ISAIAH 61:11 - Cho Bible Common Language 2016

¹¹ Geit m’shi cu ng’lih pyo ne a ghing gong ah mäih ah uktu Bawipa naw achang gui cu hun gui khai nei, chang pakhui avan naw ani cu m’hlüng tai khai nei.

ISAIAH 61:11 Referans Kwoze

ISAIAH 58:11

Cun ung kei naw angtäi sei lam ning m’shüm gui ne, akni gui awn ka ning büh bei sak gui khai. Kei naw ning khüighat sak gui ne ka ning gai sak gui khai. Nangmi cu tui akda awn sawi ah duin ah mäih ah nami kyak khai, kä ket hlawt ciah tuilawng ah mäih ah nami kyak khai.

1 PETER 2:9

Cun ung phi nangmi cu Khanpughi naw a ghü ah pahta, Ghangpughang ah taigü, theingcim ciah pakhui, Khanpughi ah chang, la Khanpughi naw cäicat vai ah a bilawh ah mawng ng’shäu khai ah a ghü ah nami kyak ci. Khanpughi naw hmüp khui ung kaa, cäicat vai ah ak dei ung a ning khü gui ah kyak ci.

ISAIAH 62:7

Ani naw Jerusalem kä am thawh ba pha ah chuih ngami naw kä ng’düm sak ci gui. Cun kawn ah ani naw mang gaw ah pyang sei, khomdek khan chang van naw m’hlüng tai ci gui.

ISAIAH 62:1

Kei naw Jerusalem cu thagui pe ne ng’thu ka pyen khai; Ani naw hun nak kä a gah pha ah chuih kei cu kä ka om düt khai, Ani ah näng nak cu mü ung mei m’däi ah mäih ah ng’shü khai.

ISAIAH 45:8

Kei naw näng nak cu khomik ung ka, kho k’aa ah mäih ah ka yuk chah khai; khomdek naw ng’hmawng ne a cun cu dou sei, pängze nak la taga nak ah vuipai khai. Kei, Bawipa naw shin ah kyak ah ka bik khai.”

SOLOMON NG’Ä~ 4:16

A siip ah khokhi, tho law. A htum ah khokhi, ka u-yin ung khi law; khokhi cu tui ng’ui awn be sak ä. Kei ah ka m’hni cu ani ah u-yin ung law ne, a cun ah m’theih akni pi gui cu ei sä.

SAM 85:11

Chang ah ni kyom nak cu m’dek khan ung hang dang sei, Khanpughi ah ng’düng nak cu khankho ah yung dang khai.

MATTHE 13:23

M’dek ni ung kya lawk ciah m’shi ci cu, ng’thu ni cu ngai ng’ya tu ne hmuhmat ci gui ah kyak ci. Ngami cu amshah aphiaa, amshah ak chuk-kip, amshah athum-kip ah vuipai ci gui,” cine m’thein gui ci.

MATTHE 13:3

Bawipa Jesuh naw cun ah chang gui-am, m’tumtäng bäng bäng ne a mawng akda m’thein gui ci. Bawipa Jesuh naw, “Hnüüp ät ung chang tumat cu m’shi phu khai ah hteit ci.

ISAIAH 60:18

Kiawipang nak ah k’aw gui cu kä ng’yak ba vai nei; Nang ah khaw ung dishum nak phi kä om ba khai nei. Kei naw nang cu pigaw k’pang ah mäih ah ka ning shungvong khai. Nang naw na na m’hlüngtai khai a i ah kyasei ci ung kei naw ka ning hun ci.

SAM 72:16

Kho do kho hmun ung htang-m’guh be sä; khogui khomhtung cu Lebanon ah mäih ah theih ciah sing awn be sä. Lolai ma ah khu m’ghaw abe ah mäih ah mang gaw gui cu chang awn be sä.

SAM 72:3

Kho lei avan cu khawh mah sä; ng’düng nak awn pui m’ca sä.

MATTHE 13:8

M’shi amshah cu, m’dek ah ni nak ung kya law ne, akni ah ng’lih pyo ghing gong sei, a phiaa, akchuk-kip. Athum-kip ah ng’sep khawi ci.

ISAIAH 4:2

Bawipa naw a phing nü la sing ghing nü cu cun ah khaw ung däin ne kyom khai ah a pyan nak ah khin gawk lawk ci, k’pawih ba ciah Israel chang avan cu khaw ung geitkaw am thawk ah phäh ah yeikyai läma khai gui.

ISAIAH 45:23

Kei ah ka shaitak cu akcang ah kyak ci, cun cu kä thawng hlai phung khai nei. Chang avan ung aktung ah shai ka tak ci nei: Chang päing law ne, kei ah ma ah m’khuk dong ne, kei ah ma ah bekhüt khai pyen ne shai tak khai gui nei.

ISAIAH 45:24

Ngami naw näng nak la thamah nak cu kei bäng ung hmuk ci gui ah pyen khai gui nei; Cun ung phi kei na gen ciah chang avan cu lü ng’aa nak awn yaica khai gui nei.

ISAIAH 46:13

Kei naw näng nak ah khohnüüp cu ng’et khai ah ka law püi ci nei Cun cu kä shou aih ci nei. Kei ah näng nak cu kä shou aih ci nei. Kei ah näng nak cu kä shou cang khai nei. Kei naw Jerusalem cu ka hun khai a cu ah Israel gui m’tamkhah nak cu ka law püi khai nei.”

ISAIAH 48:18

“Nangmi naw kei ah thumkhän bäng nami ngaih ah a kyak vaisü ung! Hriham gui cu kä kawi hlawt ciah tui ah mäih ah nami khan ah long khai süte nei! Näng nak cun phi tuikem ah gawk lawk ciah tui hnawk ah mäih ah nangmi ung gawk lawk khai nei.

ISAIAH 60:21

Na chang gui ami van naw hman cicu bik khai gui, ngami naw kho cu angtäi sei khäm khai gui. Ka dämduh nak ng’thu m’than nak ah geit kaw gui ne ka piamtham gui ci nei.

ATÜNNAK 1:11

Cun kawn ah Khanpughi naw, “Paai ci la m’theih ci, ghing gong ci phung avan khomdek khan ah ng’lih pyou sä” ci sei a cun ah kyak ci.

ISAIAH 62:2

Jerusalemung chang pakhui gui naw nang ah näng nak cu hmuk khai gui! Ami ghangpughang van naw na hlüngtainak cu hmuk khai gui. Nang cu ming akthai awn ni ng’khü khai gui, cun ah ming cu Bawipa amät naw aning pek ah ming ah kyak ci nei.