ISAIAH 8:10 - Cho Bible Common Language 2016

¹⁰ Bi vai ah mawngma nami pyan vai! Cun ung phi cun gui cu kä näng hlawt khai. Nami m’hni chü ah nami ng’htau vai! Cun ung phi cun gui avan cu akholä ah kyak ci, a I ah kyasei ci ung khanpughi cu mikmi awn atäng ah om ci.

ISAIAH 8:10 Referans Kwoze

NG’ÄI KYAH 3:37

Bawipa ah ang yak hlü cu angtäi sei kawh chan nei.

ROMAN 8:31

Shin ah a mawng gui avan cu teng ah a kyak ung, Khanpughi cu mik mi lam ah a om ung a u naw na hnu ng’tuk püi gui hning khai ang!

JOB 5:12

Ani naw theileh ci gui ah pawngpüi cu lule lat ci, Cüivai ci gui cu ami mät ah m’hnüt bäi ung pha gui ci. Cun ah kyasei a i phi ami bi ung näng nak kä om ci;

NG'THU K'THUUK~ 21:30

Chang ah cüivai nak hmuhmat nak, ngaih-tüh nak, Cun gui cu Bawipa naw a hnungtuk püi ung akholä ah kyak ci.

SAM 46:11

M’gäi ciah Bawipa cu mikmi awn atäng om ci; Jakob ah Khanpughi cu mi ng’yii nak ah kyak ci.

2 SAMUEL 15:31

Ahithophela cu Absalom ah küknet nak ung ng’dawn tuk ci nei, cine David am m’thein u khäta, ani cu taigü ne, “Na bä ni, Bawipa, Ahithophela ah m’shüm thein nak gui cu a khawlä ah kyak sak ä” cik ci.

ISAIAH 41:10

Kä kyikawk vä kei naw ka ning om püi gui ci nei! Kei cu nami na khanpughi nei — a i naw kä ning m’kyih sak gui khai nei! Kei naw ka ning khüi ghat sak gui khai, ka ning m’htei gui khai; kei naw ka ning shungvong gui khai, ka ning hun gui khai.

SAM 46:7

M’gäi ciah Bawipa cu mikmi awn atäng ah om ci; Jakob ah Khanpughi cu mi ng’zi nak ah kyak ci.

2 SHONTÄP NAK 13:12

Khanpughi amät cu kami ng’vaihta ah kyak ci, ani ah taigü gui ci phyungheng kawt ne shin ung om ci gui, keimi naw nangmi ning tuk püi gui vai ah cun gui tum ne na khü gui ge khai ah om ci gui Israel chang gui, Bawipa cu kä nami ng’tuk püi en vai nei, ani cu nami pupa gui ah Khanpughi nei! Nangmi naw kä nami näng hlawt khai nei!”

THULÄÄN NAK 20:1

Nangmi hteit ne nami ga gui nami tuk law vai a kyak ung, nangmi naw yatha gui la sela gui ni, nangmi ah ta da pi ciah gakap gui ni nami hmuk khai. Cun ung phi kä nami kyih gui vai. Bawipa nami Khanpughi, Egypt khaw ungka ning gung gui ci naw a täng ah ning om püi gui khai.

2 SAMUEL 17:23

Ahithophela naw ani ah m’shüm thein gui kä ami läk cu hmu neta, ang sela ung ng’cum ne, amät ah mang gaw ah hteit ba ci. Amät ah bi vai gui cu bi neta, amät ng’awk ne sik ci. Ani cu ami kyong ah phuh hmun ung m’cim ci gui.

JOSHUA 1:5

Joshua, nang na ghin ah chuih a u naw kä ning m’di hlawt khai nei. Kei naw Moses ka om püi ah mäih ah ka ning om püi khai nei. Kei naw angtäi sei ka ning om püi khai, kei naw kä ka ning nawng phung khai.

SAM 46:1

Khanpughi cu mi ng’zi nak la mi thagui ah kyak ci. Mi geinvai law ung na m’htei gui ge khai ah om ci.

ROMAN 8:13

Nang mi cu hnicim chang ah ng’yak hlü ah nami om ah a kyak ung nami sik khai nei, cun ung phi nami shetkat nak cu Mumcha Theing awn nami sih sak ah a kyak ung ghin nak nami gah khai nei.

1 JOHAN 4:4

Cun ung phi ka hta nau gui aw, nangmi cu Khanpughi ung nami khäng ci kya ne, thuvi ciah profet gui cu nami näng ci nei, a i ah kyasei ci ung nangmi ung om ciah Mumcha cu khomdek chang gui ung om ciah mümcha ah mä hlüngtai ba pi ci.

MATTHE 28:20

Kei naw nangmi-am ka ning peit gui ah thukhän phung cu ami läk vai ah, m’theithang gui vä. Kei naw kho a khüt güt ung nangmi cu angtäi ah ka ning om püi gui khai nei,” cine m’cäi gui ci.

ISAIAH 7:14

Bä khai, Bawipa amät naw m’hnüt nak ning pek khai: hmumihta cu käu mah ne pamihta ah hta lawk khai, aming cu ‘Immanuel’ ah sui khai gui.

MATTHE 1:23

Cun ah ng’Thu cu; “Ng’Lamihta cu käü mah ne, Pamihta ah hta lawk khai. Ani cu Immanuel ah ang ming sui khai gui. (Immanuel ci cu mik awn atang ah om ciah Khanpughi ah kyak ci.)

ISAIAH 9:6

Mik mi ah phäh ah a hmawhta ng’tüi pyi ci! A Htapa cu na pe gui pyi ci! Ani cu mikmi ah uk tu ah kyak khai. Ani ah ang ming cu, “Cäicat vai, ng’ge ng’pai tu,” “M’gäi ciah Khanpughi,” “Angtäi ghing ciah Pa,” “Dimdeeih nak ah manghta” ah khü khai gui.

ISAIAH 8:8

Ngami naw Judah khaw avan cu kui ne küm u ne, phleing ung khüt sei k’plüm ne apäng avan küm khai gui” cik ci. Khanpughi naw na om püi gui ci! Ak phyaat ah ang phya naw mi khaw cu shungvong ci.

2 SAMUEL 17:4

Cun cu Absalom la Israel ng’vai gui ah phäh ah nik ciah m’shümthein nak ah mäih ah kyak ci.

ATÜNNAK 21:22

Cun sang ung Abimelek la a gakap bawi Phikol cu Abraham ah law ni neta, “Na bilawh nak päng ung Khanpughi naw ning om püi ci.

ISAIAH 28:18

Nangmi naw sih nak awn ng’thukhän nami bi cu m’shet ne, sih nak ah khaw awn nami yum ät nak cu maih sak khai. Leigai a gawk law ung nangmi cu ning näng gui khai.

ISAIAH 43:5

Kä nami kyih vai nei, ka ning om püi gui ci nei! “A shou pikbäih akiang täng lah ak hla pikbäih akhei täng ung ka, nami chang gui cu nami khaw ah ka law püi ba gui khai nei.

JEREMIAH 42:11

Babilonia ghangpughang cu kä kyih ba vä, kei naw ka ning om püi gui ci nei, ani ah huham ung kei naw ka ning gung gui khai nei.

JEREMIAH 46:28

Kei cu nangmi ah law ne ka ning hun gui khai. Kei naw ka ning püi pyang sak nak gui ah pakhui khaw avan cu kei naw ka m’di gui khai. Nangmi cu kä m’kyuk ah kä ka ning hteh sak gui khai; cun ung phi kei naw ka ning m’kyuk gui ung akdei dang ah bik khai. Kei, Bawipa, naw ka pyen nei.”

JOEL 3:9

“Shin ah pakhui gui ah ng’lung ah nami shäu vai nei; ‘Ng’tuk vai ah pawng htein vä; nami ng’tuk’bi gui khü gui vä; nami gakap gui avan bum neta hteit vä!

KHEI NAK 14:9

Bawipa kä nami hnungtuk en püi vai, a cu ah om ciah chang gui kä nami kyih en gui vai, ayäi hta ah mikmi naw mi näng gui khai nei. Bawipa cu mikmi awn a täng ah om ci, ani naw ngami ngäng gui ciah ami khanpughi gui cu hnim gui ci. Cun ah kyasei kä nami kyih vai” cik ci goi.

2 GHANGPUGHANG GUI 6:12

Tumat naw pyen ne, “Ka bawi aw, a u kä kya tuk ci nei” cik ci. Prophet Elisha naw na mät ah kyong ah na pyen gui phi Israel ghangpughang am m’thein ci nei” cik ci.

SAM 21:12

Ani naw am la awn bü ne kaap gui ne ng’hlat ne dawng sak gui ci.

SAM 46:8

Bawipa ah bi cu law ne teng law vä, khomdek khan ung cäicat vai abi cu teng law vä.

ISAIAH 14:27

M’gäi ciah Bawipa naw shin ah bi vai ah k’bäi ci nei; ani naw m’kyuk nak vai ah a kut cu shäng ci nei. A u naw phi kä ng’düm hlawt khai.

HAKKAI 1:13

Hakkai naw Bawipa ah ng’thu chang gui am a pek gui cu, “Kei cu nangmi awn atäng ah ka om khai, cun cu ka shaitak nei” ciah kyak ci.