ISAIAH 6:4 - Cho Bible Common Language 2016

⁴ Ami m’lau ah k’aw naw Taigüim ah tungkhaw cu thüng sak ci. Taigüim cu meikhu awn be ci.

ISAIAH 6:4 Referans Kwoze

THU PHLAAN 15:8

Pum im cu Khanpughi ah bämang nak la hlüngtai nak ah akkhuu awn be ci. Cun ah kyasei khankho chang pachih naw ami law püi ah leigaai mawng chih ang pyi güt ung, pum im kyong ah a u phi kä lut ba hlawt ci.

THU PHLAAN 11:19

Cun kawn ah khanmawpi ah pum im cu ng’hmawng law khätah, Thukhän M’küm cu ka hmuk ci. Acun yah ung khaw lailäp ne ng’hmumkyeek ne, shipi thüng ne, gääi nu bawh ne khawshe ne aa lawk ci.

EZEKIEL 10:5

Khiküi gui naw ami ng’phia ami khäp cu akpung ah ka nawphi ng’yak nei, cun cu m’gai ciah khanpughi ah k’aw ah mäih ah kyak ci.

PHYAWN NAK 40:34

Cun kawn ah khongmei naw Phung cu küm khäta, Bawipa ah om nak ung ng’shü ciah akdei cu be ci.

AMOS 9:1

Kei naw Bawipa cu mangkyang pei ah ng’düi sei ka hmuk ci. Ani naw thumkhän a pek cu, “Taigüim tung gui ah apaam gui cu na khläng vai, ang nei phi na thüng sak vai. Cun gui cu hnget sak ne, chang gui ah lu ah khan ah yuk kyak sak ä. K’pawih ba ci gui cu ng’tuk nak ung kei naw ka ngawn gui khai. A u kä dawng hlawt khai, a u kä phyawng khai.

SAM 18:8

A hna ung mei khu thawk ne, a shai ung mei m’lei tawt ne, mei cak ng’ling ci.

EZEKIEL 1:24

Ami zon ung ami ng’phia ami khäp ah k’aw cu ka ng’yak ci; cunah k’aw cu tuinu ah gaai ah mäih, gakap maknu ah k’aw ah mäih, m’gäi ciah khanpughi ah k’aw ah mäih ah kyak ci. Ami zon ami ng’düm ung, ami ng’phia chum ba ci gui,

EZEKIEL 41:16

gui cu aphah ungka nawk m’kawt hta gui ung khüt khai ah peen awn avan akawt gui pyan ah kyak ci. Cun ah m’kawt gui phi shung hning ah kyak ci.

EZEKIEL 44:4

Cun kawn ah cun ah chang naw, a siiptäng m’kawt ungka naw Taigüim düma ah na hteh püi ci. Kei naw teng neta, Bawipa ah Taigüim cu, amät ah bämang nak ah akdei awn be sei ka hmuk ci. Kei cu m’dek ung ka hmai gawk khai ah ka ng’bawk ci,