ISAIAH 8:13 - Cho Bible Common Language 2016

¹³ Nami shüm vai, kei, m’gäi ciah Bawipa cu, ka theingciim ci; Nangmi naw nami kyih vai cu kei tumat bang nei.

ISAIAH 8:13 Referans Kwoze

LUKA 12:5

Nami kyih vai cu ka ning m’thein gui khai, ngawn netah mä m’htei ah tüi hning ci, huham mah ciah Khanpughi cu nami kyih vai nei, ka pyein cu nami yun vai, kyih vai cu ani bäng om ci nei.

THU PHLAAN 15:4

Nang cu kä ning kyih aa ne, A u kä om hlawt khai nei, Bawipa! Nang ah küikyang hlüngtai nak cu ng’hlahta ne, A u om hlawt khai ang? Nang bäng na theing ciim ci nei. Nang ah bilawh cu chang avan naw hmu pyi ciah kyasei, Khaw päng ungka chang nüng law ne, Ning khawihnah lawk khai gui nei” ciah kyak ci.

MATTHE 10:28

Pumsa a ngawn hlawt ung phi Mumcha kä ngawn hlawt cicu kä nami kyih vai; pumsa la mümcha avan m’htei kho ah m’di hning ciah Khanpughi bäng nami kyih vai.

SAM 76:7

Cun ung phi nang Bawipa cu van naw ning kyih ci nei. Nang na m’lung she yah ung na ma ah a u kä ng’düi hlawt ci nei.

MALAKHI 2:5

“Ka thukhän ung ghin nak la bämcam nak cu ka shaitak ci, cun cu ka pek gui ah kyak ci. Cun ah kyasei ami na kyih aa vai kyak ci. Acau läi ngami naw na chang m’sui ne na kyihkyawk man ci gui.

ISAIAH 29:23

Kei naw ka ning pek gui ah a hmaw gui cu, nangmi naw nami hmuh law ung, kei cu Israel gui ah theingeim ciah khanpughi ah ka kyak cu nami hmat khai nei. Nangmi naw na m’hlüng m’tai u ne, nami na kyih aa khai nei.

ATÜNNAK 31:53

Abraham ah Khanpughi la Nahor ah Khanpughi cu ni ng’lak ung om khai nei” cik ci. Apa Isaak ah khawihnah ah Khanpughi ah ming ung Jakob naw akyäp nep ah thukhän cu bik ci.

ROMAN 4:20

Ani cu a yum nak kä ng’hlat phung ci, Khanpughi ah shaitaak phi kä a ngaih gep nak kä om ci; a yum nak naw hlüngtai nak awn be sak sei, Khanpughi cu m’hlüngtai ci.

KHEI NAK 27:14

a i ah kyasei ci ung nangni nani nik hnih naw Zin khawbung ah ka ng’thumkhän cu nani hnu ng’tuk ci. Meribah ung chang bum avan naw na hnu ng’tuk püi ne thu ami m’da yah ung, ngami ah ma ah kei ah ka theingciim huham m’dang vai ah nangni nani mak ci nei.” (Meribah cu Zin bungpuk Kadesh ung tui lawng ah kyak ci.)

TAIGÜTHUM 10:3

Cun kawn ah Moses naw Aaron am, “Shin cu Bawipa naw a yuk ng’thu law yah ung a pyen ah mawng ah kyak ci, ‘Kei ah khuut bik ci phung naw kei ah theingcim nak cu a kyih aa vai; kei naw ka bämang nak cu ka chang gui ung ka m’than khai’ cik ci.” Cun ung phi Aaron cu kä chawkchek ne om ci.

PHYAWN NAK 20:20

Moses naw, “Kä kyi vä, Khanpughi a law cu ning m’nüm gui khai la ang thu nami ngaih vai ah ning pyang gui khai ah kyak ci, cun ung nangmi kä nami shekak khai” cik ci.

THULÄÄN NAK 14:23

Cun kawn ah Bawipa nami Khanpughi naw khawihnah nak vai ah a ghü ah hmun tumat ung nami hteh püi vai. Acu ah ani ah om nak ung htang ni, sapyit ni, oliv-situi ni, gui la nami sei la htome gui ah hta htük gui ah bum gha bum ät cu nami ei vai. Acun ah nami bi ung angtäi sei Bawipa nami Khanpughi nami m’taam vai ah mawng cu nami ng’thei nak khai.

ISAIAH 5:16

Cun ung phi m’gäi ciah Bawipa naw a däinduh nak cu hman ci a bi nak awn m’dang ci, ani naw a theincüm nak cu a chang gui am khaicha nak awn m’than ci.

EZEKIEL 38:16

Nang naw ka chang gui Israel gui cu püikhokhi ne khaw ung anglam ah mäih ah na tu lawk khai. Cun khin a gawk law ung, kei a u cicu changpakhui gui am m’dang nak vai la nang ung ka bi awn kei ah ka theingcim nak cu m’dang nak vai ah, kei naw nang cu ka khaw na tuk khai ah ka ning tüi khai.

TAIGÜTHUM 22:32

Kei ah ka ming theing ung thüisei nak kä nami law en püi vai, Israel chang avan naw kei cu ka theingcim ciah ang kiaa vai. Kei cu Bawipa nei, kei naw nami theingcim khai ah ka ning pyang gui khai;

1 SAMUEL 11:7

Ani naw vantang hnih la ne, akhui ah kyük neta, Israel kho avan ung chang gui tüi ne, meh kyük cu hteh püi sak gui neta, shin ah ng’thu m’khäh gui ci: Ng’tuk nak vai ah Saul la Samuel kä läk tu ciah chang phung naw avantang cu ashin ah mäih ah a ci vai nei. Israel chang gui naw Bawipa naw a bi law vai cu kyih u neta, ami van, a u kä pawih sei, a täng ah lut lawk ci gui.