ISAIAH 64:7 - Cho Bible Common Language 2016

⁷ A u phi taigü ne nang ah kä ng’hlat lawk ci; a u phi nang naw na m’htei vai ah kä hteit ci. Keimi kami hmakat ah phäh ah, nang naw na na nawng gui ci, kei mi ung ka na ng’thup ci.

ISAIAH 64:7 Referans Kwoze

EZEKIEL 22:30

Kei naw chang ka shui ci. K’pang gui ang gai ung co ba khai, k’paung gui ang thüng law ung acun ung ng’düi ne m’htei khai, kei ah ka m’lungshe nak naw khonglei amdi law ung shungvong hning khai, cun ung phi a u phi kä ka hmuh hning ci.

HOSEA 7:14

Ngami naw m’lung üp nak awn kei ah taigü ci gui, cun ung phi ami mät kyu u ne kä yum ci gui ah mäih ah m’lau ng’pyang ci gui. Ngami naw htang la sapyit tui ah phäh ah ami taigü ung kä yum ci gui ah mäih ah ami mät naw am mät nat sak ci gui. Ngami cu a i hlawk ah ng’küknet ci gui ang?

ISAIAH 59:16

Ami shedam nak gui m’htei htang tuk khai, a ukä om ci, cicu hmu neta, ani cu cäi ci. Cun ah kyasei ani naw amät ah huham cu mang ne, ngami gung gui ne, näng nak cu cah ci.

HOSEA 7:7

“Ami m’lungshe nak ng’ling law aih sei, ngami naw ami uktu gui cu, ngawn gui ci gui. Ami ghangpughang gui cu tumat kawn ah tumat ngawn ci gui. Cun ung phi a u naw phi m’hteihtang vai ah kei ah kä taigü lawk ci.”

ISAIAH 59:2

Nang mi, nami hmakat nak ah phäh ah ani naw kä aning yak gui ah kyak ci. Nangmi naw ani khawihnah vai ah nami k’thanak yah ung, nangmi la khanpughi ah ng’lak ung ning m’cha gui cicu nangmi ah katnak ah kyak ci —

ISAIAH 54:8

Kei naw a shäng ung m’lungshe ne ka ning hlah tak ci, cun ung phi kei naw ka ning m’hni nak cu angtäi sei, ka m’dang khai nei,” cine ning hun ciah Bawipa naw pyen ci.

ISAIAH 50:2

“Kei naw ngami ka hun gui khai ah ka hteh shi gui yah ung, a i ah kyasei kä ami na m’shan ang? Kei naw ka khü gui yah ung a i ah kyasei kä ami äi ang? Ngami ka hun nak gui vai ah kei ung thai gui ken aih ne ang? Kei naw ka thumkhän awn tuinu cu ka kawi sak hning ci, tuinu lawng cu khong’gau ah ka kyak sak hning ci, cun ah kya ne tui lawng ung tui kä om sei nga gui sik ci gui.

ISAIAH 27:5

Cun ung phi ka chang gui ah ami ga gui naw, kei ah shungvong nak ami m’hni al a kyak ung, kei awn dimdeeih nak bi sak gui vä. Ä, kei awn dimdeeih nak bi sak gui vä.”

HOSEA 5:15

“Kei naw ka chang gui cu ami kat nak awn ng’büh ne yaica u ne, law ne kei ami na shui law güt ung kei naw ka nawng gui khai. Ngami ami yaica law ung kei ami na shui vai ah k’tha na lawk khai gui nei.”

EZEKIEL 24:11

Tuhbäi kyei k’am aghawng cu mei k’cak ung kyäng vä, sen ne ng’ling sä! Cun kawn ah hnai cu mei naw ui yawp sei, k’am cu theingthap ba khai.

JEREMIAH 9:7

A shin ah kiasei m’gäi ciah Bawipa naw a pyen cu, “Kei naw ka chang gui cu m’si m’cim ah mäih ah ka m’cim gui khai, ka m’nüm gui khai. Kei ah ka chang gui naw akshe bik ci gui — Kei naw a i ka bi pe gui khai ang?

ISAIAH 59:4

Nangmi cu yung ah nami hteh ung phi, taga khai ah a i kä nami bik ci. Amawngma ung nami näng vai düt ah nami hleei ci. Nangmi naw chang ah mat nak vai cu pawng püi ne nami law püi ci.

ISAIAH 57:17

Ami katnak la ami ng’yak hlüaih nak ah phäh ah ka m’lungshe na gui ci, cun ah kyasei kei naw m’lyuk gui ne, ka nawng gui ci. Cun ung phi ngami cu m’lung ling u ne, ami mät ah m’hni ah om lä ci gui nei.

ISAIAH 56:4

Bawipa naw a cun ah mäih ah chang am a pyen nak cu, Pumnak hnüüp a küikyang ah natha nak awn kei na m’tamkhah ne, kei ah yeikyai nak cu bi lo ne, kei ah thukhän cu bekhüt ne nak pan ah a kyak ung.

ISAIAH 1:15

“Nangmi naw taigü nak ung nami kut nami shäng ung, Kei nan kä ka ning teng gui khai nei. A i Chü ah nangmi nami taigü ung phi kei naw kä ka ngai khai nei, a i ah kyasei ci ung nami kut cu si naw k’plüm ci nei.

SAM 14:4

Bawipa naw, ng’shi gui ne, akshe bik ci gui ami van cu ang laam u ne ang? A i kä hmat uu ne ang?” Ngami cu ka chang gui gut tep ne om ci gui, Kei ah kä taigü phung ci gui.

JOB 8:4

Nang ah hta nau gui naw Khanpughi hnungtuk püi ne hmakak ci gui, Cun ah kyasei ani naw ami bi ah mäih ah m’kyuk gui ci.

PHYAWN NAK 32:12

Na chang gui cu Egypt khaw ah ka k’plawk ba gui ne, k’pawng ne khomhtung ah na ngawn gui, pyi khai ah na m’di gui ciah, a i ah kyasei Egypt chang gui naw ami pyen vai ang? Na m’lungshe cu ng’düm sak ä. Na m’lung thawng sak ä, na chang gui ah khan ah shin ah leigai cu kä chah en ä.

JOB 10:9

M’dek awn na na pyan cu shüm ba ä; m’dek ah na na cigep law ba khai ang?

SAM 100:3

Bawipa cu Khanpughi ah kyak ci, ciah hmuhmat vä. Ani naw na tüisho gui sei, ani ung mi om ci; mikmi cu ana chang gui, ana htome gui ah mi kyak ci.

ISAIAH 45:9

M’dek k’am naw ani sheh cicu ng’kü neet püi hning khai aw, ani cun phi a hei k’am gui ah mäih ah kyak ci nei? k’amdek naw k’am sheh ciam, a i nei na bi cine, ng’shi thäh khai ang? K’am naw ani pyan ci am, kä na bi thei ci, cine Ng’thu m’da khai ang?

ISAIAH 63:16

Nang cu kami pa ah na kyak ci. Kami pupa gui Abraham la Jakob naw phi chang ah kä na tha gui ci gui, cun ung phi nang, Bawipa cu kami pa, angtäi sei na gung gui ciah na kyak ci.

MALAKHI 1:6

Hlüngtai ciah Bawipa naw taigü gui am, “A hta naw apa cu chang m’sui ci, ashäm naw abawi cu chang m’sui ci. Kei cu nami na pa — a i ah kyasei kä nami na chang m’sui ang? Kei cu nami na bawi — a i ah kyasei kä nami na kyih aa ang? Nangmi naw nami na päipih ci, cun ung phi a i hawkcha ah ang kami ning päipih? nami cik ci.’

MALAKHI 2:10

Mikmi mi van cu mi pa täng ciah kä kya ne ang? Mi van Khanpughi a mät naw na tüi gui ciah kä kya ne ang? A i ah kyasei tumat la tumat mi shaitak mi m’shet ang? A i ah kyasei mi pupa gui am Khanpughi naw shai a tak mi päipih ang?