Biblia Todo Logo
Bib sou entènèt

- Piblisite -




ISAIAH 61:2 - Cho Bible Common Language 2016

2 Bawipa naw a chang gui a hun nak vai la Ami ga gui a tuk hnim nak gui vai ah akhin cu gawk law pyi ci nei, cine ng’thu ka shäu vai ah kei cu na tüi ci. Thüi kyap ci gui ami van k’büi gui vai ah kei cu na tüi ci,

Gade chapit la Kopi




ISAIAH 61:2
34 Referans Kwoze  

“Am lung thüisei ci gui yeikyai vä; Khanpughi naw m’lung üp nak ning pe gui khai.


Cun cu Bawipa naw Zion a gun nak la aga gui ah khan ah phu atuk nak ah akhin ah kyak khai.


“Ngami ah hnün thawh cu kei naw ka hmu gui ci, cun ung phi kei naw ka gai sak gui khai. Kei naw lam ka shüm gui khai, ka m’htei htang gui khai, thüi sei ci gui ka m’shuun gui khai.


Khanpughi naw akchang gui a hun nak gui ah khin a gawk law ah mawng ng’shäu ne pyein vai ah, Kei cu ana tüih law nei’ ciah cacim cu phat ci.


Keimi naw hun nak ah mawng changpakhui hei gui-am ng’thu kami m’thein phi tha na ne na ma na gui ci gui. Cun ah ami kyak cu ang täi sei ami cheishoh nak ami kümbe sak nak ah kyak ci. Cun ah kiasei tuhbäi ak hnu ah Khanpughi ah m’lungshe nak cu ngami ah khan ah gawk pyi ci nei.


Hnumi nong gui cu ng’tam ne yei khai gui, pami gui a ghi a hmaw cu yeikyai khai gui. Kei naw ngami cu ngäng m’bom gui ne, ami thuikyah nak cu yeikyai nak ah, ami ayä nak cu yeikyai nak ah ka m’hlah pe gui khai


Uktu Bawipa naw sih nak cu khonglän ung m’di khai! Ani naw chang pang ah mik ungka ng’phli tui cu ghu pe ne, kho ah ka avan ung a chang gui ah thüivat nak cu lak pe gui yawp khai. Bawipa amät naw a pyen nei!


Shin cu m’gäi ciah uktu Bawipa ah hnüüp ah kyak ci nei; tuh ngawi ani naw phu tuk khai; tuh ngawi ani naw aga gui m’kyuk khai nei. Ani ah khimsen naw abe güt ung ei gui khai, a kyä güt ah ami si aw gui khai nei. Tuh ngawi m’gäi ci naw a ghuh ng’tha nak vai awn khawihnah ci nei. Asiip täng Euphratis ung ah kyak ci nei.


A cun nangmi naw nami hmuh ung nangmi cu nami yei khai; a cun naw nang mi ning khüi ghat, ning gai gawng sak gui khai. Cun kawn ah nangmi naw nami hmat khai, kei cu Bawipa nei, na ngai ciah chang ka m’htei ci, ka ga gui hnung’tuk püi ne ka m’lungshe nak ka m’dang ci.”


Bawipa naw a chang gui pyen na gui ci, “Nangmi ning bü nak gui vai ah khin a gawk law ung, nangmi am hmai kiang nak ning m’dang gui ne, ning m’htei gui vai ah nami kyah cu ka ning m’shang gui khai. Kei naw ngäng ne ka ning shungvong gui khai, chang van ah phäh ah nangmi awn thukhän ka bik khai. Tuhbäi didap ciah nami kho ung kei naw ka ning om ba sak gui khai.


Am lung thüi ciah changnü m’thein ä, “Khüi ghaat vä, kä kyi en vä! Khanpughi cu ning hun gui khai ah lawk ci nei, nami ga gui m’kyuk khai ah lawk ci nei.”


“Cawigha ciah chang gui yeikyai vä, Nangmi cu nami Phü m’ghüm khai nei. “Ang phli li ciah chang gui yeikyai vä, nami yeikyai nak gawk lawk khai nei.


Khanpughi naw, “Ka ning m’htei nak gui vai ah khin a gawk law ung, Nami ng’yoih cu ka ning ngaih pe gui ci nei; Ka ning hun nak gui vai ah khin a gawk law ung, Ka ning m’htei gui ci nei” a cicu ngai yah vä. Ngai vä, Khanpughi ah m’gein nak gah nak vai ah khin cu, a tuhbäi ah kyak ci; hun nak ah hnüüp cu a tuhngawi ah kyak ci!


Cun ah kya tuhbäi, m’gai ciah Bawipa, huham mah ciah Israel khanpughi ah a pyen cu ngai vä: “Nangmi ah khan ah phu ka tuk khai nei, ka ga gui ta nangmi naw, kei a i ah kä nami na ci tuba hlawt khai.


A cu hnüüp ung m’gäi ciah Bawipa naw huham mah ci phung. Chang ah ng’shei ne, chang klom ci phung yuk buh khai nei.


M’neh m’awk ne ng’hlo ei vü! Bawipa ah kho hnüüp cu ng’et ci nei, m’gäi ci naw m’di nak a law püi nak ah hnüüp nei.


Bawipa cu chang pakhui avan la ami gakap gui avan ah khan ah m’lungshe ci nei. Ani naw m’di gui vai ah m’kyuk gui ci nei.


Nami khanpughi naw pyen ci, “Ka chang gui m’lung üp sak gui ä,” “M’lung üp sak gui ä!


Einmai hlwi ng, nami mät naw nami mät nami yaica sak ci; khum’ghaw ah ng’voi ah mäih ah nami lu ngüm ne kawp ne, sui she phüi ne, m’vut ung ng’zaän ne nami kyak ci. Cun ma nangmi naw ei hlawi ah nami pyen? A cun ah mäih cu kei naw ka yei nak khai ah nami ngai ne ma?


Bawipa naw Jerusalem a pyen nak cu, “Akhohei chang gui naw nangmi ah pigaw k’pang co ba khai gui nei. Ami ghangpughang gui naw nami bi bik khai gui nei. Ka m’lunghse nak awn ka ning m’kyuk gui ci, cun ung phi tuhbäi ka chang m’sui nak la ka chimgein nak cu, ka ning m’dang gui khai.


Cun ung phi kei cu Bawipa naw a mümcha la ahuham awn nakbe ne, taga nak ah mawng la Israel gui ah katnak m’thein nak gui vai ah thagui na pek ci.


Bawipa naw pyen ci, “Thagui ning k’be gui ci cu kei ah ka kyak ci. Khumghaw hlawk düt ah ghing hning ne, si thei ciahchang cu, a i vai nami kyih ang?


Swiv nou:

Piblisite


Piblisite