ISAIAH 66:2 - Cho Bible Common Language 2016

² kei ka mät naw khopuui avan cuka tüisho nei! Am lung neim sak ne, ng’yu vat ba ne, kei na kyih aa ne, na läk ci gui ah khan ah ka yeikyai ci nei.

ISAIAH 66:2 Referans Kwoze

ISAIAH 57:15

“Kei cu hlüngtai ne, theingcim ciah khanpughi nei, angtäi ah ka ghing ci nei, kei cu hlüngtai ne theingcim ciah hmun ung ka om ci, cn ung phi amlung neim ne ng’zuba thei ciah chang gui awn phi atäng ah ka om ci nei. Cun ah kyasei ngami ah m’lung üp nak la ngaih u nak cu kei naw ka k’thai ba sak ci nei.

SAM 34:18

Thüi kyap ci gui cu Bawipa naw ng’et püi gui ci, A ngaih u nak mäih cicu hun phyawn ci.

SAM 51:17

O Khanpughi, kei ah khawihnah nak cu, ng’gäi ciah m’lung nei. Nang naw ng’gäi ciah m’lung la ng’yu ba ciah m’lung cu kä na nawng düt ci nei.

PHILIPPIAN 2:12

Cun ah kya sei teihpüi gui aw, kei ka om yah ung ka ng’thu nakmi ngaih ah mäih ah, tuhbäi kei kä ka om yah ung ka ng’thu nami ngaih vai cu ak küikyang pi ah kyak ci. Nangmi naw hun nak ak be ah nami gah nak vai ah kyih aa nak awn nami bilawh vai,

NG'THU K'THUUK~ 28:14

Angtai sei Bawipa na lak vai, cun ung na yei khai. Na m’lung aliing ung na shum khai.

SAM 138:6

Nang cu khan ah na hlüngtai aih pang ung phi, Ng’nei ci gui cu na tengkhen gui ci, chang ah ng’shei ci gui cu nang ah ma ah kä ng’thup hlawt ci gui.

SAM 119:120

Nang ah hmawk ah kei ka kyik ci, na m’khoi m’cha nak ah hmawk ah kyih nak awn ka be ci.

ISAIAH 66:5

Bawipa naw a pyen cu ngai vä, ani kyih aa ci gui la angthu ngai ci gui: “A i ah kyasei ci ung nangmi cu kei ung nami bekhüt ci, nami mät ah chang amshah naw ning gen gui ci, ngami cu nangmi awn a i phi kä bi ghawn khai gui. Ngami naw ning m’lep gui ne ami pyen cu, Bawipa naw a dämduh nak m’dang ne ning hun gui sä, cun ung nang mi yei uk ci sei kami ning hmu gui khai.’ Cun ung phi ngami amät cu lü ng’aa khai gui nei.

ISAIAH 61:1

Uktu Bawipa naw ang mümcha awn kei cu na be sak ci. Ani naw na ghü ne na tüi ci, Dukhaih ci gui ah ma ah thu ni hteh pui vai ah, Am lung kyong she-kak ci gui gai sak vai ah, pha ne ami chum gui ah luat nak ah mawng thu ng’shäu vai ah, Thawng ung kium ci gui ah ng’pängze nak vai ah.

EZRA 10:3

Tuhbäi ung mikmi naw shin ah hnumi gui la ami hta gui cu ahei ah kami k’täm gui khai nei cine, mi Khanpughi ah ma ah aktung ah shaitak mi bik khai nei. Khanpughi ah thumkhän m’tamkhah ciah nang la ahei gui naw bi vai ah nami pyen ah kami bik khai nei. Khanpughi ah thumkhän naw ak thäh ah mäih ah keimi naw kami bik khai nei.

HABAKKUK 3:16

A cun gui ng’ya neta kei cu ka ng’hlet ci; ka kyih su ah ka m’nei phi ng’haam ci, ka pumsa phi ng’yai ci. Ka mät ah kaa ah ka khaw ka m’thuih ci. Gawk lawk khai ah akhin cu kei naw düm ah ka ngäng khai, cun cu na ng’tuk püi gui ci cu Khanpughi naw am kyuk nak gui ah kyak khai.

SAM 119:161

Huham ah ciah chang gui naw kä düng ciah na hnim ci gui, cun ung phi na thukhän cu ka kyih aa ci.

EZRA 9:4

Kei cu acun ung mühun täng ah khawihnah nak douthak vai ung khüt sei thüi ne ka ngok ci. Chang gui naw tün ne ng’bum ne nak koi ci gui — chang gui ami van kyik ci gui. A i ah kyasei ci ung omktu khaw ah ka law ba ci gui ah katnak ah mawng Israel Khanpughi naw a pyen ah phäh ah kyak ci.

ISAIAH 40:26

Khomik cu han dan vä! Nami hmuh ah aisi gui cu a u naw a pyan ang? Gakap ah mäih ah lam shüm gui ci naw apian nei, Ani naw a i chü lawk ci gui ah hmat gui ne, ami ming phäh phäh ung khü gui ci — Ani ah huham cu dämduh aih ne, Cun gui ung ka tumat phih kä chük man ci nei!

KOLOSE 1:17

Angtüi avan kä a om pha ung Bawi Khrit cu om pyi ci. Ani ung kawng ät nak awn ang tüi avan cu ami om nak vai om sek sek ci.

LAMKTU 9:6

Acun ah k’aw naw, “Kei cu nang naw nak dudeiu nak ah Jesuh nei, cun ung phi tuk bäi ng’düi law ba neh, pigawnu kyawng ah hteit ä, cun kawn ah na bi vai cu na hmat lawk khai nei” ci neh kyak nak ci.

MATTHE 12:6

Kei naw ka ning m’thein gui cu, shin ung pum im ah tah hlüngtai pi ci om ci nei.

LAMKTU 7:50

Kei ka mät naw ang tüi avan ka tüi pyang ciah kä kya ne ang? cine pyein ci” ciah om ci.

NG'THU K'THUUK~ 29:23

Chang yawshe nak ciah chang naw yung kyak nak ung ning hteh püi khai, Cun ung phi na m’lung na neim sak ung nang cu chang m’sui nak om khai.

HOSEA 11:10

“Ami ga gui ah khan ah phongkawng ah mäih ah ka m’ngaw law ung, ka chang gui naw na läk lawk khai gui, Ngami cvu akhei täng ah ka ang ghit ah kei ah law ba khai gui.

MIKHAH 6:8

“Kä cun ung Bawipa naw mikmi am a i nik ciah na m’thein gui ci nei. Ani naw mikmi ung angyak hlü cu shin ah kyak ci: düng ci bi vai, m’hni nak m’dang vai, la m’lung neim nak awn mi Khanpughi ung ghin vai, gui ah kyak ci.

1 GHANGPUGHANG GUI 21:29

“Ahab naw kei ah ma ah a i hlawk ah amlung ang neim sak cu nang naw na hmu ne ang? Ani cu cun ah kyak ci kyasei, ani a ghin yah ung ani ah khan ah kei naw leigai kä ka law püi khai nei; Ani ah a hta gui ah ghin yah ung Ahab ah kyongkhui ah khan ah kei naw leigai ka law püi khai nei.”

2 GHANGPUGHANG GUI 22:10

Cun kawn ah ani naw pyen ne, “Hilkiah naw ana pek ah ca uk kei ung om ci nei” cik ci. Cun kawn ah ani naw ghangpughang ah ma ah m’lau ne phat ci.

2 GHANGPUGHANG GUI 22:11

Ghangpughang naw ca uk a phat cu ng’ya neta, ani naw thüi ne a sui k’teek neta,

SAM 51:19

Cun ung ghutha nak, mei awn m’khih ne khawihnah nak gui cu nang naw yei ne dou ci sei; seipat gui awn phi na mang kyang ung khawihnah vai nei.

ISAIAH 41:20

Kei, Bawipa naw, cun ah ka bi cu, chang gui naw hmuk khai gui, hmat khai gui. Israel gui ah theingcim ciah khanpughi naw shin ah kya lawk khai ah apian cu ngami naw hmat lawk khai gui. Khanpughi ah Ng’shei ci gui cu Bawipa naw ng’längna püi gui ci.