng’shäu ah ng’thu cu kami yum law pi ci. Cun cu nami ngaih-tüh kheng vai nei, a i ah kia sei ci ung cun cu hmüp khui ung mei m’däi ah mäih ah, kho a thaih law güt nami m’lung kyong ung khäng ciah thaihke aisi ah kiak ci.

ROMAN 1:22

Ngami naw ami mät cu hmuhmat ci gui ah ami pyein ung phi, akcang ah a i kä hmuhmat ci gui ah kyak ci:

JOHAN 5:39

Cacim ung angtäi ghin nak om khai ah ngai ne cacim bäng nami teng ci. Acun ah cacim naw kei ah mawng cu saksi ci.

LAMKTU 17:11

Berea ah chang gui cu Thessalonika ah chang gui ah mä ami m’lung ng’htei pi ci. Cun ah kya ne Paul ah thu pyein cu k’tha na ne ngai ci gui. Paul la Silas ah thu pyein cu akcang la kä akcang ah ami hmat nak vai ah cacim cu ak hnüüp tä sei teng kheng ci gui.

MALAKHI 4:2

Cun ung phi kei na läk ciah nangmi ah phäh ah ka hun nak huham cu khohni ah mäih ah nami khan ah so lawk khai, hni ah pyü ne gai nak law püi khai. Nangmi cu phyawng ne, sei im ungka lut law ne ng’hlü ciah sei hta ah mäih ah nami yei khai.

MIKHAH 3:6

“Prophet gui aw, nami hnüüp ng’pyi ci nei, nami khan ah khohni so ci nei. A i ah kyasei ci ung, ka chang gui lam nami hma sak gui ci, nangmi ung muimang kä om ba khai, kä nami ng’cäbang ba hlawt khai.”

JEREMIAH 8:9

Nami cüi vai chang gui cu lü ng’aa ci gui nei. Ngami cu ng’gogan u ne, cuun ung awk ci gui nei, Ngami naw kei ah ng’thu cu hnungtuk ci gui, tuhbäi a i cüivai nak ang ngami naw ami gah?

ISAIAH 8:16

Nangmi, ka ning düihpüi gui naw khanpughi naw ana pek ah ng’thu gui cu ngäng ne nami m’htei vai.

NG'THU K'THUUK~ 4:18

Düng ciah chang ah hteh nak ah lam cu hni pyü ah mäih ah kyak ci. Dei law pi pi ne hni a luh law güt ung khang ci.

SAM 119:130

Khukhai ne na m’theithang nak naw akdei cu pek ci, chang k’ang gui cu cüivai sak gui ci.

2 PETER 1:9

Cun ung phi cun ah hlü nak gui kä om ciah chang cu, ak tawi ah ngai ne, a i kä hmuk ci. Ani cu ayanä ashetkat nak ung kaa theingcim nak agah cu kä shüm ba ciah kyak ci.

MATTHE 22:29

Bawipa Jesuh naw, “Nangmi cu cacim phi kä nami hmat ci, Khanpughi ah hlüngtai nak phi kä nami hmat ci, cun ah kyasei nami m’lung ngaih cu ng’lat ci.

MATTHE 6:23

Nami mik ui a mü ung nami pumsa avan hmüp yawp khai. Cun ah kia sei nangmi ung om ciah akdei cu, ak hmüp ah a kyak lä ung, cun ah hmüp cu anghtei ah mü ne hmüp khai nei.

HOSEA 6:3

Bawipa cu mi hmat vai ah mi tha nak khai nei. Khaw a thaih law vai cu ahmat phyat ah mäih ah khomdek khan ah tui long khai ah kho a aa vai a hmat phyat ah mäih ah ani cu mik ah lawk khai nei.”

ISAIAH 1:10

Jerusalem aw, na uktu gui la nak chaung gui cu, Sodom la Komorrah ah mäih ah kyak ci gui nei. Bawipa naw nangmi ah khan ah a i a pyen cu ngai vä. Mi khaupughi naw aning m’thei gui cu ngaih nah vä.

LUKA 10:26

Bawipa Jesuh naw, “Cacim ung a i ah nei a om? Nang naw a i ah nei na hmat?” cine ng’shi tu ba ci.

SAM 78:5

Ani naw Israel chang gui am thukhän pe gui ne, Jakob ah hta ng’shon phi thumkhän pe gui ci. Ami hta gui-am ang thumkhän ami m’thei vai ah ani naw mi pupa gui cu m’thein m’kan gui ci.

ISAIAH 8:22

Ngami naw m’dek teng khai gui, cun ung phi a i kä hmuk khai gui, yaica nak la mü hmüp nak bäng ah kyak khai, kyih kyawk vai ah mü hmüpnak cu.

JEREMIAH 6:16

Bawipa naw a chang gui pyen ah gui ci, “Lam kyum gui ung ng’düi neta teng vä. Cau lam phyim gui la lam akni pi a hawi a om cu ng’shi gui vä. A cun ung hteit vä, dim deeih nak awn nami om khai.” Cun ung phi ngami naw, “Kaa, kä ka mi hteit khai!” cine pyen ba ci gui.

EZRA 10:3

Tuhbäi ung mikmi naw shin ah hnumi gui la ami hta gui cu ahei ah kami k’täm gui khai nei cine, mi Khanpughi ah ma ah aktung ah shaitak mi bik khai nei. Khanpughi ah thumkhän m’tamkhah ciah nang la ahei gui naw bi vai ah nami pyen ah kami bik khai nei. Khanpughi ah thumkhän naw ak thäh ah mäih ah keimi naw kami bik khai nei.

MAKUH 10:3

Bawipa Jesuh naw, “Moses naw a i cha ah ang thukhän a ning peit gui” ci ne ng’shi tu ba gui ci.