ISAIAH 64:5 - Cho Bible Common Language 2016

⁵ Hman ci bi neta yeikyai ciah chang gui, a i hawkcha ah ngami ami ghin vai ah na ng’yak hlü cu shüm ba ciah chang gui cu nang keimi ah khan ah na m’lung she ci, cun ung phi keimi cu kami hma lä ci nei; nang cu dämduh ciah m’lungshe ci sei phi eimi cu kami cheishoh lä ci nei, cau tün ne a cun ah kami kyak ci nei.

ISAIAH 64:5 Referans Kwoze

HEBRU 4:16

Cun ah kyasei mikmi cu mi khüighaat ne, m’gein nak ah hmun Khanpughi ah mangkiang ung mi hteit khai nei. Cun ah hmun ung chik-hna nak la gein nak cu, mi ng’yak hlü phung ung mi gah khai nei.

LAMKTU 10:35

Ani kyih aa ne ang yaak hlü ah om ciah chang phung cu, Khanpughi naw pakhui käm khoi chak ci.

MALAKHI 3:6

Kei cu Bawipa ah ka kyak ci, kä ka ng’thawng ci. Jakob ah hta ng’shon gui cu kä maih yawp khai gui nei.

HOSEA 11:8

“A i hawkcha ah ka ning m’lungsi gui vai ang, Israel gui? A i hawkcha ah ka ning nawng gui vai ang? Kei naw admah ka m’di ah mäih ah, Zeboiim ah khan ah ka bi ah mäih ah? Ka m’lung naw cun ah kä na bi sak khai nei, Kei naw ka ning m’hni nak gui cu khüighat aih ci.

ISAIAH 63:10

Cun ung phi ngami naw hnungtuk küknet püi u ne, amumcha Theing cu thüi khai ah cik ci gui. Cun ah kyasei Bawipa cu ami ga ah kya law ne, ani naw ng’tuk püi gus ci.

SAM 112:1

Bawipa cu m’taam nei! Bawipa kyih aa ne, ang thumkhän läk ne, lünlawi ciah chang cu yeikyai ci nei.

SAM 103:17

Cun ung phi Bawipa m’taam ciah chang ah hmawk ah, ani ah m’hni nak cu kä ng’pyi hlawt ci, Ani ah ni nak cu hta ng’shon avan ung khäng lä ci.

SAM 37:4

Yeikyai nak cu Bawipa ung shui vä, Ani naw nami m’lung ah ng’yak hlü cu ning pe gui khai.

SAM 25:10

A shaitak ngai ne, ang thukhän läk ci gui cu, bekhüt nak la m’hni nak awn lam shüm gui ci.

PHYAWN NAK 30:6

Cun ah sonkiang cu Thukhän M’küm ah ma lam ah bah ah yihdung ah akpung ah tha vai. Cun cu kei naw nangmi ka ning hmuh nak püi gui vai ah hmun ah kyak ci.

PHYAWN NAK 25:22

Kei naw a cun ung ka ning hmuk khai, a khüm ah khan, cherubim goi ah ng’lak ung, kei naw ka thukhän gui avan cu, Israel chang gui ah phäh ah ka ning pek khai.

PHYAWN NAK 20:24

Kei ah hmawk ah m’dek cu sonkiang ah na pyan vai, acun ah khan ah na htome la na sei cu khawihnah ne, akbe ah m’khih ne douthak nak la hmuhchum douthak nak ah na bi vai. Nami na khawihnah vai ah a hmun päng ung na pei ah kei cu ka ngok ci. Kei naw law ne hriham ka ning pek khai.

HOSEA 6:3

Bawipa cu mi hmat vai ah mi tha nak khai nei. Khaw a thaih law vai cu ahmat phyat ah mäih ah khomdek khan ah tui long khai ah kho a aa vai a hmat phyat ah mäih ah ani cu mik ah lawk khai nei.”

ISAIAH 12:1

Chang gui naw ng’äi ami m’cu nak vai ah hnüüp cu gawk lawk ci nei, “Ka ning m’tam ci nei, BAWIPA! Nang cu kei ah khan ah na m’lungshe te ci, Cun ung phi tuhbäi, kei na na shungvong ci, nang kä na m’lungshe ba ci nei.

ISAIAH 26:13

Bawipa, kami khanpughi, keimi cu chang a hei gui naw na uk gui ci nei, cun ung phi nang bang cu kami Bawipa ah na kya ci nei.

ISAIAH 63:7

Bawipa ah kä shum ciah am hni nak cu kei naw ka pyen khai nei; Mikmi ah phäh ah abi gui avan ah hmawk ah kei naw ka m’hlüng tai ci nei. Ani naw a chimgein nak la a m’hni nak awn Israel chang gui cu bämang khai ah hriham pe gui ci.

DANIEL 9:5

“Keimi cu kami hmakat ci, keimi cu kami sawkshe ci, keimi naw cheishoh khai ah kami bik ci. Kami bi vai ah nang naw na thumkhän ci keimi naw kami k’taih ci, nang naw a hman na na m’hnuh gui cu kami ng’hlah tak ci.

ISAIAH 1:30

Nangmi cu si law hlük ciah oak sing ghing ah mäih, a u naw tui awn kä a shawi ah dum ah mäih ah nami ng’zai khai.

ISAIAH 27:8

Bawipa naw a chang gui cu om k’tu khaw ah tüi gui ne m’kyuk gui ci. Ani naw ngami cu kiangtäng ah ka, m’gäize ciah khokhiawn hteh püi gui ci.

ZEKHARIAH 3:3

Joshua cu suishe sui ne acun ung ng’düi ci.