ISAIAH 7:13 - Cho Bible Common Language 2016

¹³ Ani am Isaiah naw, “Ngai vä, tuhbäi, David ghangpughang ah hta ng’shon gui. Chang gui naw ami ning chum vai ah na kyak cu she aih ci nei — khanpughi naw phi aning chum vai ah na kyak khai ma?

ISAIAH 7:13 Referans Kwoze

ISAIAH 43:24

Kei ah hmawk ah ang ui kä nami hleih man ci, nami khisa ah a thau awn kä na mi na büh bei sak man ci. Cun nak vaisü ung nami katnak awn nami na gihgaw sak ci, nami cheishoh nak nami na phuih kawh sak ci.

MALAKHI 2:17

Nangmi cu ng’thu m’da ne Bawipa cu nami cümbawng sak ci. “A i hawkcha ah chang kami cümbawng sak?” cine phi nami ng’shik ci. “Hlüngtai ciah Khanpughi naw, ak she bik ci gui cu nik ciah ngai ne m’hni gui ci” cine phi nami kyak ci. M’khoichak ciah Khanpughi cu a hawi ang?” cine phi nami kyak ci.

EZEKIEL 34:18

Nangmi amshah cu khu aknipi ei ne phi kä nami ng’büh ci. Kä nami ei cu nangmi naw nami kai nak ci! Nangmi naw tui akci cu aw u ne, kä nami awk cu nami m’naw sak ci!

EZEKIEL 16:47

Nang cu ngami läk gui ne ami khaw ne hung kai ne, shemshai ciah ami hnun thawh cu na theitu nak awn na ng’büh ne ang? Kä na ng’büh ci, akhin api hta ah kyong ung ngami naw ami bi gui nü ngata kaa pi khai ah nang naw na bik ci nei.

ISAIAH 63:10

Cun ung phi ngami naw hnungtuk küknet püi u ne, amumcha Theing cu thüi khai ah cik ci gui. Cun ah kyasei Bawipa cu ami ga ah kya law ne, ani naw ng’tuk püi gus ci.

ISAIAH 7:2

Siria gakap gui cu Israel khawpäng ung gawk law pyi ci gui nei, ciah ng’thu cu Judah ghangpughang ung gawk law khäta, ani la a chang gui ami van cu ang htei ah kyi u ne ta, khaw akhi ung sing ghing a hnün ah mäih ah ng’hlet ci gui.

HEBRU 3:10

Cun ah kyasei, kei cu ngami ah khan ah m’lung she netah, ‘Ngahmi cu angtäi sei pyai ba ci gui, Ka thukhän phi kä läk hlük ci gui, cine pyein ci.’

AMOS 3:13

Tuhbäi ngai ne Jakob ah hta ng’shon gui cu m’cäi gui ä,” cine uktu hlüngtai Bawipa naw pyen ci.

EZEKIEL 16:20

“Nang naw kei awn mi gah ah hta pami hta hnumi gui la ne agup gui om khawihnah nak ah na douthak ci. Kei ung kä na bekhüt nak ah a shet nak cu kä ng’büh sei ang,

JEREMIAH 6:11

Nang ah m’lungshe nak naw hnungtuk püi gui ne kei phi na ui ci nei. Bawipa, kei naw cun cu kä ka kawt ba hning ci nei.” Cun kawn ah Bawipa naw kei na pyen nak ci, “Kei ah ka m’lungshe nak cä lam gui ung om ciah a hmaw gui la ng’bum ciah chang nong gui ah khan ah yuk huk ä. Ami cei gui la ami chu gui phi la yawp khai gui, a ghipa aih gui phi kä k’pawih nak khai gui.

ISAIAH 25:1

Bawipa, Nang cu ka ning khanpughi nei; kei naw ning chang m’sui ne na ming ka m’taam khai nei. Nang naw cäi vai gui na bik ci nei; Nang naw cäupui na m’hnüthbäi gui cu bekhüt ne na bi pyi ci nei.

ISAIAH 1:24

Cun ah kya tuhbäi, m’gai ciah Bawipa, huham mah ciah Israel khanpughi ah a pyen cu ngai vä: “Nangmi ah khan ah phu ka tuk khai nei, ka ga gui ta nangmi naw, kei a i ah kä nami na ci tuba hlawt khai.

2 SHONTÄP NAK 21:7

cun ung phi David ah mang shon cu Bawipa naw kä m’di hlük ci, a i ah kyasei ci ung ani naw David awn thukhän bi ni ne, ani ah htangshon naw ngawi yä a uk vai ah shai atak pyi ah kyak ci.

KHEI NAK 16:13

Khaw ni Egypt khaw ungka, shin ah bungpuk ah na na ngawn gui vai ah na na law püi gui cu kä na ng’büh ne ma? Keimi ah khan ah bawi ah na kya ne ma?

KHEI NAK 16:9

Amawng ak-yaw cu nami ngaih-tüh ne ang? Israel Khanpughi naw nangmi cu chang bum ungka k’pai ne ning khei gui ci. Cun ah kyasei nangmi naw ani nami et hning ci. Bawipa ah Phung ung nami bi cu nami bi vai. Chang bum ung hnün tho u ne a khut nami bi vai.

ATÜNNAK 30:15

Leah naw, “Ka cei na na guh pek ah kä na ng’büh ne ma? Ka hta ah sing theih mä na na gut ba khai ma?” ci nak ci. Rabekka naw, “Na hta ah sing theih cu na na pek tu ah a kyak ung, tuh mü Jakob awn na ni ip khai” pyen nak ci.

LAMKTU 7:51

Stephen naw, “Nang mi cu nami ling aih aih ci, na mi m’lung naw Khanpughi kä yum hlawt ci, Khanpughi ah ng’thu phi kä nami yum hlük ci, nang mi cu nami pupa gui ah mäih ah Mumcha Theing cu ang täi sei nami hnu nak ci nei,

LUKA 1:69

Ak changshäm David ah hta ng’shon ung, hlüngtai ciah Hunbawi cu dang sak pyi ci nei.

SAM 45:5

Na m’la gui cu ghat ci, cun gui naw na ga gui ah m’lung cu aat ci, changpakhui gui cu na kho kaa ah ng’zän ci gui.

ISAIAH 1:14

Kei naw nami Cha thai pawi gui la hnüüp theing gui cu ka thüi nak ci nei; Cun gui cu kei naw kä ka phuih ba hlü ah phuih ah kyak ci nei.

ISAIAH 7:12

Ahaz naw m’shang ne, “Kei naw m’hnüt nak cu kä ka k’thäh khai. Bawipa m’nüm vai cu kei naw ka mak ci nei” cik ci.

ISAIAH 22:22

Kei naw David ah hta ng’shon, ghangpughang ah aka ung huham akbe ah ka pek khai. Ani cu yung m’kawt hmawn nak ah htawh ah kya ne; ani naw ak hmawn cu a u naw kä khai khai, ani naw a khai cu a u naw kä hmawng khai.

JEREMIAH 44:22

Atuh ngawi ung nami khaw cu di ne ng’zän sei, a cun ung a u kä om ci. Cun cu tengshe khai ah kya lawk ci, chang gui naw aming cu plah taam nak ah mang ci gui, a i ah kyasei ci ung nami cheishoh nak la akshe nami bi nak gui cu Bawipa na kä khan ba hning ci nei.

EZEKIEL 6:9

acu ah ngami cu omktu ah kya ne om khai gui. A cu ah ngami naw kei cu na shüm khai gui, kei naw m’kyuk gui ne ka thüisei sak gui ciah ngami naw hmat khai gui, a i ah kyasei ci ung ngami ah kä bekhüt ciah m’lung naw kei cu na nawng ne, ngami naw kei ah ta agup ami m’hni pi ah phäh ah kyak ci nei. Ngami cu akshekha, a cheishoh ami bi ah phäh ah ami mät naw amät shemshai lawk khai gui nei.