ISAIAH 7:4 - Cho Bible Common Language 2016

⁴ Ang nih nak vai, akcing ah a om vai. Kä a kyih kyawk vai, kä a m’lungso vai ah na m’thein vai nei. Ghangpughang Rezin la a Sirian chang gui la Ghangpughang Pekah ah m’lungshe nak cu ui ngän ngän ciah sing tawn hnih hlawk ah kyih vai ah kä kya ba ci nei.

ISAIAH 7:4 Referans Kwoze

ISAIAH 35:4

Am lung thüi ciah changnü m’thein ä, “Khüi ghaat vä, kä kyi en vä! Khanpughi cu ning hun gui khai ah lawk ci nei, nami ga gui m’kyuk khai ah lawk ci nei.”

NG’ÄI KYAH 3:26

Cun ah kyasei m’lung sau nak awn k’äih cu mikmi ah phäh ah akni pi ah kyak ci — ani naw ana hun gui vai ah mi k’äih ci.

ISAIAH 30:15

Uktu Bawipa, Theingcim ciah Israel khanpughi naw chang gui pyen na gui ci, “Law ba vä, adüm hta ah kei ung ng’ap ba vä. Nangmi cu gaigawng ne nami phyawng khai.” Cun ung phi nangmi naw cun ah bi vai cu nami mak ci.

THULÄÄN NAK 20:3

‘Israel chang gui ngai vä, Tuhngawi nangmi cu ng’tuk nak ung nami hteit lawk khai, nami ga gui kä nami kyih en gui vai. Nami tha kä a maih en vai ah kä nami dängphai en vai.

MATTHE 24:6

Nangmi naw ang et nak ung ng’tuk nak ah k’aw gui nami ng’yak khai, a shou nak ah ng’tuk ah mawng gui nami ng’yak khai, cun ung phi kä nami kyihkyawk vai. Acun gui cu om lawk khai, cun ung phi kho a khüt nak kä gawk law phak ci.

ZEKHARIAH 3:2

Bawipa ah khanchang naw Satan am, “Satan, nang cu Bawipa naw ning m’kyuk sä! Jerusalem m’hni ciah Bawipa naw ning m’kyuk sä. Shin ah chang cu mei bum ungka lak ah mei tawn ah mäih ah kyak ci nei” cine kyak nak ci.

2 SHONTÄP NAK 20:17

Shin ah ng’tuk nak ung kä nami ng’tuk hlawt khai. Pawng m’htei ne nami ngäng gui düt vai: Bawipa naw näng nak a ning pek gui cu nami hmuk khai. Judah la Jerusalem chang gui, kä nami ng’ä ai vai, kä nami kyih vai. Ng’tuk nak ah nami hteh vai, Bawipa naw ning om püi gui khai.

AMOS 4:11

“Kei naw nangmi am shah gui cu ka ning m’di gui khai, Sodom la Komorrah ah mäih ah nangmi ungka pawih ba cicu mei k’däi ungka lak ah htung ciuh ah mäih ah kyak khai. Cun ung phi nangmi kei ah kä nami law ba ci” cine Bawipa naw pyen ci.

ISAIAH 30:7

Egypt naw a pek ah m’htei htang nak cu a kholä nei. Cun ah kyasei kei naw Egypt ming m’hlawt awn ka khü cu, “Am’äm kä om ciah phyu ng’hlui” ah kya ci.

ISAIAH 10:24

Uktu Bawipa m’gäi ci naw Zion ung om ciah a chang am a pyen nak cu, “Egypt chang gui ah mäih ah kya ne ami ning yoshe nak gui ung phi, Assirian gui cu kä nami kyih en gui vai.

ISAIAH 8:4

Ak hmaw cu “Nunu papa ah kä ang khü pha ung, Damaskas ung khawh gui avan la Samaria ung ami guh-gui avan cu Assiria ghangpughang naw hteh pui yawp khai nei” cikci. Assiria Ghangpughang lawk ci.”

ISAIAH 7:8

kä kya hlawt phung khai: A i ah kyasei ci ung Siria cu amät ah mang gaw tung ah kya ciah Damaskas ah kä khüi ghat pi ci, Damaskas cu Ghangpughang Rezin ah ta kä khüi ghat pi ci. Israel gui cu khokum chuk-kip lei hma ah kyong ung, aktä ah ng’phye ne ng’gäi u ne pakhui khaw tumat ah kä kya ba khai gui.

1 SAMUEL 17:32

David naw Saul am, “Bawi mang aw, “A u naw shin ah Philistin chang kä kyih en sä! Kei naw hteit ne ka tuk khai nei” cik ci.

MATTHE 10:28

Pumsa a ngawn hlawt ung phi Mumcha kä ngawn hlawt cicu kä nami kyih vai; pumsa la mümcha avan m’htei kho ah m’di hning ciah Khanpughi bäng nami kyih vai.

ISAIAH 41:14

Bawipa naw pyen ci, “Israel gui, nangmi nami zaw ken pang ung phi, kä nami kyihkyawk vai nei, kaning m’htei gui khai nei. Kei, Theingcim ciah Israel khanpughi cu nangmi ning hun gui ciah ka kyak ci nei.

ISAIAH 7:1

Ghangpughang Ahaz, Jotham ah hta, Uzziah tu naw Judah khaw a uk yah ung ng’tuk nak om ci. Siria ghangpughang Rezin la Israel ghangpughang Remaliah ah hta pekah naw Jerusalem cu tuk ci goi, cun ung phi kä khäm hlawt ci gai.

ISAIAH 7:9

Israel cu Samaria, amät ah mang gaw tung ah ta kä khüi ghat tuba ci. Samaria cu Ghangpughang Pekah a hta kä khüi ghat tuba ci. “Nami yumnak kä a khäng htek ah akyak ung, nangmi kä nami khäing htek khai.”

ISAIAH 37:6

Shin ah m’shang ne m’khäh law ba ci: “Bawipa naw ning m’theing gui ci nei, ani naw kä hing hun gui khai nei, cine ami pyen ah phäh ah Israel gui kä nami kyih en gui vai nei.

2 GHANGPUGHANG GUI 15:27

Judah ghangpughang Uzziah ah uknak khokum a hmakip lei goi nak ung Remaliah ah hta Rekah cu Israel ghangpughang ah kya lawk ci, ani naw Samaria ung kum m’ku ung uk ci.

ISAIAH 8:6

Ani naw, “Chang gui naw dinggei ne long ciah shiloah tui lawng cu hnungtuk püi u ne, Ghangpughang Rezin la ghangpughang pekah ah ma ah ami ng’hlet ah hmawk ah,

HABAKKUK 2:3

Gu ne na gim vai, aküm nak ah khin kä gawk law phak ci. Cun ung phi ka ning m’dang aküm nak vai ah akhin cu ang ghit ah gawk lawk khai. A law nak ung api ah a shokshü ung phi, na gin vai, akcang ah gawk lawk khai, kä hleei khai.