ISAIAH 64:10 - Cho Bible Common Language 2016

¹⁰ Nang ah theingthap ciah mang gaw gui cu ng’kiang k’de ah mäih ah kyak ci; Jerusalem cu dishum ne shiu ci,

ISAIAH 64:10 Referans Kwoze

ISAIAH 1:7

Nami khawpäng cu m’dimshum u ne, nami mang gaw gui cu m’dek ah khüt khai ah m’khih ci gui nei. Nami hmuh ge aha akhaw hei Chang gui naw nami khaw la u ne, avan hteh püi ne m’di ci gui nei.

LUKA 21:24

Chang amshah cu chim awn sik khai gui, amshah cu pha ne, khlei htein nah ne, a kho päng ung hteh püi khai gui. Chang khui hei gui naw ami uknak kä ang pyi pha ah chuih Jerusalem cu ami kho awn kai nak khai gui.

MIKHAH 3:12

Cun ah nangmi ah om ah, Zion cu lai ah mäih ah thawn khai gui, Jerusalem ci di nak ah m’dek ng’plum ah kyak khai. Taigüim m’htung cu bung ah ng’lat khai.

DANIEL 12:7

Khanchang naw khankho mik ah akut goi han shäng neta, angtäi ghing ciah Khanpughi ah ma ah küikyang ciah shaitak nak bik ci. Ani naw a pyen ka ng’yak cu, “Cun cu khokum thum la avang shou khai nei. Khanpughi ah chang gui ami dukdeiu nak ang pyi law ung shin gui avan cu kya yawp khai nei.

NG’ÄI KYAH 5:18

A i ah kyasei ci ung Zion m’htung cu amät ng’yän ne, khaw ng’gau ah kyak ci. Cun ah dishum nak ung pya ui gui cu ng’hle ne ng’shui ci gui.

2 GHANGPUGHANG GUI 25:9

Ani naw Taigüim ni, mang im ni, Jerusalem ung chang vai gui ah im gui avan cu mei awn m’khih ci,

LUKA 21:21

Cun yah ung Judea kho ung om ci gui khomhtung lam ah dawng u sä, pigaw kyong ah om ci gui, pigaw k’pung ah hteit u sä, pigaw pei ah om ci gui pigaw kyong ah kä hteit-en u sä.

ISAIAH 6:11

Kei naw, “Bawipa shin ah mäih cu ai güt lüng khai ang?” cine ka ng’shik ci. Ani naw, “Shin gui cu mang gaw gui di ne a maih güt-im gui a u kä a om ba güt-khaw ung chang kä a om ba güt ah kyak khai.

ISAIAH 48:2

Nangmi naw nami mät cu theing cim ciah mang gaw chang gui ah nami pyen ci, m’gäi ciah Bawipa ming nak ciah Israel khanpughi nami ngaih u ciah pyen ne nami khäh ghah ci.

ISAIAH 52:1

Jerusalem, na khüighat vai, na dämduh ba vai nei! Theingcim ciah khanpughi ah mang gaw, suinu na sui bei vai nei! Khui hei gui cu na m’kawt ung kä lut tu ba phung khai gui nei.

JEREMIAH 52:13

Ani naw Taigüim, mang im la Jerusalem ung küikyang ciah chang gui avan ah im gui cu m’khih yawp ci;

NG’ÄI KYAH 1:10

Aga gui naw ani ah am küm khawh avan cu gut ci gui. Ngami cu taigü im mät ung lut u sei ani naw hmu gui ci. Cun cu chang khui hei gui kä ami hteh vai ah Bawipa naw a hüng nak ah kyak ci.

1 SHONTÄP NAK 23:5

Phia phli kip cu gaw ngäng sak gui ci, phia phlikip cu Bawipa m’hlüngtai u ne, acun ah phäh ah ghangpughang naw a pek gui ah tum khawn gui cu tumkhawng ci gui.

ISAIAH 63:18

Keimi, nang ah thingcim ciah chang gui cu, a shäng hta ung kami ga gui naw na k’täm gui ci gui nei: Nang ah pum lm phi ngami naw kai nak ci gui nei —

NG’ÄI KYAH 1:7

Tubäi dishum ne amät om neta, Jerusalem naw acau abämang nak man cu khü ba ci. Ani ga ah kut ung ang kiak sangung ani m’hteihtang tuk khai a u kä om ci. Ani näng ci gui naw ani cu gaih tu u ne kahta nak ci gui.

HAKKAI 2:3

“Taigüim a i ah mäih ah ng’shü khang man ci, cicu nangmi ungka shüm ba ci om ne ang? Nangmi naw tuhbäi a i ah mäih ah ang nami hmuh? A i ah phi kä ng’hmat ciah mäih ah kyak ci nei.