ISAIAH 61:9 - Cho Bible Common Language 2016

⁹ Ngami cu chang pakhui gui ah ng’lung ah ming thang khai gui; ngami hmu gui ciah chang päng naw kei naw hriham ka pek ah chang ah kyak ci gui ah hmat gui khai.”

ISAIAH 61:9 Referans Kwoze

ISAIAH 44:3

Kei naw tui gha ciah khaw ung tui ka pek khai, khong’gau khaw ung tui lawng ka lon sak khai. Kei naw nami htanau gui ah khan ah ka mümcha ka yuk chah khai, nami hta ng’shon gui ah khan ah ka hriham ka yuk chah khai.

SAM 115:14

Bawipa naw nang la na hta ng’shon am hta nau ning pe gui sä!

LAMKTU 3:26

Cun ah kiah seih nang mi naw, nami shet katnak gui nawng shüt neh, hrilham nami gah vai ah, Khanpughi naw a ghü ah a mät ah chang shäm cu, ak htük bäih ah ning tüih law gui ci nei” ci neh Peter naw pyein ci.

ATÜNNAK 22:18

Kei ah ka ng’thu cu na ngaih ah hmawk ah khaw ah kaa ung chang pakhui avan naw, nang ah htangshon awn hriham gah khai gui” cik ci.

ZEKHARIAH 8:13

Judah la Israel chang gui! Yanä ung, a khawhei chang gui ami mät ng’plah tu u ne, “Judah la Israel ah khan ah gawk ciah leigai cu nami khan ah gawk sä!” ci man ci gui. Cun ung phi kei naw ka ning hun gui khai nei, Cun ung a khawhei chang gui cu ami mät gui, ‘Judah la Israel chang gui ah gah ah mäih ah hriham cu gah vä! Cik khai gui nei!’ Cun ah kyasei k’thamah vä, kä kyi en vä!”

ISAIAH 65:23

Ngami naw ami bilawh phung cu m’khüt näng nak om khai, ami hta nau gui naw leigai kä bui awt khai gui. Kei naw ngami la ngawi yä ami htangshon cu hriham ka pe gui khai.

ATÜNNAK 30:27

Laban naw, “Ka pyen hlü cu, Bawipa naw nang ung hriham ana pek cu ka hmat pyi ci nei.

ISAIAH 43:5

Kä nami kyih vai nei, ka ning om püi gui ci nei! “A shou pikbäih akiang täng lah ak hla pikbäih akhei täng ung ka, nami chang gui cu nami khaw ah ka law püi ba gui khai nei.

ISAIAH 53:10

Bawipa naw pyen ci, “Ani a yaica vai cu kei ah ka ng’yak hlü ah kyak ci nei; Ani ah a sih cu m’geinsei nak law püi nak vai ah khawihnah nak ah kyak ci. Cun ah kyasei ani naw a hta ng’shon gui cu hmu gui khai; ani cu aghin kho ng’shäi khai, ani ung kei ah ng’bü nak cu näng m’khüt nak om khai.

ISAIAH 66:22

Khomdek thai la khankhaw thai cu kei ah huham awn khäng ne a om mäih ah, nangmi htangshon gui la nami ming cu khäng ne om khai nie.

JEREMIAH 31:7

Bawipa naw pyen ci, “Pakhui gui ung akdäm pi ah kyak ciah Israel ah phäh ah yei ne ng’äi m’cu vä. M’hlüng tai nak ah ng’äi cu m’cu vä, Bawipa naw a chang gui cu hun pyi ci nei; ‘Pawih ba ci gui ami van cu gung gui pyi ci nei.

MALAKHI 3:12

Chang pakhui avan naw yeikyai ciah chang ah ning khü gui khai, nami khaw phi nik ciah om nak ah hmun ah kyak khai.

KHEI NAK 22:12

Khanpughi naw Balaam cu pyen nak ci, “Shin ah chang gui ah yung ah kä na hteh tu vai. Israel chang gui kä na plah tam en gui vai. A i ah kyasei ci ung ngami ung kei ah hriham om ci.”