ISAIAH 60:1 - Cho Bible Common Language 2016

¹ Tho ä, Jerusalem, khohni ah mäih ah khang ä; Bawipa ah bämang nak cu na khan ah ng’shü ci nei!

ISAIAH 60:1 Referans Kwoze

EPHESIAN 5:14

Cun ah dang law ci phung phung cu akdei ah kya lawk ci nei. Cun ah kyasei cacim theing ung; “Ip ci gui let law vä, Sih nak ungka tho law vä, Nami khan ah Bawi Khrit ng’shü lawk khai nei” ciah om ci.

EPHESIAN 5:8

Nangmi nami mät cun phi hmüp khui ung nami om te ci, cun ung phi Bawipa ah chang ah nami kyak awn ah, nangmi cu akdei ung nami om ci. Cun ah kyasei akdei ung om ciah chang ah mäih ah nami om vai.

JOHAN 8:12

Bawipa Jesuh naw, Pharise gui-am,” Kei cu khomdek khan ah akdei ah ka kyak ci, kei ah hnu ah na läk ciah chang cu ghin nak akdei gah khai, a i yah ung phi kho hmüp khui ung kä hteit ba khai”, cik ci.

ISAIAH 58:8

“Cun ung kei ah bämang nak cu ngawi thaih hni pyü ah mäih ah na khan ah ng’shü sei, na nat nak gui a van cu ang ghit ah khan khai nei. Kei naw ungtäi sei ning om püi gui ne ka ning hungui ci; kei ah ka naw apäng avan ung ning shungvong gui khai.

JOHAN 12:46

Kei cu m’dek khan ung akdei ah kya ne ka lawk ci, kei na yum ci cu kho hmüp khui ung kä om ba khai.

MATTHE 5:16

Acun ah mäih ah chang gui naw akni ah nami om cu ning teng gui u ne, khankho ah om ciah nami Pa cu ami m’hlüngtai vai ah, chang gui ah ma ah nami dei nak cu va deikhang sak vä.

MALAKHI 4:2

Cun ung phi kei na läk ciah nangmi ah phäh ah ka hun nak huham cu khohni ah mäih ah nami khan ah so lawk khai, hni ah pyü ne gai nak law püi khai. Nangmi cu phyawng ne, sei im ungka lut law ne ng’hlü ciah sei hta ah mäih ah nami yei khai.

JOHAN 1:9

Akcang ah akdei cu khomdek khan ah gawk law ne chang van ah khan ah khang ci.

THU PHLAAN 22:5

Khaw amünak kä om ba khai. Mei im la hni ng’shü kä hlü ba khai, a i ah kyasei ci ung Bawipa Khanpughi cu ngami ah akdei ah kiak khai, ngami naw ghangpughang ah kya ne ngawi yä uk khai gui.

1 PETER 4:14

Bawi Khrit ah chang ah nami kyak ah hmawk ah päipih nak nami gah ung yeikyai nak om ci, a i ah kyasei ci ung, acun ah khin ung, bämang ciah Mumcha, Khanpughi ah Mumcha cu, nangmi ah khan ah ang leen ah hmawk ah kyak ci.

PHILIPPIAN 2:15

Cun ung nangmi cu cheishoh ne katnak bik ci gui ah om nak ah khaw ung Khanpughi ah kümbe ciah hta gui ah kya ne, katnak kä om ne theingthap ciah chang gui ah nami kyak khai.

THU PHLAAN 21:23

Cun ah mang gaw ah khan ah Khanpughi ah bämang nak cu dei ne Htomehta cu amei im ah kyak ci kisei acun ah mang gaw ung hni la chaa ah akdei kä hlü ci.

MATTHE 4:16

Ak hmüp nak ung om ciah chang gui naw, akdei khang hmu lawk khai gui; Sih nak ah khomü ung om ciah chang gui ah khan ah, Akdei khang cu gawk lawk khai nei,” cine pyein ci.

ISAIAH 9:2

Hmüpkhui ung hteit hton ciah chang gui naw dämduh ciah akdei hmuk ci gui nei. Ngami cu sihnak ah shung ah khaw ung ami om man ung phi, Tuhbäi akdei cu ami khan ah ng’shü ci nei.

JOHAN 3:19

Hma ci m’kat ne m’khoichaa nak ah mawng cu; akdei cu khomdek khan ah gawk lawk ci. Cun ung phi akshe ah om ci gui ah chang gui cun naw, akdei ah mä ak hmüp cu m’hni pi ci gui.

LUKA 2:32

Na ng’yak hlü dang sak ciah akdei cu chang hei gui ah hmawk ah ak khang vai la; na chang gui Israel chang gui ah bämang nak a gawk law ah hmawk ah kyak ci” cik ci.

THU PHLAAN 21:11

Cun ah mang gaw cu Khanpughi ah bämang nak awn pyü ciah lung, vai ng’mo ah mäih ah ng’shü ne khang ci.

SAM 87:3

Ngai ä, Khanpughi ah mang gaw oi, Nang ah mawng cäicat vai gui cu ani naw pyen ci nei:

SAM 102:16

Bawipa naw Zion mang gaw a cawh ba ung, a dämduh nak cu ng’leet ba sak khai nei.

ISAIAH 2:5

Tuhbäi, Jakob ah hta ng’shon gui. Bawipa naw ana pek gui ah akdei ung mi hteit khai nei.

ISAIAH 4:5

Zion m’htung khan la a cun ung ngbum ci gui ami van ah khan ah khaw hnüüp yah ung Bawipa naw khawmei cu tüi law ne, khawmü sangung meikhu la meikdäi khang cu tüi lawk khai. Khanpughi ah bäinang nak naw mang gaw avan cu küm ne shungvong khai.

ISAIAH 24:23

M’gäi ciah Bawipa cu ghangpughang ah kya lawk khai kya sei, cha cu hmüp ne, hni cu kä khang ba khai nei. Ani naw zim m’htungung ka naw Jerusalem cu uk khai, chang gui ah ami ng’vai naw a bämang nak cu hmuk khai gui.

ISAIAH 28:5

K’pawih ciah a chang gui ah hmawk ah, bäimang ciah cheipai lukhu ah mäih ah m’gäi ah m’gäi ciah Bawipa a kyak nak ah knüüp cu gawk lawk ci nei.

ISAIAH 35:2

Khaw ng’kiang khaw naw ng’äi m’cu ne, yei ne m’lau khai; cun cu Lebanon m’htung ah mäih ah kyom khai Karmela la Sharon kho ng’lei ah mäih ah anglei nik khai. Chang naw Bawipa ah bämcam nak hmuk khai, ani ah dämduh nak la huham phi hmuk khai.

ISAIAH 42:6

“Kei, Bawipa, naw ning khü ne huham ka ning pek ci, khomdek khan ung taga ciah bi cu nami hmuh vai ah iak ci. Nang ung chang avan awn thukhän ka bik khai; Nang ung pakhui gui ah phah ah akdei ka law püikhai.

ISAIAH 66:11

Anu ah k’coi ung om ciah a hmaw ah mäih ah nangmi cu ani ah bühmang nak ung nami yeikyai khai nei.

ISAIAH 62:1

Kei naw Jerusalem cu thagui pe ne ng’thu ka pyen khai; Ani naw hun nak kä a gah pha ah chuih kei cu kä ka om düt khai, Ani ah näng nak cu mü ung mei m’däi ah mäih ah ng’shü khai.

ISAIAH 62:2

Jerusalemung chang pakhui gui naw nang ah näng nak cu hmuk khai gui! Ami ghangpughang van naw na hlüngtainak cu hmuk khai gui. Nang cu ming akthai awn ni ng’khü khai gui, cun ah ming cu Bawipa amät naw aning pek ah ming ah kyak ci nei.

EZEKIEL 43:4

Cun ah bämang ciah akdei cu ak kyang täng m’kawt sun ne Taigüim kyong ah lut ci.