ISAIAH 7:14 - Cho Bible Common Language 2016

¹⁴ Bä khai, Bawipa amät naw m’hnüt nak ning pek khai: hmumihta cu käu mah ne pamihta ah hta lawk khai, aming cu ‘Immanuel’ ah sui khai gui.

ISAIAH 7:14 Referans Kwoze

MATTHE 1:23

Cun ah ng’Thu cu; “Ng’Lamihta cu käü mah ne, Pamihta ah hta lawk khai. Ani cu Immanuel ah ang ming sui khai gui. (Immanuel ci cu mik awn atang ah om ciah Khanpughi ah kyak ci.)

ISAIAH 9:6

Mik mi ah phäh ah a hmawhta ng’tüi pyi ci! A Htapa cu na pe gui pyi ci! Ani cu mikmi ah uk tu ah kyak khai. Ani ah ang ming cu, “Cäicat vai, ng’ge ng’pai tu,” “M’gäi ciah Khanpughi,” “Angtäi ghing ciah Pa,” “Dimdeeih nak ah manghta” ah khü khai gui.

LUKA 1:31

Nang cu m’gai ne pami hta ah na hta lawk khai.

JOHAN 1:14

Thu cu chang ah yung tüi law pyi ci. Abäkhäk nak la thutak awn be ne mikmi ung om pyi ci. Abämang nak phi mi hmu pyi ci. Cun ah bämang nak cu Khanpughi ah Htapa ah a kyak nak awn agah ah kyak ci.

LUKA 1:35

Khankho chang naw Mumcha Theing nak khan ah gawk lawk khai, Khanpughi ah hlüngtai nak phi nakkhan ah gawk lawk khai. Cun na kia sei theingthap ciah ak hmaw cu Khanpughi ah Htapa ah ming khai.

1 TIMOTHI 3:16

Mikmi ah yum nak ah küikyang nak cu a u naw kä hüüngtaa hlawt khai nei, cun ah mawng cu: Bawipa cu chang ah müi ah ng’tüi ne kyum lawk ci nei, Ani ah theingciim nak cu Mumcha naw m’dang pyi ci nei, Khan chang gui naw phi hmu pyi ci gui nei, Ani ah mawng cu kho nüng ung shäu pyi ci gui nei, M’dek ah khan ung chang gui naw phi Ani cu yum pyi ci gui nei, Ani cu khankho ah hang kai ba pyi ci nei.

ISAIAH 8:8

Ngami naw Judah khaw avan cu kui ne küm u ne, phleing ung khüt sei k’plüm ne apäng avan küm khai gui” cik ci. Khanpughi naw na om püi gui ci! Ak phyaat ah ang phya naw mi khaw cu shungvong ci.

ATÜNNAK 3:15

Hnumi la nang, hnumi ah ng’shon la nang ah ng’shon cu gaa ah nami kyak khai ah ka bik khai. Ani naw nang ah lu cu ning deeng khai, nang naw ani ah khawlek cu na m’yawk khai” cine pyen nak ci.

ISAIAH 8:10

Bi vai ah mawngma nami pyan vai! Cun ung phi cun gui cu kä näng hlawt khai. Nami m’hni chü ah nami ng’htau vai! Cun ung phi cun gui avan cu akholä ah kyak ci, a I ah kyasei ci ung khanpughi cu mikmi awn atäng ah om ci.

JEREMIAH 31:22

Nangmi a i güt nami awng aa khai ang, yum nak kä om ciah chang gui? Hnumi naw pami a shung vong cu a küikaa ah mäih ah, kei naw küikaa ci la akthai cu ka tüipiang ci nei.

ROMAN 9:5

Ngah mi cu mingthang ciah Hebru hta ng’shon ah kyak ci gui. Bawi khrit cun phi hnicim chang pumsa ung ngah mi ah pakhui ah kyak ci. Ang tüi avan uk ciah Ka Khanpughi cu angtäi sei hlüngtai nak om sä! Amen.

1 SAMUEL 1:20

Cun ah kyasei ani cu käu mah ne pami hta ah hta lawk ci. Aming cu Samuel ah sui ci, a mawng cu, “Ani ah phäh ah Bawipa ah ka taigü ci.”

1 SAMUEL 4:21

Ani naw ak hmaw cu Ichabod ah ang ming sui ci, a mawng cu, “Khanpughi ah bämang nak naw Israel gui hteh tak ci” Thukhän M’küm ami guh gui, apughi ah sih la a cei ah sih am dang nak ah kyak ci.

ATÜNNAK 30:8

Rachelah naw, “Kei cu ka pai awn hnungtuk ni ne, kei ka näng ci” ci nak ah a ming cu Naphtali ah sui ci.

ATÜNNAK 29:32

Leah cu kämah ne pami hta ah hta lawk ci. Ani naw, “Bawipa naw ka yaica cu hmat ci, tuhbäi läi ka cei naw na m’hni khai nei” ci neta a hta ah ming cu Reuben ah sui ci.

ATÜNNAK 30:6

Rachelah naw, “Khanpughi naw kei lam ah om ne m’khoichak ci nei, ka taigü ngai ne htapa na pek ci” ci neta a ming cu Dan ah sui ci.

ATÜNNAK 4:25

Adam la Eve cu pamihta ah hta ba ni neta, “Kain naw a ngawn ka hta Abel ah hnün ung Khanpughi naw ana pek ba nei” cine Seth ah aming sui ci.

ATÜNNAK 16:11

Nang cu pami ah na hta khai, aming cu Ishmaela ah na sui khai, a i ah kyasei ci ung Bawipa naw yaica ne na kyah cu ng’ya pyi ci nei.

LUKA 2:12

Ak hmawhta cu yih awn hlawp ne, vantang ei-ko ung ami m’ih cu nami hmuk khai, cun nami hmuh ung ani cu nami hmat khai nei” cik ci.

ISAIAH 38:7

Isaiah naw m’shang ne, “Bawipa naw a shaitak akpan na manwng m’dang nak ah m’hnüt nak cu nang um ning pek khai nei.

JEREMIAH 23:6

Ani ghangpughang ah a kyak law ung Judah chang gui cu phyawng khai gui, Israel chang gui cu dimdeeih nak ung om khai gui. Ani cu “Ani cu Bawipa mi hun bawi” ah khü khai gui.”

JEREMIAH 44:29

Kei, Bawipa naw, shin ah hmun ung ka ning m’kyuk gui khai ci la nami khan ah dishum nak ka law püi khai cicu bä lawk khai, cicu kei naw m’khän nak ka ning pe gui khai.

SUKI GUI 6:36

Cun kawn ah Kideon naw Khanpughi am, “Israel gui gung gui khai ah kei na na mang vai ah nak bäi cu, kei am na na pyen nak ci,

1 GHANGPUGHANG GUI 13:3

Prophet naw k’täi ne pyen ba ne, “Shin ah sonkiang cu ng’phye ne ng’gäi khai, acun ah khan ungka m’vut gui cu ng’phyang yawp khai. Cun kawn ah kei ung Bawipa naw ng’thu pyen ciah nang naw na hmat khai.”

SAM 46:8

Bawipa ah bi cu law ne teng law vä, khomdek khan ung cäicat vai abi cu teng law vä.

MIKHAH 5:2

Bawipa naw, “Bethlehem Ephrathah, nang cu Judah khaw ung ak yawpi tumat ah na kyak ci, Cun ung phi nang ungka kei naw Israel Uktu cu ka law püi khai, ani ah kyong cu cau ge tün ne dang ge ciah kyak ci” cik ci.

LUKA 20:44

David naw Messiah-am, Bawipa, cine khü ci kyasei, a i chaa ah Messiah cu David ah ng’shon ah kya thei khai ang? cine ng’shi gui ci.