ISAIAH 66:1 - Cho Bible Common Language 2016

¹ Bawipa naw pyen ci, “Khan kho cu ka mang kiang ah kya ne khomdek cu ka kho ne’leh nak ah kyak ci. Kei ah phäh ah a i ah mäih im nami co khai ang, a i ah mäih hmun ung kei ka om khai ang?

ISAIAH 66:1 Referans Kwoze

LAMKTU 17:24

Khomdek la khomdek khan ah om ci nüng tüi pyang ciah Khanpughi cu, khomdek la khankho uk ciah Khanpughi ah kya ne, chang naw kut awn a pyan ah pum im ung kä om ci.

1 GHANGPUGHANG GUI 8:27

“O Khanpughi, khomdek khan ah akcang ah na om hning ci ang? Khankho avan phi nang naw nak pan hmuh vai ah kä ng’shawng ci nei, cun ah kya ne, kei naw ka cawh vai ah shin ah Taigüim cu a i ah ang shawng vai ang?

SAM 132:7

Mikmi naw, “Bawipa ah im ah mi hteit khai nei; Amang kiang pei ah mi khawihnah khai nei” mi cik ci.

SAM 11:4

Bawipa cu a pum im theing ung om ci; Khankho ah amang kyang om ci. Ani naw chang gui ah om nak phung cu teng ne, ami bi law nü cu hmat ci.

2 SHONTÄP NAK 6:18

“Cun ung phi, O Khanpughi, khomdek khan ah hniciim chang gui ah ng’lung ah akcang ah na om hning khai ang? Khankho avan phi nang ah om nak büh vai ah kä ang shawng ah a kyak ung, kei ah cawh ah shin ah Taigüim cu a i hawkcha ah ng’shawng khai aw?

1 SHONTÄP NAK 28:2

David naw ami ma ah ng’düi neta ng’thu a pyen cu: “Kei ah ka khaw chang gui, na ng’ngai vä. Kei naw Bawipa mi Khanpughi naw a khaw ataih nak ah kiah ciah Thukhän m’küm angtäi sei tha nak vai ah im cu ka co hlük ci nei. Kei naw ani m’tamkhah nak vai ah Taigüim cawh vai ah ka pawmhtein pyi ci nei,

SAM 99:9

Bawipa mi Khanpughi cu m’taam vä, Theingcim ciah khomhtung ung khawihnah vä! Bawipa mi Khanpughi cu Theingcim ci nei.

MATTHE 24:2

Bawipa Jesuh naw, “Shin ah cawh kyan gui cu nangmi naw nami hmuk ci nei, kei naw akcang ka pyein cu shin ah pum im cu cawh nak ah lung tumat phi a mät ah om nak ung kä ng’yän ba khai ah ng’gäi ne maih lawk khai nei,” cine pyein ci.

MALAKHI 1:11

Vang khaw cawi ungka naw vang khaw cawi ung khüt ciah chang gui naw na m’taam ci gui. A hmun päng ung ang ui gui m’khih u ne, dou thei vai ah khawihnah ci gui. Ami van naw na m’taam ci gui!

MATTHE 12:6

Kei naw ka ning m’thein gui cu, shin ung pum im ah tah hlüngtai pi ci om ci nei.

ISAIAH 57:15

“Kei cu hlüngtai ne, theingcim ciah khanpughi nei, angtäi ah ka ghing ci nei, kei cu hlüngtai ne theingcim ciah hmun ung ka om ci, cn ung phi amlung neim ne ng’zuba thei ciah chang gui awn phi atäng ah ka om ci nei. Cun ah kyasei ngami ah m’lung üp nak la ngaih u nak cu kei naw ka k’thai ba sak ci nei.

JEREMIAH 23:24

Kei naw kä ka hmuh vai ah a u phi kä ng’thup hning ci. Khan kho lo khomdek khongnü ung kei ka om cu kä nami hmat ne ma?

2 SHONTÄP NAK 2:5

Kei naw dämduh ciah Taigüim cawh vai ah ka pawng ci, a i ah kyasei ci ung keimi ah Khanpughi cu a hei khanpughi gui ah a dämduh pi ah phäh ah kyak ci.

ISAIAH 60:13

M’htai k’pen gui, m’htai ng’tak gui, m’htai ng’geng gui la lebenon khobung ung ka sing akni gui cu, Nang, Jerusalem ning cawh nak ba vai ah law püi khai gui nei. Ka Taigüim kyom khai ah, hlüngtai khai ah bi nak vai ah kyak ci nei.