ISAIAH 6:8 - Cho Bible Common Language 2016

⁸ Cun kawn ah Bawipa ah ng’thu ka ng’yak cu, “A u ang kei naw ka tüih kaw? Kei naw m’shang ne,” kei natüi ä! Ka hteit khai nei!

ISAIAH 6:8 Referans Kwoze

EPHESIAN 3:8

Kei cu Khanpughi ah chang gui ung ak chui pi bäih ah ka kyak ci. Cun ung phi Khanpughi naw, Bawi Khrit ah kä khei tai vai ah bühmang nak ah mawng Thu Ni cu chang khuihei gui am m’thein gui vai ah,

LAMKTU 22:21

Bawipa naw, “Hteit ä, a shou nak ah om ciah chang pakhui hei gui ah, nang cu ka ning tüi khai nei” cine pyein ci” cik ci.

ISAIAH 65:1

Bawipa naw pyen ci, “Kei cu ka chang gui ah taigü ka m’shang khai ah ka om ci nei, cu mung phi ngami kä taigü ci gu. Kei cu ngami naw ami na hmuh ge vai ah ka om cine, cun ung phi ngami naw kä tha nakci gui. Kei naw angtäi ah ka m’shang gui khai ah om pang ä sei phi, chang pakhui cu kei ah kä taigü lawk ci nei, “Kei shin ung ka om ci, kei naw ka ning m’htei gui khai nei”, ka cik ci.

LAMKTU 20:24

Kei cu ka hnun gui ah kä ka ng’vang ci, a nam hnüt peit ah bi la, Bawipa Jesuh ah na peit ah bi, pyi ne bi vai cu ak tung ah kia sei, Khanpughi ah m’gein nak mawng Thu Ni cu hteit shüi ne pyein vai bäng ah kya ci.

ATÜNNAK 1:26

Cun kawn ah Khanpughi naw, “Hniciim chang cu mi mät ah müi ah mäih ah mi tüisho khai; ngami naw nga gui ni, kha gui ni, akghing nü avan cu uk khai gui” cik ci.

ATÜNNAK 11:7

Mi yu kyum ne ami ng’thu kä ng’hmat ba khai gui ah mi k’caw pe gui khai” cine pyen ci.

EZEKIEL 1:24

Ami zon ung ami ng’phia ami khäp ah k’aw cu ka ng’yak ci; cunah k’aw cu tuinu ah gaai ah mäih, gakap maknu ah k’aw ah mäih, m’gäi ciah khanpughi ah k’aw ah mäih ah kyak ci. Ami zon ami ng’düm ung, ami ng’phia chum ba ci gui,

1 GHANGPUGHANG GUI 22:20

Bawipa naw ng’shik ci, “Ahab cu Ramoth ung hteit khäta ami ngawn vai ah a u naw m’hleei khai ang? Khanchang amshah gui naw a hei ah pyen ci gui, a hei amshah gui naw a hei ah pyen ci gui,

EZEKIEL 10:5

Khiküi gui naw ami ng’phia ami khäp cu akpung ah ka nawphi ng’yak nei, cun cu m’gai ciah khanpughi ah k’aw ah mäih ah kyak ci.

ATÜNNAK 3:22

Bawipa Khanpughi naw, “Chang cu mikmi ungka tumat mat ah mäih ah kya pyi ci, akni la akshe phi hmu hmat pyi ci. Tuhbäi ung chang cu ghin nak ah sing ah theih bit ne ei ne angtäi ghing nak gah khai ah kä khin ba ci nei” ci neta,

LAMKTU 9:4

Ani cu khomdek ung kyu neh ng’yän netah, “Soul, Soul? a i ah kiah sei kei nah na k’dudeiu nak ang?” Ciah k’ä cu ng’yak ci.

LAMKTU 26:19

“Akrippa Ghangpughang mang! Kei naw khankho ah kaa ka hmuh cu kä pyein ah kä ka hlawt ci nei.

1 SAMUEL 3:4

Bawipa naw Samuel cu khü ci. “Ä, saza,” ci ne

EZEKIEL 9:1

Cun kawn ah khanpughi m’lau sei ka ng’yak ci, “Shin ung law vä, Nangmi mang gaw m’kyuk lawk khai ah chang da gui. Nami likhim law püi vä.

ATÜNNAK 22:1

Cun kawn ah Khanpughi naw Abraham cu am nüm vai ah, “Abraham” cine khü ci. Abraham naw, “Abraham naw, “äi, ka om ci nei” cik ci.

ATÜNNAK 22:11

Cun ung phi Bawipa ah khankho chang khan ah ka naw, “Abraham, Abraham” cine khü ci. Abraham naw, “äi, ka om ci nei” cik ci.

2 SAMUEL 1:7

Ani cu ng’hlat law ne, na hmu neta, na khü sei, ka äi ci.