ISAIAH 61:8 - Cho Bible Common Language 2016

⁸ Kei naw taga nak cu ka m’hni ci, shedam nak la cheishoh nak cu ka thüi nak ci. Kei naw ka chang gui ung bekhüt ka m’cümhnah gui khai, Nangmi awn ng’täi ciah thukhän ka bik khai.

ISAIAH 61:8 Referans Kwoze

SAM 11:7

Bawipa cu düng ne düng ne bi nak cu m’hni ci; Düng ciah chang gui naw ani ah hmai cu hmuk khai gui.

JEREMIAH 9:24

Chang tumat cu a khäh ghah hlü ah a kyak ung, kei ana hmat nak la ana hmuhmat nak awn a khäh ghah vai, a i ah kyasei ci ung, kei ah ka m’hni nak cu ng’täi ci, kei naw taga ci la düng cicu ka bik ci. Kei, Bawipa naw ka pyen ci.”

JEREMIAH 32:40

Kei naw ng’täi ciah thukhän cu ngami awn ka bik khai. Ngami ah phäha ah akni ka bi cu kä ka ng’düm phung khai, ami m’lung kyong avan awn ami na kyih aa vai ah kei naw ka bik khai, cun ung ngami naw kei käna ng’hlah tak khai gui.

ISAIAH 55:3

“Tuhbäi ngai vä, ka chang gui aw, kei ah law vä; kei ah law vä, ghin nak nami gah khai! Kei naw khonglän ciah ka ng’thukhän cu nangmi awn ka bik khai, David ung shai ka tak ah hriham cu ka ning pe gui khai.

SAM 37:28

Bawipa naw düng cicu m’hni ne, bekhüt ciah ak chang cu kä nawng ci, Ani naw angtäi sei ngäng gui ci, Cun ung phi changshe ah hta ng’shon gui cu, gawt ne k’täm gui khai.

ATÜNNAK 17:7

“Kei naw ka shaitak cu nang la na htangshon ung ng’täi ciah thukhän ah ka küm sak khai. Kei cu nang la na htangshon ah Khanpughi ah ka kyak khai.

NG'THU K'THUUK~ 8:20

Kei cu düng ciah lam ung ka hteit ci; taga ciah lam ka läk ci.

SAM 99:4

M’gäi ciah ghangpughang, nang naw düng nak la nikiom nak cu na law püi ci.

NG'THU K'THUUK~ 3:6

Na bi nak päng ung Bawipa om ciah na shüm vai. Ani naw düng ciah lam ning m’shüm khai.

SAM 45:7

Nang naw düng nak cu na m’hni ci, akshe cu na gen ci. Cun cu Khanpughi, na Khanpughi naw a ning ghü ah kyak ci, Ani naw a hei ghangpughang gui ah mä, bä pi ciah yeikyai nak awn ning shawi ci.

SAM 33:5

Bawipa naw düng ci la taga ci phung cu m’hni ci; Ng’täi ciah am hni nak naw khomdek cu be sak ci.

2 SAMUEL 23:5

Shin cu Khanpughi naw ka hta ng’shon gui am a i cha ah hriham apek vai ah mawng ah kyak ci, a i ah kyasei ci ung ani naw ng’täi ciah thukhän cu kei ung bik ci nei, yum yawp nak cu kä ng’phyek khai, shai tak cu kä ng’thawng khai. Cun cu kei ah ng’yak hlü avan ah kyak ci; a cun cu kei ah näng nak ah kyak khai, Cun cu Khanpughi naw akcang ah law püi khai.

2 THESSALONIAN 3:5

Khanpughi ah am hni nak nami hmuhmat law pi vai la Bawi Khrit ah a kyum law nak ba vai m’lung sau awn nami ngäng nak vai ah Bawipa naw nangmi cu lam ning m’shüm gui sä.

ISAIAH 5:16

Cun ung phi m’gäi ciah Bawipa naw a däinduh nak cu hman ci a bi nak awn m’dang ci, ani naw a theincüm nak cu a chang gui am khaicha nak awn m’than ci.

SAM 50:5

Ani naw, “Bekhüt ciah ka chang gui, pek tak m’ghu tha ne thukän ci gui, kei ah law ne ng’bum law bä” cik ci.

SAM 32:8

Bawipa naw, “Na hteh nak vai ah lam ka ning m’thei khai; ka ning m’thein khai, ka ning m’hnuh khai.

MATTHE 23:13

“Thuvi ciah Pharisee gui la thukhän saya gui, nangmi ung thüinak aih om ci. Nangmi cu khankho ah chang gui naw ami kai nak vai ah m’kawt nami khai ci. Nami mät phi kä nami lut ci, lut hlü ne tha nak ciah chang phi kä nami luh sak ci.

SAM 62:10

Chang ngawn pha vai kä na k’tha nak vai; Ng’gut tep ne näng vai kä na ngaih-tüh vai; Na ng’bühmang law pi ung phi acun ah khan ah kä na ng’düih vai.

SAM 105:10

Bawipa naw Jakob awn thumkhän bik ci, cun cu a ngawi ah phi kä maih khai.

ISAIAH 28:17

Taga nak cu angnei nütak-gui ah kyak ci, düng nak cu a cun khinnak-gui ah kyak ci.” Gäinu naw nami düihnak ah hleei hlak nak cu avan hteh yawp khai, tui k’law naw nami ng’shungshet nak cu m’di yawp khai.

ISAIAH 30:18

Cun ung phi Bawipa naw nangmi ning chimgein gui khai ah ning ngäng gui ci nei. Ani cu nangmi ning m’gein gui khai ah om ge ci nei, a i ah kyasei ci ung, a ni cu angtäi sei düngnak bik ciah kyak ci nei. Bawipa ung ngaih gep ciah chang gui cu yeikyai nak om ci nei.

ISAIAH 54:10

Khomhtung, khogui gui cu pyawn khai gui, cun ung phi kei naw nangmi ka ning m’hni nak gui cu kä ng’pyi khai; Dimdeeih nak ah shai ka tak cu kei naw angtäi ah ka k’pang khai.” Ning m’hni gui ciah Bawipa Bawipa naw cun ah pyen ci.

ISAIAH 56:1

Bawipa naw a chang gi pyen ah gui ci, “Düng ci la hman cicu bi vä, kei naw ka ning hun gui ge khai.

ISAIAH 66:22

Khomdek thai la khankhaw thai cu kei ah huham awn khäng ne a om mäih ah, nangmi htangshon gui la nami ming cu khäng ne om khai nie.

MALAKHI 1:13

Nangmi naw, ‘Shin ah hmawk ah kami cümbawng ci!’ cine, kei ungka nami hnga cu nami m’hlat ci. Nangmi naw nami na pektak law ung nami m’guk ah akghing gui la akshum, akgaw gui cu nami law püi ci. Cun cu ka dou khai ah nami ngai ne ang?

EZEKIEL 16:60

Cun ung phi nangmi name hmaw yah nangmi awn ka bi ah thukhän cu kei naw ka m’taam khai, kho ng’län ung khäng ciah thukhän cu kei naw nangmi ung ka bik khai.

EZEKIEL 34:25

Kei naw ngami awn thukhän ka bik khai, acun naw ami ngaih gep nak vai ah ng’kham pe gui khai. Kei naw kyihkyawk vai kyak ciah khisa gui avan khaw ungka ka k’täm gui khai, cun ung kei ah ka htome gui cu phyawng m’htein ne lolai ung lum u ne, bung hmu ah ip khai gui.