ISAIAH 64:4 - Cho Bible Common Language 2016

⁴ Nang ah mäih khanpughi cu a u naw kä ng’ya man ci, kä hmu man ci nei, ami ngaih u nak ani ung tha ci gui ah phäh ah shin ah mäih bik ci kä om man ci nei.

ISAIAH 64:4 Referans Kwoze

SAM 31:19

Nang ning m’taam ci gui-am na gim pek gui cu, cäicat vai ah na ni, nang ung ng’ap ci gui, a i hlawk ah na shungvong gui cu, chang avan naw hmat ci gui nei.

JAMES 5:7

Ka phäinau gui aw, Bawipa a law ba güt hnimgei ne om vä. Lo bik ciah chang tumat naw, a lo ung, ak küikyang ah a geitkaw gui am theih tak law vai ah, kho k’aa htük ungka naw, kho k’aa ang pyi güt ung, hnimgei ne ging ci nei.

ISAIAH 25:9

Cun ah a kyak law hnüüp ung chang nü naw pyen khai, “Ani cu keimi ah khawpnghi nei! Ani keimi kami ngaih gep ci nei, ani naw na gung gui ci nei. Ani cu Bawipa nei! Ani ung keimi kami ngaih gep ci nei, tuhbäi keimi kami yeikyai lün lawi ci nei, a i ah kyasei ci ung ani naw keimi nah un gui pyi ci nei.

SAM 130:5

Bawipa ah m’htei nak cu kei naw k’tha na ne, ka ging ci, ang thu ung ka zumhtek ci.

ATÜNNAK 49:18

Na hun nak cu ka ging ci nei, Bawipa.

JOHAN 14:3

Kei cu hteit ne nami om nak vai pyang netah, law ba ne ka om nak ung nami om tu vai ah ka ning la law ba gui khai.

HEBRU 11:16

Cun ung phi ngami cu cun ak kho ah tah bä pi ciah khankho ghui kho cu ngaih u ci gui ah kyak ci. Cun ah kyasei Khanpughi cu ami Khanpughi ah ami khü ah hmawk ah Khanpughi cu kä lü ng’aa ci, a i ah kyasei ci ung Ani naw ngami ah hmawk ah mang gaw cu a sak pyii ah kyak ci nei.

1 TIMOTHI 3:16

Mikmi ah yum nak ah küikyang nak cu a u naw kä hüüngtaa hlawt khai nei, cun ah mawng cu: Bawipa cu chang ah müi ah ng’tüi ne kyum lawk ci nei, Ani ah theingciim nak cu Mumcha naw m’dang pyi ci nei, Khan chang gui naw phi hmu pyi ci gui nei, Ani ah mawng cu kho nüng ung shäu pyi ci gui nei, M’dek ah khan ung chang gui naw phi Ani cu yum pyi ci gui nei, Ani cu khankho ah hang kai ba pyi ci nei.

MATTHE 25:34

Cun kawn ah ghangpughang naw akpat lam ah om ciah chang gui-am, ‘Law vä, Kapa ah phyutheh nak nami gah ciah chang gui, khomdek a tüi pyan ung tün ne nangmi ah hmawk ah a pyan ah uknak kho ung om vä.

ISAIAH 30:18

Cun ung phi Bawipa naw nangmi ning chimgein gui khai ah ning ngäng gui ci nei. Ani cu nangmi ning m’gein gui khai ah om ge ci nei, a i ah kyasei ci ung, a ni cu angtäi sei düngnak bik ciah kyak ci nei. Bawipa ung ngaih gep ciah chang gui cu yeikyai nak om ci nei.

ROMAN 8:19

Khanpughi naw a hta gui am, am dang gui vai ah amawng gui cu, a tüi pyan avan naw ang htei ah ging co ci gui.

SAM 62:1

Nak phyawn khai ah Khanpughi cu ngaih gep ne ka ngäng ci; kei cu Khanpughi bäng ung ka ng’yung ci.

1 JOHAN 4:10

M’hni nak cicu mi mi naw Khanpughi mi m’hni nak ah kä kyak ci, Khanpughi naw nam hni gui ne, mi shetkat nak nak phiawn gui khaiah, Ahtapa a yuk m’kyum law cu m’hni nak ah kyak ci.

1 KORIN 1:7

Cun ah kya sei nangmi naw Bawi Khrit Jesuh a kyum law vai cu nami gin yah ung, nangmi naw kä nami gah tu ah hriham cu a i kä om khai.

LUKA 2:25

Cun yah ung Jerusalem ah Simeon ming nak ciah chang om ci. Ani cu Khanpughi kyih-aa ciah chang k’ni ah kyak ci. Israel chang gui hun nak ami gah vai ah ngäng ciah chang ah kyak ci.

1 THESSALONIAN 1:10

Cun ah A Htapa Jesuh cu Khanpughi naw sih nak ungka thawh ba sak sei, gawk law ge ciah Khanpughi ah m’lungseh nak ungka nak phiawn gui ciah Bawipa ah kyak ci nei.

ISAIAH 40:31

Cun ung phi Bawipa naw am htei vai ah ng’ap ciah chang gui naw, thagui akthai hmuk khai gui. Ghui zongzung ah mäih ah ami ng’phia phiat ne zong khai gui, ami dawng ung phi kä bawngbai khai gui; lam ami hteh ung phi kä khüi kha khai gui.

ISAIAH 66:8

Nangmi naw cun ah mäih cu nemi hmu man, nami ng’ya man ne ang? Chang pakhui tumat cu hnüüp ät bäng ung ng’tüi law man ne ang? Zion cu chang pakhui kä ang tüi pha ung ak sho kä yaica hnga khai nei.

EZRA 9:7

Cau kami pupa gui ung tün ne tuhbäi ung khüt khai ah keimi na na chang gui cu, aknui ah kami kak ci nei, Kami kat ah hmawk ah keimi, kami ghangpughang gui la kami taigü gui, khaw hei ghangpughang gui ah kut ung, kami gawk ci nei. Ami na ngawn shep gui, ami na guttep gui, la pha ne ami na hteh püi gui ah kyak ci nei.

SAM 103:18

Cun cu ang thum’khän ung düng ciah chang la a thumkhän bekhüt ne läk ciah chang gui ah kyak ci.

ISAIAH 59:12

“Bawipa nan ning hnung’tuk püi ne kami katnak cu da lawk ci nei. Kami katnak naw na k’bünphei gui ci nei, kei mi naw cun gui avan kami hmat ci nei.

DANIEL 9:5

“Keimi cu kami hmakat ci, keimi cu kami sawkshe ci, keimi naw cheishoh khai ah kami bik ci. Kami bi vai ah nang naw na thumkhän ci keimi naw kami k’taih ci, nang naw a hman na na m’hnuh gui cu kami ng’hlah tak ci.

DANIEL 9:8

Kami ghangpughang gui, kami uktu gui, la kami pupa gui cu thui ng’a vai ah hnün tho u ne, na ming hnung tuk ne shekak ci gui nei Bawipa.

DANIEL 9:15

O Bawipa kami Khanpughi, Na chang gui Egypt khaw ah kaa na law püi ba nak gui awn na huham cu na dang sak ci nei, na huham cu shüm lä ci gui nei. Keimi cu kami hmakat ci, cheishoh khai ah kami bik ci nei.

HOSEA 7:7

“Ami m’lungshe nak ng’ling law aih sei, ngami naw ami uktu gui cu, ngawn gui ci gui. Ami ghangpughang gui cu tumat kawn ah tumat ngawn ci gui. Cun ung phi a u naw phi m’hteihtang vai ah kei ah kä taigü lawk ci.”

ZEKHARIAH 10:9

Kei naw chang pakhui gui ah ng’lung ah ka püi sak gui ci, Cun ung phi a sho nak yung ah om pang u ne phi, kei cu na shüm khai gui. Ngami la ami hta gui cu ghing ne ng’shon ne ami im ah law ba khai gui.