ISAIAH 7:18 - Cho Bible Common Language 2016

¹⁸ Cun ah khin a gawk law ung, Bawipa naw m’hnüt nak ah tum ne, Nile tuinu ah sho pik bäih ciah tuihta gui ung ka, Egypt chang gui cu k’pi gui ah mäih ah ami law vai la, Assirian gui cu ami khaw ung ka khoi gui ah mäih ah ami law vai ah k’bäi gui khai.

ISAIAH 7:18 Referans Kwoze

ISAIAH 5:26

Bawipa naw m’hnüt nak m’dang ne, khosang ah om ciah pakhni gui khü gui khai. Ani naw khocawi ah ka gui ami law vai ah m’shük ne khü gui ci. Ngami cu ang ghit, ak yä ah shin ung lawk ci gui!

ISAIAH 31:1

Egypt khaw ah ami m’htei htang vai ah hteit ci gui cu ng’ziin ci gui! Ngami cu Egypt ah dämduh aih ciah ga k’tha mah nak-ng’sela gui, yatha gui, la gakap gui ung ng’khüng ci gui. Cun ung phi ngami cu Bawipa, Theingcim ciah Israel khanpughi ung kä ng’khüng ci gui, am htei htang gui vai ah kä k’thäh ci gui.

JOSHUA 24:12

Nami ma ge ung ngami cu püpiang sak gui ne, Amorit ghangpughang hnih cu kei naw ka k’täm ci. Nami khim la nami li naw cun ung a i kä bik ci.

THULÄÄN NAK 7:20

Ani naw ami m’lung ah thüngcat nak kyak sak khai. Luat ci la ng’thup ci gui ami van ani naw m’di gui khai.

THULÄÄN NAK 1:44

Cun ah khaw-gui ung om ciah Amorit chang gui naw khoi ah mäih ah ng’hlom ne law ne, ning hnungtuk püi gui ci gui. Ngami naw Hormah güt ung ning gawt gui u ne, Edom khaw-gui ung ning hnim gui ci gui.

ISAIAH 13:5

Ngami cu khomdek ah ak cawi, shounn ciah-khopäng gui ah ka lawk ci gui nei. Bawipa naw am lungshe nak awn khaw avan cu m’dishum vai ah lawk ci nei.

ISAIAH 7:17

Bawipa naw nang ah khan ah, na chang gui ah khan ah, mang im kyongchang van ah khan ah, Israel khaw, Jndah ung ka ang pai kawn ung gawk law man ciah sheka pi ciah yaica nak ah hnüüp cu law püi khai nei — ani naw Assiria ghangpughang cu law püi khai nei.

SAM 118:12

Ngami naw khoi gui ah mäih ah na vum ci gui, cun ung phi ng’hling mei ah uih ah mäih ah pyäm ci gui; Bawipa ah huham awn kei naw ka m’di gui ci.

PHYAWN NAK 8:24

Bawipa naw pikying mawng mah cu ghangpughang ah mang im la a bawi gui ah im gui ung yuk chah ci. Cun ah pikying gui naw Egypt khaw avan cu m’di ci gui.

PHYAWN NAK 8:21

Kei naw ka ning k’bäi cu, nang naw na maa ah a kyak ung, nang la na bawi gui, na chang gui ah khan ah pikying gui yuk chah ne ka ning m’kyuk khai. Egypt chang gui ah im gui avan cu pikying awn be ne, m’dek khan avan cu pikying naw küm khai.

THULÄÄN NAK 28:49

Khomdek ak cawi ah ka nang mi ning hnungtuk püi gui khai ah pakhui cu Bawipa naw law püi khai. Cun ah pakhui ah ng’thu cu nangmi naw kä nami hmat khai. Ngami naw hmu kiung ah m’tawn ah mäih ah ning m’tawn gui khai gui.

ZEKHARIAH 10:8

“Kei naw ka chang gui cu khü ne, Atäng ah ka ng’bum sak gui khai, Kei naw ka gung gui khai, acau ami da man ah mäih ah ka da ba sak gui khai.

SAM 105:31

Khanpughi naw k’thäh gui sei, kho avan ung k’pi la k’pikhai bäng ah ng’hlom ci.