ISAIAH 64:2 - Cho Bible Common Language 2016

² Ngami cu mei ng’ling ah khan ung ng’kiah ciah tui ah mäih ah ng’hlet khai gui nei. Na ga gui ah ma ah law ne na huham cu m’than law sak ä, chang pakhui gui cu nama ah ng’hlet sak gui ä!

ISAIAH 64:2 Referans Kwoze

SAM 99:1

Bawipa cu ghangpughang nei! Chang gui naw kyih aa u sä. Ani cu Cherubim ah khan ah amawng kyang ung ngok ci nei, khomdek cu thüng sä.

JEREMIAH 33:9

Jerusalem cu kei ah phäh ah yeikyai nak, m’tamkhah nak la ng’häh leh nak ah a phung ak kyak ci; Jerusalem chang gui ah phäh ah akni ka bi nak ah mawng cu, khomdek khan ah pakhui päng naw ami ng’yak ung kyi ne ng’hlet khai gui.”

JEREMIAH 5:22

Kei Bawipa nei, a i ah kyasei kä nami na kyih ang? A i ah kyasei kei ah ma ah kä nami ng’hlet ang? Kei naw tuinu ah khogii nak ah lawigin ka tha ci nei, cun cu ng’täi ciah khogii, ai naw kä a kan hlawt ah kyak ci. Tuinu cu ng’hnawk ci, cun ung phi cun naw kä phlän hlawt ci, tui hnawk cu hmum ci, cun ung phi cun naw kä m’shet hlawt ci.

ISAIAH 37:20

Tuhbäi, Bawipa kami khanpughi, Assirian gui ah kut ung na gung gui ä, cun ung khomdek khan ah chang pakhui avan naw nang bäng cu khanpughi ah na kyak ciah hmat khai gui nei.”

SAM 46:10

Ani naw, “Ng’tuk nak ung düm vä, kei cu Khanpughi ah na hmat vä, changpakhui gui ah khan ah ka hlüngtai ci, khomdek khan nüng ung ka hlüngtai ci.

PHYAWN NAK 14:4

Kei naw ani ka ling sak khai, ghangpughang la a gakap gui ah khan ah ka näng nak naw na m’taam khai. Cun ung Egypt chang gui naw kei cu Bawipa ah na hmat khai gui” ci sei, a pyen nak gui ah mäih ah Israel gui naw bik ci gui.

ISAIAH 63:12

am pek ciah Bawipa cu a hawi ang? A huham awn, Moses ung ka naw, dämduh ci gui bik ciah Bawipa cu a hawi ang? Ani naw tuinu ng’bou sak ne, thuk ciah tui ung matawn ne a chang gui kan sak gui ci, cemna kya ne, amät naw amät khonglän ung ming thang sak ci nei.” Bawipa ah lam shüm nak awn, ngami cu k’pyase ah ng’leh ah mäih ah htek sei ng’leh u ne kä ng’täng phung ci gui.

SAM 106:8

Cun ung phi a shaitak ah mäih ah hun gui ci, dämduh ciah a huham am dang nak ah kyak ci.

SAM 83:13

O Khanpughi, kho khi ah phai ah m’vut ah mäih ah, kho khi naw a zon ah ko ah mäih ah ngami cu ci gui ä.

SAM 79:10

A i ah kyasei changpakhui gui naw, “Nami Khanpughi a hawi ang?” cine ami na ng’shi gui ang. Na changshäm gui ah si ami huk ah phäh ah changpakhui gui na m’kyuk gui cu, na hmuh sak gui ä.

SAM 9:20

O Bawipa, kyihkyawk sak gui ä; Ngami chang düt ah ami kyak cu hmat sak gui ä.

THULÄÄN NAK 2:25

Tuhngawi ung tün ne a khaw nü ung chang gui naw ami ning kyih gui vai ah ka bik khai nei. Nangmi ah ming angdang phung ung chang nü cu kyi ne ng’thüng khai nei.

AMOS 4:12

“Cun ah kyasei Israel chang gui, kei naw nangmi cu ka ning m’kyuk law gui khai, A i kyasei ci ung kei naw cun cu ka bi law ge khai, kei ah ka m’khoicha nak nami awt ge khai ah om vä!”

MIKHAH 1:4

Mei ung khoi chap ah mäih ah khomhtung gui aka ah piawn khai gui; Khomhtung ung lut lawk ciah tui ah mäih ah ngami cu khaw ng’nawi ung pyäu ne long khai gui.

ZEKHARIAH 14:4

Cun ah khin ung ani cu Jerusalem ah hni law lam, Olive M’htung ung ng’düi khai. Cun ung Oliv M’htung cu akhei ungka naw ak kyang hnih ah ng’bou sei hmawi m’ghawng akdäm ah kya lawk khai. Khomhtung a teih cu siip täng ah ng’nawn sei, a teih cu htum täng ah ng’nawn khai.

ISAIAH 28:21

Bawipa naw perazim m’htung la kibeon khonawi ung abi ah mäih ah ng’tuk bik khai nei, ani naw bi vai ah akbäi ah mäih ah bik khai-ani ah hnünthawh cu thuuk ne hnip khai. Ani naw abi, thuuk kä hwat yäi ciah abi cu phleh ne bik khai.