ISAIAH 8:14 - Cho Bible Common Language 2016

¹⁴ Kyihcat vai ah ka theingciim nak ah hmawk ah kei cu chang gui naw ng’vawn ne ami ng’täät nak ah lung awn ka tang ci; kei cu cun ah ka kyak ci, acun naw Judah la Israel uknak khaw ung chang gui la Jerusalem ung chang gui cu pha gui khai.

ISAIAH 8:14 Referans Kwoze

1 PETER 2:8

A hei cacim ung, “Cun ah lung cu chang gui ah m’thuihshawng nak vai la, Chang gui ah ng’vawn ng’täät nak vai ah kyak ci”, ciah om ci. Ngami cu thucim kä yum ci gui ah kya ne, ‘Thuihshawng ci gui, cun cu ngami ah hmawk ah Khanpughi naw am’hnüt ah kyak ci.

ISAIAH 28:16

Tubäi, shin cu, uktu Bawipa naw a pyen nei, “Kei naw Zion ung angnei ka k’süm ci, cun cu khäng ne, khüi ci nei kei naw lungtung am liu ka ng’ling ci nei, ‘Khäng ciah yum nak naw ngaihgei nak phi kyak sak ci!

LUKA 2:34

Simeon naw hrilham pe gui netah, Nu Mari-am a pyein nak cu; Israel chang da gui ami didap vai la hun nak ami gah vai ah hmawk ah shin ah ak hmawhta cu Khanpughi naw a ghü pyi nei. Ani cu Khanpughi m’hnüt nak ah kya ne, chang gui naw hnu ng’tuk püi ne ami ng’thu nak awn, ami mät ah m’lung kyong cu dang sak khai gui nei.

EZEKIEL 11:16

“Tuhbäi kei nae pyen gui cu name paw gui omktu gui am m’thein tu gui vä. Kei cu ngami ashou nak ah khaw ah om khai gui ah tüi gui ne khopäng ahei yung ah püi sak gui ciah ka kyak ci nei. Cun ung phi, akhin a gawk law ung, ngami ami gawk nak ah khaw ung kei naw atäng ah ka om püi gui khai nei.

NG'THU K'THUUK~ 18:10

Bawipa cu khänghtek ciah tänghän ah kyak ci. A cu ah dung ciah chang gui hteit u ne phyawng m’htein ci gui.

SAM 69:22

Ami näng ei cu ami di nak ah kya sä; ami ei theing cu ami zu ng’kyak nak ah kya sä.

SAM 11:6

Ani naw meikcak ang’ai la k’sam mei däi cu changshe gui ah khan ah yuk chah ci; Khokhi ng’hüüt naw ngami cu m’kyuk gui ci.

MATTHE 13:57

Cun gui ah thu pyein ne ngami naw hnungtuk püi ci gui. Bawipa Jesuh naw, ngahmi-am, “Profet cu amät ah pigaw la amät ah kyongkhui ah tha ah a u naw phi kä hnu ng’tuk püi ci,” cine kyak na gui ci.

ISAIAH 26:20

Ka chang gui aw, nami im kyong ah lut ba vä, nami shoh khai vä. Khanpughi ah m’lungshe nak ang pyi güt akhäng hta nami ng’thuh cang vai nei.

ROMAN 11:35

Bawipa naw a thung sah ba vai ah a u naw ani-am k’pu m’hnih khai ang! ciah om ciah mäih ah kyak ci.

LUKA 21:35

M’khoichaa nak ah hnüüp cu thau ah ng’chawi ah mäih ah nami khan ah akten ah gawk lawk khai nei. Cun ah hnüüp cu khomdek khan chang avan ah khan ah gawk khai nei.

ISAIAH 4:6

Ani ah bämang nak naw mang gaw cu khaw hnüü ling ung g’hnim sak ne, phyawn ciah hmun na pyang ne, khaw kaa la puikhaw ung shungshet khai.

MATTHE 21:44

(Cun ah lung ah khan ah kya lawk ciah chang cu hngetbät khai, ak khan ah cun ah lung naw a kyak ah chang cun phi deng ne khui khai)” cine kyak na gui ci.

SAM 140:5

Chang m’thüi gui naw kei am m’hling na ban ci gui; Ngami naw cuun cuung u ne, lam ah ng’län ung ami na pha nak vai m’hling bang ci gui.

ISAIAH 7:16

Cun ah khin kä a gawk law pha ung phi, nangmi naw nami kyih ah ghangpughang goi ah ami khaw cu shekak khai nei.

ISAIAH 25:4

Dukhaih ci la am geinka gui cu nang ung ng’yii ci gui nei, yaica nak ah akhin ung ngami cu phiawn nak gah ci gui nei. Pui khokhi ung ng’yii nak vai la mei k’cang ung ng’shung nak vai na pe gui ci nei. Chang m’ghämce naw sik khokhi ah mäih ah,

ISAIAH 59:10

Chang mik m’dauh ah mäih ah mikmi cu m’thäp ne mihteit ci mikmi cu hnüüng ng’lung ung plai sei mi ng’taak ci mü hmüp ah mäih ah, hmüp ciah sih nak ah khaw ah mäih ah.

JEREMIAH 6:21

Cun ah kyasei shin ah chang gui ah ami ng’vawn nak vai pyang ne ka ng’tän sak gui khai. Ami pa gui la ami hta gui, ami teihpüi gui la ami paw chang gui si yawp khai gui.

EZEKIEL 3:20

Akcang ah changnitumat naw shetkat nak a bi law ah a kyak ung kei naw khüi kha nak ung ka thun khai, nang naw ng’thu kä nak na k’bäi ung, ani cu sik khai. Ani cu a katnak ah phäh ah sik khai-ani naw akni abi gui man cu kei naw kä ka shüm ba khai-ani ah sih nak cu nang am ka ning ma na sak khai.

JOSHUA 10:7

Cun ah kyasei Joshua la gakap avan, gakap akipi gui mah ah Kilkal ungka pawng ne lawk ci gui.