ISAIAH 8:19 - Cho Bible Common Language 2016

¹⁹ Cun ung phi chang gui naw viik ne, sawbek ciah ng’cäbang ci la k’ce gui ah ng’thu nami k’thäh vaiah ning m’thein gui khai gui. Ngami naw, “Cun kawn ah chang gui naw mumcha gui ah ng’thu k’thäh hning ci gui, akghing nak vai sü aksi cu ng’shica hning ci gui” cik khai gui.

ISAIAH 8:19 Referans Kwoze

1 SHONTÄP NAK 10:13

Saul cu a i ah kyasei a sih ci ung Bawipa ung kä a bekhüt ah phäh ah kyak ci. Ani naw Bawipa ah thumkhän cu kä ngai ci: ani naw aksi gui ah mümcha gui cu ng’shi thäh gui ne lamshüm nak cu shui ci.

TAIGÜTHUM 20:6

“Chang tumat mat cu aksi ah mümcha ah luh nak ah chang, m’cumcäi tuk khai ah a hteh ah a kyak ung, kei naw hnungtuk ne ka ng’hlah tak khai. Ka chang tumat ah kä ka k’bäi ba khai.

2 SHONTÄP NAK 33:6

Ani naw Hinnom khongnawi ung a hta gui awn m’khih ne douthak ne khawihnah ci. Ani naw kho cuun la khokce ah bi cu bi ne, ng’cängbang ci gui la khogam ah kai gui cu ng’shi k’thäh gui ci. Ani naw akdämduh ah Bawipa hnungtuk püi ne katnak bi ne, ak tung ah m’lungshe sak ci.

SAM 106:28

Cun kawn ah Peor ung Khanpughi ah chang gui cu Baala khawihnah ci gui ung ng’dawn tu u ne, sik ciah khanpughi gui ah ghu tha nak cu ei tuk ci gui.

TAIGÜTHUM 19:31

Aksi ah mümcha naw a luh nak ah chang cu m’cumcäi vai ah kä nami hteh shi vai. Cun ah nami bi ah a kyak ung nangmi cu kä theingthap ciah nami kyak khai. Kei cu Bawipa nami na Khanpughi nei.

ISAIAH 29:4

Jerusalem cu khomdek khui ah ng’thu pyen khai ah ng’ cou ng’tat ciah m’cha ah mäih ah kyak khai, m’vut khui hmu ung kä hteh ciah kaw lutlawk ciah mäih gh kyak khai.

ISAIAH 19:3

Kei naw Egypt gui pawngpüi gui cu a kholä ah kyak sak ne, ami m’lung ngaih cu ka m’di khai, Ngami naw, ngami m’hteinhtang gui khai ah agup gui cu ng’shi thäh khai gui, Ngami naw khaw ah kai gui ah hteit ne ng’shi k’ca khai gui, sik ciah mümcha gui cu am shümthein gui vai ah ng’shi thäh khai gui.

1 SAMUEL 28:8

Saul naw amüi m’thawng neta; sui a hei ng’thong ne, khaw hnüp law khäta a chang hnih khah püi ne, cun ah hnumi ah hteit ci. Ani naw cun ah hnumi am, “Mumcha na ng’shi pe neta, a i i ah kya lawk khai cu na m’thein ä, kei naw a ming ka pyen nak chang ah mümcha cu khü ä” cik ci.

THULÄÄN NAK 18:11

phyuh vawih nak, cun kawn ah sik ciah mümcha awn kä nami gengpai en sak gui vai.

JEREMIAH 10:10

Cun ung phi nang, Bawipa, cu Khanpughi akcang nei, nang cu ghing ciah Khanpughi, angtäi ghing ciah ghangpughang nei. Nang na m’lungshe ung khomdek cu thüng ci, nang ah m’lungshe cu changpakhui gui naw kä näng ci gui.

2 GHANGPUGHANG GUI 21:6

Ani naw m’khih ne-douthak nak ah a htapa awn khawihnah ci. Ani naw cuun nak ce nak cu bilo ne, ng’cäbang ci la khoshe ah kai gui cu ng’shi k’thäh ci. Ani naw akdäm ah Bawipa cu hma ne hnungtuk püi ne, ani ah m’lung cu sheet sak ci.

2 GHANGPUGHANG GUI 1:3

Cun ung phi Bawipa ah khanchang naw Tishbe ah ka prophet Elijah cu thumkhän ne, Ghangpughang Ahaziah ah ng’shängchang gui cu hteit ne hmu gui ne, ami ng’shi vai a pyen cu, “A i ah kyasei nangmi naw, Ekron Khanpughi, Baalzebub cu hteit ne nami ng’shi vai ang? Nangmi naw Israel ung Khanpughi kä om ciah nami ngai ne ma?

2 GHANGPUGHANG GUI 23:24

Taigütung Hilkiah naw Taigüim kyong ah a hmuh ah thukhän ca uk ung ami guk ah mäih ah Ghangpughang Josiah naw Jerusalem ungka la Judah khaw ungka, khaw ah kai gui la ng’cecäk ci gui avan, ami im kyong khanpughi gui, a gup gui avan la khongyo khawihnah nak ungka avan cu k’täm yawp ci.

1 SAMUEL 28:16

Samuel naw, “A i ah kyasei, Bawipa naw ning nawng ne, na ga ah kya pyi khäta, kei na na khü ang?

2 PETER 2:1

Thuvi ciah profet gui caü ami dang man ah mäih ah, thuvi ne m’theithang ci gui cu nangmi ah ng’lung ah dang lawk khai nei. Ngahmi naw dimaih nak vai la käng düng ciah yum nak cu law püi u ne, na hun gui ciah Bawipa phi mak khai gui nei, Cun gui cu a shänghta dimaih nak ung gawk khai gui nei.

1 SAMUEL 28:11

Hnumi naw, “A u ka ning khü pek vai ang” cik ci. Ani naw, “Samuel” cik ci.

1 THESSALONIAN 1:9

Keimi kami law ah mawng la a i cha nami na dou gui ah mawng, düng ne ghing ciah Khanpughi ah a khuut bi vai la khankho ah ka kyum law ba khai ah A Htapa ngäng vai ah hmawk ah a gup gui nawng shüt ne Khanpughi ah nami ng’hlah law ba ah mawng gui cu, cun ah chang gui naw pyein sak ci gui nei.

LAMKTU 16:16

Kho hnüüp ät ung keimi cu taigü nak hmun ah kami hteh nak lam ah khoshe naw kai sei cecai ciah, ami changshäm hnumi hta tumat cu kami hmuk ci. Ani cu ak ce ng’cheng awn a bawi gui ah hmawk ah ngui akda gah ci.

ATÜNNAK 41:24

Akpim gui naw ang tak gui cu m’zaw ci gui. Puikaih gui am ka mang ka m’thein gui pyi ci, cun ung phi a u naw kä phlan thei ci” cine m’thein ci.

ISAIAH 26:14

Tuhbäi, ngami cu sik ci gui, kä ghing ba khai gui nei; Ngami ah m’cha cu kä tho ba khai nei, nang naw m’kyuk gui ne, na m’di gui ah phäh ah kyak ci nei. A u naw phi ngami kä shüm ba gui khai nei.

ISAIAH 30:2

Ngami cu kei kä na ng’shikca ah Egypt khaw ah h teit ne ng’hui ng’pa ci gui. Ngami cu Egypt naw ashungvong gui vai m’hni ci gui, cun ah kya ne Egypt Ghangpughang ung ami ngaih u nak ap ci gui.

ISAIAH 45:11

Bawipa, theingcim ciah Israel khanpughi, malam ah mawngma pyang tham ci naw, a pyen cu; “Ka hta nau gui ah mawng, nami na shi thäh nak hning vai nangmi ung kä om ci, kei naw a i ka bi vai ah, nami na m’thein nak hning vai phi nang mi ung kä om ci!

ISAIAH 47:12

Phyuh phyäi, phyuh theh gui avan cu na k’pan vai; Cun gui cu nang naw na hmaw yah ung tün ne na mang ah kyak ci. A cun gui naw ning m’htei ei hman khai; A cun gui awn na ga gui na k’täm mei hning hman khai.

ISAIAH 47:13

Nang cu ning m’cum’cäi khai om pang sei phi, na huham maih ci nei. Cecai ci gui na chang gui naw hmai ah law ne ning hun u sä. Ngami cu aisi ah mawng thei thang ci gui, khankhaw ung zone gui ah k’bou ne geei ci gui, ngami naw cha ät ung ka naw cha ät a i ah kya lawk khai ci cu, ning m’thein u sä.

JEREMIAH 27:9

Nami prophet gui, käcung malam ah amawng ng’cäbang thei ciah pyen ciah chang tumat mat cu kä nami ngai vai, ngami cu ami mang awn baw, aksi ah mümcha khü ne baw, cerai ne baw kya thei ci gui. Ngami ami van naw Babilon ghangpughang ung känami ng’kiaa vai al ning pyan nga gui khai gui.

MIKHAH 5:12

Kei naw nami cecai nak gui ka m’di khai, pui tu kaih ci a u kä om ba khai.

THULÄÄN NAK 18:10

Nami sonkiang ah khan ah mei ung nami hta nau gui kä nami khawihnah en vai, nami chang gui am kä nami bi en sak gui vai cu, cäbang nak, cecai nak, taigü m’cu nak,

1 SAMUEL 28:7

Cun kawn ah Saul naw a bawi gui k’thäh gui ne, “Cek ciah hnumi na shui pe vä, hteit ne ka ng’shik khai” cik ci. “Endor ah tumat om ci nei” cik ci gui.