ISAIAH 7:2 - Cho Bible Common Language 2016

² Siria gakap gui cu Israel khawpäng ung gawk law pyi ci gui nei, ciah ng’thu cu Judah ghangpughang ung gawk law khäta, ani la a chang gui ami van cu ang htei ah kyi u ne ta, khaw akhi ung sing ghing a hnün ah mäih ah ng’hlet ci gui.

ISAIAH 7:2 Referans Kwoze

ISAIAH 8:12

läk vai ah pyen ci. Ani naw, “Chang gui ah ngaih-tüh nak ung kä na ng’dawn en tu vai, ngami naw ami kyih kyawk gui cu kä na kyih en vai.

ISAIAH 7:13

Ani am Isaiah naw, “Ngai vä, tuhbäi, David ghangpughang ah hta ng’shon gui. Chang gui naw ami ning chum vai ah na kyak cu she aih ci nei — khanpughi naw phi aning chum vai ah na kyak khai ma?

ISAIAH 9:9

Israel chang gui avan, Samaria mang gaw ung om ciah chang nü naw ani naw shin ah abi cu hmat ci gui nei. Tuhbäi ngami cu chang ah ng’shei ne m’lung m’dän ci gui nei.

NG'THU K'THUUK~ 28:1

Chang shekha cu a u naw kä a gawt ung phi amät dawng ci, Cun ung phi düng ciah chang cu phongkawng ah mäih ah m’gäi ci.

MATTHE 2:3

Acun ng’ya u netah Herod ghangpughang la Jerusalem ah chang gui cu cäicat yawp ci gui.

HOSEA 12:1

Israel chang gui naw khawngawi ung ka naw khomü ung khüt khai ah ami bi nü cu akholä dishum sak ciah kyak ci. Ngami cu Assiria gui awn ng’khawtsheng u ne, Egypt gui awn sumlei ci gui.”

ISAIAH 37:35

Kei naw shin ah mang gaw cu shungvong ne ka ngäng khai, cun cu kamät m’tamkhah vai ah hmawk la ka chang shäin David ung shaika tak ah hmawk ah kyak ci.”

ISAIAH 37:27

Cun ung om ciah chang gui cu a huham kaa gui nei; ngami cu kyi aih ne tuu ci gui nei. Ngami cu ak kyang täng ung ka, kiang khokhi ling akhi law ung ak khi gui ah loma ah khum’ghaw la m’dicih khan ung pyon ciah k’taa ah mäih ah kyak ci gui nei.

ISAIAH 22:22

Kei naw David ah hta ng’shon, ghangpughang ah aka ung huham akbe ah ka pek khai. Ani cu yung m’kawt hmawn nak ah htawh ah kya ne; ani naw ak hmawn cu a u naw kä khai khai, ani naw a khai cu a u naw kä hmawng khai.

ISAIAH 11:13

Israel uknak khaw cu Judah khaw ah khan ah vamneng nak kä om ba khai, Judah cu Israel ah ga ah kä kya ba khai.

ISAIAH 7:17

Bawipa naw nang ah khan ah, na chang gui ah khan ah, mang im kyongchang van ah khan ah, Israel khaw, Jndah ung ka ang pai kawn ung gawk law man ciah sheka pi ciah yaica nak ah hnüüp cu law püi khai nei — ani naw Assiria ghangpughang cu law püi khai nei.

ISAIAH 6:13

Shin ah khaw ung chang gha ung ka tumat akpawih ba ung phi, ani cu m’di vai; ani cu chuk pyi ah oak sing ghing ah ak hmui ah mäih ah kyak khai.” (Sing hmui cicu khanpughi ah chang gui ami ng’tün nak ba thai ah kyak ci.)

SAM 11:1

Bawipa ung phyawn vai ah ka ng’yii ci. A i hawkcha nang naw, shin ah thu na na pyen nak khai ang, “Kha ah mäih ah khomhtung ah zong ä,

2 SHONTÄP NAK 28:12

A siiptäng uknak khaw ung angvai hta phli ah kyak ciah, Jehohanan ah hta Azariah, Meshillemoth ah hta Berechiah, Shallum ah hta Jehizkiah, la Hadlai ah hta Amasa gui naw phi gakap gui ah hnünthawh cu hnungtuk ci gui.

2 SHONTÄP NAK 25:10

Cun ah kyasei Amaziah naw angvai ah gakap gui cu tüi ba gui ne ami im ah ami hteh ba vai ah pyen ci. Ngami cu Judah chang gui ah khan ah anghtei ah m’lungshe u neta hteit ba ci gui.

1 GHANGPUGHANG GUI 13:2

Bawipa ah thumkhän ah mäih ah Prophet naw sonkiang ng’shäu ci, “O sonkiang, sonkiang, shin cu Bawipa ah ng’thu pyen nei: Josiah ang ming ami sui vai ah ak hmaw cu David ah kyong khui ung ng’tüi lawk khai nei. Khogam ah sonkiang khan ung ng’bik ci gui ah taigü gui cu nang ah khan ah ani naw ngawn gui khai, ani naw chang ah guh gui cu nang ah khan ah m’khih khai.”

1 GHANGPUGHANG GUI 12:16

Chang gui naw ghangpughang naw a i ah kä a ngaih gui cu hmu u neta, m’lau ci gui, “David la akyong chang cu nawng gui vä! Ngami naw mikmi ah phäh a i ang ami na bi pek gui man? Israel chang gui, mi im ah mi hteit ba khai nei! Rehoboam naw amät naw amät teng sä!” Cun ah kyasei Israel chang gui naw hnungtuk püi u ne,

1 GHANGPUGHANG GUI 11:32

Solomon naw pakhui tumat cu k’pang khai, cun cu ka changshäm David ah hmawk la Israel khaw avan ungka, ka mät ah kaa vai ah ka ghü ah mang gaw Jerusalem ah hmawk ah kyak ci.

2 SAMUEL 7:16

Nang ung angtäi sei na hta ng’shon om khai, nang ah uknak khaw cu kä ng’pyi hlawt khai ah kei naw ka pyang khai. Nang ah uknak ng’shon cu kä ng’pyi hlawt khai!” cik ci.

ISAIAH 7:5

Siria la Israel la a ghangpughang gui cu atäng ah m’zih vai tumat bik ci gui.