ISAIAH 7:15 - Cho Bible Common Language 2016

¹⁵ Amät naw a i phi m’hnüt bäi hning khai ah ang vai law sangung, chang gui naw sei suuk aw ne, khuitui ei khai gui.

ISAIAH 7:15 Referans Kwoze

ISAIAH 7:22

a cun gui naw ani ung hlü ciah suuktui phung avan pek khai gui nei. Ä, khaw ung api pawih ba ci gui naw ami ei vai ah suuktui la khoitui om khai nei.

AMOS 5:15

Akshe gen vai, akni m’hni vai, man m’kawt ung dangh ciah taga nak nami hmuh vai. Pawih ba ne ghing ne ciah pakhui chang gui cu Bawipa naw chimgein nei gui hman khai nei.

MATTHE 3:4

Johan cu kala-uk mu awn tah ah suinu sui ne, saphaw m’yüi awn ak khei k’htün ci. A ei awk cu khoitui la khoi htalung ah kyak ci.

LUKA 1:35

Khankho chang naw Mumcha Theing nak khan ah gawk lawk khai, Khanpughi ah hlüngtai nak phi nakkhan ah gawk lawk khai. Cun na kia sei theingthap ciah ak hmaw cu Khanpughi ah Htapa ah ming khai.

SAM 51:5

Kei cu ka ng’tüi law ge ung ka shetkat ci, ami na käu nak ge ung ka cheishoh pyi ci nei.

ROMAN 12:9

M’hni nak cu akcang ah yumhni nak ah a kyak vai nei. Shetkat nak cu thüi na u ne, ni kyom nak cu k’pang khüp vä.

LUKA 2:52

Ak hmaw Jesuh cu däm ng’vai law ne a hmuhmat nak dämda law pi sei, Khanpughi la chang ah ma ah a hmai kiang sei om ci.

LUKA 2:40

Ak hmaw cu däm ng’vai ne gaigawng ci. Ani cu cüivai lunglang ci, Khanpughi ah m’shumphyuk nak cu ani ah khan ah be ci.

ATÜNNAK 18:8

Cun kawn ah sathau ni, sei suuk ni, sei sa ni law püi ne, sing ghing ah kaa ah ani naw khin na gui sei, ngami naw ei awk ci gui.

THULÄÄN NAK 1:39

“Cun kawn ah Bawipa naw mi van am, ‘Nami htanau gui akni ak kaa ng’thumcha vai ah hmaw aih ci gui cu cun ah khaw ung lut khai gui. Nangmi naw nami pyen ah ak hmaw gui cu nami ga gui naw pha gui khai gui. Kei naw ngami am khaw cu ka pe gui khai, ngami naw khäm khai gui.