ISAIAH 66:3 - Cho Bible Common Language 2016

³ “Chang gui naw ami mät m’hni ah bi bik ci gui. Cun cu, seipat ngawn ne ami khawihnah cu chang ngawn ne ami khawihnah ah’n täng ci; htome hta awn ami khawihnah cu ui ah gawn ami douthak awn täng ci; tui ng’ui ami douthak cu, agup ah ami taigü awn täng ci. Ngami cu shemshai ciah khawihnah nak ung lün lawi ci gui.

ISAIAH 66:3 Referans Kwoze

NG'THU K'THUUK~ 15:8

Bawipa naw changniah taigu cu ngai ci, cun ung phi chang shekha ah law pui ah khawihnah nak cu thui nak ci.

ISAIAH 66:17

Bawipa naw pyen ci, “Khongzo khawihnah vai ah ami mät thing thap sak ci gui, hing ciah dum ah ng’tän ne htit ci gui, vawksa, k’puish la a hei shemshai ci ei ci gui ah ami ng’pyi nak vai ah akhin cu gawk lawk ci nei.

ISAIAH 65:12

Shin cu nangmi ah ma hmat nak ah kyak ci, nangmi cu ng’sai ung nami sik khai, a i ah kyasei ci ung kei naw ka ning khü gui ung kä nami na m’shang ci, kei naw thu ka pyen ung kä nami ngai ci. Kei kä na ngai ne akshe bi vai u nami ghü ci.

TAIGÜTHUM 2:2

Cun kawn ah Aaron tuu taigü gui ah a law püi vai. Taigü bawi naw htang den shum ät, la situi ni, ang ui ni avan la neta, sonkiang khan ah am khih vai. Cun cu Bawipa am avan douthak m’khih nak ah kyak ci. Cun ah ei-douthak ah ang ui cu Bawipa naw yeikyai nak ci.

NG'THU K'THUUK~ 21:27

Chang shekha gui naw khawihnah nak ami dou thak cu, Bawipa naw thüi nak ci. Aktung pi ah akshe ah m’lung ngaih cu thüi nak ci.

THULÄÄN NAK 23:18

A cun ah mäih ah, cun ah mäih bi ne gah ah ngui cu, shaitak ah kümbe nak vai ah Bawipa nami Khanpughi ah im ung kä nami law püi vai. Bawipa naw Taigüim ung thuiplet nak cu thüi nak ci.

THULÄÄN NAK 14:8

Vawk kä nami ei vai, vawk cu kä theingthap ciah kyak ci. Ami khopaw ng’kye ci, cun ung phi ami ei kä m’däuh ci gui. Shin ah khisa gui kä nami ei vai; sik ciah apumsa phi kä nami tawn en vai.

SUKI GUI 10:14

Nami mät naw nami ghü gui ah khanpughi gui ah hteit ne kyap m’lau vä. Nangmi yaica nak ung nami gawk law ung acun gui naw ning gung gui u sä” pyen na gui ci.

ISAIAH 57:17

Ami katnak la ami ng’yak hlüaih nak ah phäh ah ka m’lungshe na gui ci, cun ah kyasei kei naw m’lyuk gui ne, ka nawng gui ci. Cun ung phi ngami cu m’lung ling u ne, ami mät ah m’hni ah om lä ci gui nei.

SUKI GUI 5:8

Israel chang gui naw Khanpughi gui ak thai ami ghü kawn ah, khaw ung ng’tuk nak om ci nei. Israel chang phya, phya phli kip ung ka, Shawi käcung k’htei kawt ci a u om ne ang?

ISAIAH 44:19

A gup pyang ciah chang naw, “sing amshah cu mei ah ka cik ci, mei k’cak ung m’htut ng’shai ne, mah ng’shai ne ka ei ci. K’pakiha ba ciah sing cu a gup ah ka pyang ci. Shin ung singtawn ah pei ah kei cu ka m’khunkdong ci” a ci thei nak vai ah ani ung cüivai lunglang nak kä om ci nei.

ISAIAH 65:2

Ami mätah hteh nak hlü ung hteit ne, m’lung ling ne cheishoh ciah ka chang gui cu, kei naw angtäi sei dou gui ge vai ah ka om ci nei.

JEREMIAH 6:20

Sheba ah ka ami law püi ah tui ng’ui ah phi kia, asho nak kho ah ka tui ng’ui gui ah phi kia, kei naw a i ah kä ka ngai ci! Ngami ah douthak cu kei naw kä ka dou khai, ami khawihnah nak ah phäh ah kei kä ka zeikia khai.

SUKI GUI 21:25

Cun sang ung Israel gui ung ghangpughang kä om ci. A changsing cu ami mät ah m’hni ah om ci gui.

ISAIAH 53:6

Mikmi mi van cu chük ciah htome ah mäih ah mi kyak ci, mi mät ah hteh nak hlü phäh phäh ung mi hteit ci. Cun ung phi Bawipa naw m’kyuk nak cu ani ah khan ah ng’kiak sak ci, cun cu mikmi mi van naw mi gah vaisü ah m’kyuk nak ah kyak ci.

HAKKAI 2:14

Hakkai naw, “Bawipa naw pyen ci, “shin ah khaw ung chang gui cu acun na kyak ci gui, ami bilawh phi acun ah kyak ci. Sonkyang ung ami vawihpeh phung phi lelawi ci” cik ci.