ISAIAH 8:18 - Cho Bible Common Language 2016

¹⁸ Shin ung kei cu Bawipa naw ana pek ah ak hmaw gui awn atäng ah ka om ci nei. M’gäi ciah Bawipa, Zien m’htung ung among kyang om ci naw, Israel chang gui am, ghing ciah thu.

ISAIAH 8:18 Referans Kwoze

LUKA 2:34

Simeon naw hrilham pe gui netah, Nu Mari-am a pyein nak cu; Israel chang da gui ami didap vai la hun nak ami gah vai ah hmawk ah shin ah ak hmawhta cu Khanpughi naw a ghü pyi nei. Ani cu Khanpughi m’hnüt nak ah kya ne, chang gui naw hnu ng’tuk püi ne ami ng’thu nak awn, ami mät ah m’lung kyong cu dang sak khai gui nei.

ZEKHARIAH 8:3

Kei cu theing ciah ka mang gaw Jerusalem ah ka hteit ba khai, a cu ah ka om khai nei. Cun ah mang gaw cu bekhüt ciah mang gaw ah hmat khai gui, hlüngtai ciah Bawipa ah khawgui gui cu, theingthap ciah khawgui ah khü khai gui nei.

SAM 71:7

Kei ah ka ghin nak cu chang aka ah ng’thei nak vai ah kyak ci. A i ah kyasei ci ung nang cu khäng ciah ka shung nak ah kyak ci.

ZEKHARIAH 3:8

Joshua aw, ngai ä, nang cu taigütung ah na kyak ci; ani ah ak taigü paw gui phi ngai vä, nangmi cu ngawi ah akni law vai nami m’dang ciah nami kyak ci. Kei naw ka changshäm ka ng’dang sak khai, ani cu angban ah khü ah kyak ci!

ISAIAH 53:10

Bawipa naw pyen ci, “Ani a yaica vai cu kei ah ka ng’yak hlü ah kyak ci nei; Ani ah a sih cu m’geinsei nak law püi nak vai ah khawihnah nak ah kyak ci. Cun ah kyasei ani naw a hta ng’shon gui cu hmu gui khai; ani cu aghin kho ng’shäi khai, ani ung kei ah ng’bü nak cu näng m’khüt nak om khai.

SAM 22:30

Malam ah hta ng’shon gui naw a khuut bik khai gui; Chang gui naw Bawipa mawng cu lawk ciah ng’shon ung pyen khai gui.

SAM 9:11

Zion kho ung uk ciah Bawipa am ng’äi m’cu vä! Ani ah bi lawh ah mawng cu pakhui päng-am’thein vä!

HEBRU 12:22

Cun nak vaisü ung nangmi cu Zion m’htung la angtäi ghing ciah Khanpughi ah mang gaw, Khankho Jerusalem, kä khei tai vai ah khanchang gui ah om nak ah nami gawk ci nei.

ISAIAH 24:23

M’gäi ciah Bawipa cu ghangpughang ah kya lawk khai kya sei, cha cu hmüp ne, hni cu kä khang ba khai nei. Ani naw zim m’htungung ka naw Jerusalem cu uk khai, chang gui ah ami ng’vai naw a bämang nak cu hmuk khai gui.

ISAIAH 12:6

Zion ung om ciah chang pang cu m’lau ne ng’ai sak vä! Israel ah theing cim ciah khanpughi cu dämduh ci nei, ani cu a chang gui ah ng’lung ah om ci nei.”

ISAIAH 7:16

Cun ah khin kä a gawk law pha ung phi, nangmi naw nami kyih ah ghangpughang goi ah ami khaw cu shekak khai nei.

ISAIAH 14:32

Philistia ah ung ka mikmi ah law ba ciah ng’shä chang gui cu a i hawkcha ah mi shang gui khai aw! Mik mi naw mi m’thein gui vai cu, Bawipa naw Zion cu m’düih pyi ci nei, ani ah yaica ciah achang gui cu a cu ah phyawng gai u sei hmuh gui vai.

1 SHONTÄP NAK 23:25

David naw, Bawipa Israel Khanpughi naw a chang gui am dimdeeih nak pe gui ci, ani amät phi Jerusalem ung ngawi yä om khai.

HEBRU 10:33

Nangmi cu chang ah ma ah päipih shedam nak nami gah ci, cun ung phi päipih shedam nak gah lawk ci a om ung nami m’gein tuk ci.

ISAIAH 7:3

Bawipa naw Isaiah am, “Na hta Shear Jashub cu hteh püi ne Ghangpughang Ahaz cu va hmu ä. Ani cu akhan tui büm ung ka tui laknak ah mawngah khütnak, tah tah ci gui ah bi nak ah lam ung na hmuk khai nei.

EZEKIEL 14:8

Kei naw ani cu ka hnu nak khai. Kei n aw ani cu Chang ah thei tu vai ah ka pyang khai. Kei naw ka Chang bum ungka ka heeng khai, cun ung nang naw kei cu Bawipa ah na na hmat khai.

ISAIAH 8:3

Api shou hta khäta kakchu cu käu mah lawk ci. Kami hta ang tüi law ung, Bawipa naw ana pyen nak cu “Aming cu ‘Akzaang ah gut-ang ghit ah gut’ ah nami sui vai.”

ATÜNNAK 33:5

Esau naw hnumi gui la a hmaw gui cu hmu law gui neta, “Shin ah na khah püi gui cu a u gui ang?” cine ng’shik ci. Jaokb naw, “Ka bawi aw, shin ah a hmaw gui cu Khanpughi naw bä ne ana pek ah kyak ci nei” cine m’shang ci.

THULÄÄN NAK 28:46

Ngami cu nangmi la nami htangshon gui ah khan ah ngawi yä Khanpughi ah ng’thumcha nak ah saksi ah kyak khai gui.

ISAIAH 20:3

Ashdod ami khäm kawn ah Bawipa naw a pyen cu, “Kei ah ka changshäm Isaiah cu khokum thum ung akplui ah phahnak kä ng’cum ne om ci nei. Cun cu Egypt la sudan ung a i ah kya lawk khai cicu m’hnüt nak ah kyak ci nei.

JEREMIAH 44:29

Kei, Bawipa naw, shin ah hmun ung ka ning m’kyuk gui khai ci la nami khan ah dishum nak ka law püi khai cicu bä lawk khai, cicu kei naw m’khän nak ka ning pe gui khai.

EZEKIEL 4:3

M’si phe tumat cu la neta namät la mang gaw ah ng’lak ung k’paang ah mäih ah m’düih ä — mang gaw täng ah mang ä — mang gaw cu khaai ci gui, nang phi na khaai tuk ciah kyak ci. Cun cu Israel chang pakhui gui ah mawng m’hnüt nak ah kyak ci.

EZEKIEL 12:6

Ami ning hmuh ah na ng’ip gui na phleing ung taih ne, na hmai shung ne hmüp khui ung na hteh vai nei, cun ung nang hawi na hteh cu kä na hmuk khai. Nang ah na bi phung cu Israel Chang gui ah phäh ah m’ cäicat nak ah kyak khai nei.”

SAM 9:12

Dukdeiu nak gah ci gui cu Khanpughi naw shüm gui ci; ngami ah ng’hui ng’pa nak cu kä m’hnih ci, ngami ah khan ah ak ka bik ci cu m’kyuk ci.

LUKA 2:18

Htoshäm gui ah ng’thu pyein ng’ya tuk ci gui cu cäicat ci gui.