ISAIAH 7:8 - Cho Bible Common Language 2016

⁸ kä kya hlawt phung khai: A i ah kyasei ci ung Siria cu amät ah mang gaw tung ah kya ciah Damaskas ah kä khüi ghat pi ci, Damaskas cu Ghangpughang Rezin ah ta kä khüi ghat pi ci. Israel gui cu khokum chuk-kip lei hma ah kyong ung, aktä ah ng’phye ne ng’gäi u ne pakhui khaw tumat ah kä kya ba khai gui.

ISAIAH 7:8 Referans Kwoze

ATÜNNAK 14:15

Acu ah gawk u neta, a chang gui k’paai gui ne, mü ah ga gui cu tu ne m’khüt gui ne, Damaskas khaw siip Hobah gawnu ah khüt ne k’täm gui ci.

ISAIAH 8:4

Ak hmaw cu “Nunu papa ah kä ang khü pha ung, Damaskas ung khawh gui avan la Samaria ung ami guh-gui avan cu Assiria ghangpughang naw hteh pui yawp khai nei” cikci. Assiria Ghangpughang lawk ci.”

EZRA 4:2

Cun ah kyasei ngami naw Zerubabel la pahta gui ung aming’vai gui cu hteit ne hmu gui u neta, “Taigüim cawh nak ung kami co tuk khai nei, nangmi ah khawihnah ah Khanpughi bä keimi phi kami khawihnah ci nei. Assiria ghangpughang Esarhaddon naw shin ung om vai ah ana tüih law gui ge ung ani am keimi naw khawihnah nak akami douthak ci nei,” cik ci gui.”

2 SAMUEL 8:6

Cun kawn ah ani naw ami khaw ung gakap hmun k’süm ci, ngami cu ani ah chang ah kya law u ne, phlam phi ani am pek ci gui. Bawipa naw David am a khawpäng ung näng nak pek ci.

ISAIAH 9:9

Israel chang gui avan, Samaria mang gaw ung om ciah chang nü naw ani naw shin ah abi cu hmat ci gui nei. Tuhbäi ngami cu chang ah ng’shei ne m’lung m’dän ci gui nei.

ISAIAH 9:11

Bawipa naw ngami tu gyi khai ah ami ga gui cu thawh let sak gui ci.

JEREMIAH 49:23

Shin cu Damaskas ah amawng Bawipa naw a pyen ah kyak ci: “Hamath la Arpad mang gaw gui ung om ciah chang gui ng’ä ai ne khüi kha ci gui, a i ah kyasei ci ung ngami naw thushe ami ng’yak ah phäh ah kyak ci. Tuinu ah khan ah tui ang hnawh ah mäih ah ami khan ah kyasei ngami cu kä ng’düm hlawt ci gui.

EZEKIEL 27:18

Damaskas chang gui naw nang ah khawh gui la m’hnüt m’cah gui cu, Helbon ah ka sapyit tui la Sahar ah ka htomemu awn hleih lawk ci gui. Ngami naw m’si-chaw la ang’ui gui awn phi nang ah khawh cu thawng lawk ci gui.

HOSEA 13:1

Cau läi, Ephraim pakhui gui naw ng’thu ami pyen ung ahei Israel pakhui gui naw kyih ci gui. Ngami naw Ephraim cu han dan ci gui. Cun ung phi cun ah chang gui naw Baal khawihnah u ne kat nak ami bi ah phäh ah ngami cu sik khai gui.