ISAIAH 60:4 - Cho Bible Common Language 2016

⁴ Na pei yung cu teng ä, a i, i ah a kyak cu na hmu ne ang? Na chang gui cu lm ah law ba khai gui ah ng’bum ci gui nei! Na htapa gui cu a shou nak ah ka lawk khai gui nei; Na hta hnumi gui cu a hmaw hta gui ah mäih ah Chang gui naw law püi gui khai gui nei.

ISAIAH 60:4 Referans Kwoze

ISAIAH 42:6

“Kei, Bawipa, naw ning khü ne huham ka ning pek ci, khomdek khan ung taga ciah bi cu nami hmuh vai ah iak ci. Nang ung chang avan awn thukhän ka bik khai; Nang ung pakhui gui ah phah ah akdei ka law püikhai.

ISAIAH 49:18

Veing ne teng ne, a i ah kyak cicu na hmuh vai nei! Na chang gui cu ng’bum u ne ami im ah law ba ci gui nei! Kei cu ak cang ah ghing ciah khanpughi nei, ceimah khai ah hnumi hta pyülung ng’mo awn a khähghah ah mäih ah nang cu na chang gui awn na khäh ghah khai nei.

ISAIAH 43:6

Ami hteh sak gu vai ah a siiptäng cu ka pyen nak khai, a htum täng am phi kä ami ma nak gui vai ah ka pyen na gui khai. Ka chang gui cu a shou nak ah khaw ung ka, khomdek khan khaw nü ung ka law bu u sä.

LAMKTU 13:44

Cun kawn ah pum ba hnüüp ung gawnu ungka chang avan ngai ngai gawk law ci gui.

JOHAN 4:35

Nangmi naw, chaa-phli a om ba ung, geit khäm khin gawk lawk khai nami cik ci, cun ung phi geit ko gui cu, khäm ge vai ah hmin pyi ci gui nei,

MATTHE 8:11

Kei naw akcang ka pyein cu, shin ah mäih yum nak cu Israel chang gui ung kä ka hmu man ci. Chang akda cu hni law lam la hni kiaak lam ah ka Law u ne, Abraham ni, Isaak ni, Jakob ni gui awn a täng ah vunvai ne ei auk khai gui.

ISAIAH 11:12

Püipyang ciah Israel la Judah chang gui, khomdek khan khawkit phli ung ka, a law püi ba gui, atäng ah akbum ba gui amdang nak ah, Bawipa naw m’hnüt nak alan cu m’tho khai nei.

ISAIAH 49:12

Ka chang gui cu a shou nak ah ka lawk khai gui, a siip tang, akhei täng la a htum täng, Avan ung ka lawk khai gui.”

ISAIAH 66:20

Ngami naw chang pakhui gui ung ka, nami khochang avan cu m’cümhnak nak ah kei ah law püi ba khai gui. Israel gui naw htang-douthak nak cu theingcim nak vai Taigüim ah ami law püi ah mäih ah, ngami naw cun gui cu ng’se gui, la gui, kala uk gui la yatha gui la ng’hle gui aw thingcim ciah kei m’htung Jerusalem ung law püi khai gui.

JEREMIAH 30:10

“Ka Chang gui aw, kä nami kyih vai nei; Israel chang gui aw, Kä nami cäi cat vai nei. Kei naw nangmi cu cun ah shounu ciah khaw, thawng kyum ciah nami kyak nak ah khaw ungka ka ning gung gui khai. Nangmi cu nami im ah law ba ne ding gei sei nami om khai, Nangmi cu khan sei nami om khai, a u naw kä ning m’kyihkyawk gui khai.

AMOS 9:14

Kei naw ka chang gui cu ami khaw ah ka law püi ba gui khai. Ngami naw di ciah ami mang gaw gui co ba u ne, om ba khai gui. Ngami naw sapyit gui geit u ne, sapyit tui awk khai gui; Ngami naw dum bi u ne a cun ung ami geit ei khai gui.

MIKHAH 7:12

Khaw nü ah ka na chang gui cu nang ah law ba khai gui, hnilaw lam Assiria, htum lam Egypt, Euphratis khaw ng’lei ungka tuinu ah m’chaa, khomhtung ah shung ah ka gui law ba khai gui.

HAKKAI 2:7

changpakhui avan cu k’thäh gui ne, ami khawh avan cu ka law püi sak gui khai, Taigüim cu khawh awn be khai.

ISAIAH 14:2

Bawipa naw a pek nak gui ah khaw ah Israel chang gui ami hteh ba vai ah chang pak hui akda naw m’hteihtang gui khai gui, acu ah chang pakhui gui cu Israel gui ah chang shäm ah kyak khai gui. Israel gui näng gui min ciah chang gui cu Israel gui naw näng ba gui khai gui, ngami yawshe na man ciah chang gui cu Israel gui naw ukgui khai gui.

ISAIAH 49:17

“Nangning cokyang ba khai ah chang cu law sang ci nei, Nang ning m’di ciah chang cu a hei ah htei khai nei.