ISAIAH 8:17 - Cho Bible Common Language 2016

¹⁷ Bawipa naw akchang gui ung ka, amät naw amät cu ng’thuh sak ci, cun ung phi kei naw ani ngaih u ne, ka ngaih u nak cu ani ung ka tha ci.

ISAIAH 8:17 Referans Kwoze

HABAKKUK 2:3

Gu ne na gim vai, aküm nak ah khin kä gawk law phak ci. Cun ung phi ka ning m’dang aküm nak vai ah akhin cu ang ghit ah gawk lawk khai. A law nak ung api ah a shokshü ung phi, na gin vai, akcang ah gawk lawk khai, kä hleei khai.

ISAIAH 25:9

Cun ah a kyak law hnüüp ung chang nü naw pyen khai, “Ani cu keimi ah khawpnghi nei! Ani keimi kami ngaih gep ci nei, ani naw na gung gui ci nei. Ani cu Bawipa nei! Ani ung keimi kami ngaih gep ci nei, tuhbäi keimi kami yeikyai lün lawi ci nei, a i ah kyasei ci ung ani naw keimi nah un gui pyi ci nei.

SAM 33:20

Mi ngaih u nak cu Bawipa ung om ci; Ani cu na shungvong gui ci la nam htei gui ciah kyak ci.

ISAIAH 54:8

Kei naw a shäng ung m’lungshe ne ka ning hlah tak ci, cun ung phi kei naw ka ning m’hni nak cu angtäi sei, ka m’dang khai nei,” cine ning hun ciah Bawipa naw pyen ci.

HEBRU 9:28

Acun ah mäih ah Bawi Khrit cun phi, chang gui ah cheishoh nak phiawn khai ah, hnü ät bäng küikyan ne ng’ap ci. Ani cu cheishoh nak nawt täm ba khai ah kä kyak ciah, ngäng ci gui ah chang gui hun gui khai ah ak hnih vei nak ah kyum law ba khai nei.

SAM 27:14

Bawipa ngaih u ä, yum ä, khüi ghaat ä, Bawipa ngaih u ä.

ISAIAH 59:2

Nang mi, nami hmakat nak ah phäh ah ani naw kä aning yak gui ah kyak ci. Nangmi naw ani khawihnah vai ah nami k’thanak yah ung, nangmi la khanpughi ah ng’lak ung ning m’cha gui cicu nangmi ah katnak ah kyak ci —

ISAIAH 50:10

Bawipa m’tamkhah ci gui, a changshäm ah ng’thu läk ci gui avan, nami hteh nak ah lam cu akcang ah hmüp khai nei. Cun ung phi Bawipa ung ng’ap vä, khanpughi ung khäng hteh vä.

1 THESSALONIAN 1:10

Cun ah A Htapa Jesuh cu Khanpughi naw sih nak ungka thawh ba sak sei, gawk law ge ciah Khanpughi ah m’lungseh nak ungka nak phiawn gui ciah Bawipa ah kyak ci nei.

MIKHAH 7:7

Cun ung phi kei naw Bawipa cu ka k’äih khai. M’lung theing awn Khanpughi cu ka ging khai, ani naw na hun khai, Khanpughi naw na ngaih pek khai.

MIKHAH 3:4

Bawipa ah nami ng’paa nak vai ah a khin gawk lawk ci, cun ung phi ani naw kä ning m’shang gui khai. Akshe nami bik ci kyasei nami taigü cu kä ngai khai.

HOSEA 12:6

Cun ah kyasei tuhbäi, Jakob ah htangshon gui, Nami Khanpughi ung ng’ap u ne, nami law ba vai nei. Bekhüt ne taga ne, nami Khanpughi ah hnün thawh cun “lung na ne ngäng vä.

THULÄÄN NAK 32:20

“Kei naw kä ka m’hteihtang ba gui khai, cine ani naw pyen ci. Cun ah linglai ne kä bekhüt ciah chang gui ah khan ah a i ah kya lawk ci, cicu kei naw ka hmuk khai.

2 THESSALONIAN 3:5

Khanpughi ah am hni nak nami hmuhmat law pi vai la Bawi Khrit ah a kyum law nak ba vai m’lung sau awn nami ngäng nak vai ah Bawipa naw nangmi cu lam ning m’shüm gui sä.

ISAIAH 64:7

A u phi taigü ne nang ah kä ng’hlat lawk ci; a u phi nang naw na m’htei vai ah kä hteit ci. Keimi kami hmakat ah phäh ah, nang naw na na nawng gui ci, kei mi ung ka na ng’thup ci.

ISAIAH 1:15

“Nangmi naw taigü nak ung nami kut nami shäng ung, Kei nan kä ka ning teng gui khai nei. A i Chü ah nangmi nami taigü ung phi kei naw kä ka ngai khai nei, a i ah kyasei ci ung nami kut cu si naw k’plüm ci nei.

SAM 39:7

O Bawipa, a i ka ngaih u khai ang? Nang bäng ka ning ngaih u ci nei.

ISAIAH 26:8

Nang ah ng’yak hlü cu kami läk ci nei, nang ung ngaih u nak kami tak ci nei; keimi ah ng’yak hlü avan cu nang ah kyak ci nei.

SAM 130:5

Bawipa ah m’htei nak cu kei naw k’tha na ne, ka ging ci, ang thu ung ka zumhtek ci.

ATÜNNAK 49:18

Na hun nak cu ka ging ci nei, Bawipa.

LUKA 2:38

Ak hmaw ami ap law sang ung cun ah hnumi cu gawk law netah, Khanpughi m’hlüngtai ci! Cun kawn ah Jerusalem cu hun lawk khai’ ciah ngäng ci gui ah chang gui-am, ak hmawhta ah mawng cu m’thein gui ci.

ISAIAH 64:4

Nang ah mäih khanpughi cu a u naw kä ng’ya man ci, kä hmu man ci nei, ami ngaih u nak ani ung tha ci gui ah phäh ah shin ah mäih bik ci kä om man ci nei.

ISAIAH 33:2

Bawipa, na chimgein gui ä. Keimi ah ngaih u nak nang ung om ci nei. A hnüüp tä na shungvong gui ä, khüi kha nak ah khin ung an hun gui ä.

SAM 40:1

Bawipa ah m’htei nak cu kei naw hnim gei ne ka ngäng ci nei; Ani naw na ngai ne, ka kyah cu ng’yak ci nei.

SAM 37:34

Bawipa ung ngaih u nak ta ne, ang thum khen cu läk vä; ani naw ng’dü khaw ning pe gui ne, ning m’taam khah gui khai; changshe ak täm cu nang mi naw nami hmuk khai.

LUKA 24:27

Cun kawn ah Bawipa Jesuh naw, Messiah ung tün ne profet gui naw, ngami ah mawng ami guk ah cacim gui cu tän ne pyein ne m’thein goi ci.

HEBRU 2:13

Cun kawn ah Bawipa naw, “Kei cu Khanpughi ung kang ap khai nei,” cik ci, cun kawn ah, “shin ung Khanpughi ah na peit ah hta gui awn a täng ah kami om ci nei,” cine pyein ba mä ci.

JOB 13:24

A i ah ki asei kei na na lek ang? A i ah kyasei ga ah mäih ah na na om püi ang?

ISAIAH 30:18

Cun ung phi Bawipa naw nangmi ning chimgein gui khai ah ning ngäng gui ci nei. Ani cu nangmi ning m’gein gui khai ah om ge ci nei, a i ah kyasei ci ung, a ni cu angtäi sei düngnak bik ciah kyak ci nei. Bawipa ung ngaih gep ciah chang gui cu yeikyai nak om ci nei.

ISAIAH 45:15

A Chang gui hun gui ciah Israel khanpughi cu, amät naw amät thup ciah khanpughi ah kyak ci nei.

JEREMIAH 33:5

Am shah gui naw Babilonian gui cu ng’tuk püi khai gui, ngami naw im gui cu kei naw ka m’lungshe nak la ka nget ngawng nak awn ka ngawn sheh gui ah a hook gui awn be sak khai gui. Kei naw shin ah mang gaw cu ka ng’hlah tak ci, a i ah kyasei ci ung awn ung om ciah chang gui naw akshe ami bi ah phäh ah kyak ci.

JOB 14:14

Chang a sih ah a kyak ung ghing ne law ba hning khai aw? Cun ung phi kei naw a khin akni pi cu ka ngäng khai nei. Shin ah khüikha nak ah akhin ang pyi güt ngäng vai nei

JOB 35:14

Joba, nang naw Khanpughi kä na hmu hning ciah na pyen ci, Cun ung phi m’lung sau awn na ngäng ci. Nang ah mawngma cu ani ah ma ah om ci.

ISAIAH 57:17

Ami katnak la ami ng’yak hlüaih nak ah phäh ah ka m’lungshe na gui ci, cun ah kyasei kei naw m’lyuk gui ne, ka nawng gui ci. Cun ung phi ngami cu m’lung ling u ne, ami mät ah m’hni ah om lä ci gui nei.

ISAIAH 64:6

Keimi kami van cu kami hmakak ci nei, keimi ah akni pi ah kami hnünthawh cu lelawi pikbäih ci nei. Keimi kami kat ah hmawk cing hnah chawng, khokhi ah zon awn kami täng ci nei.