ISAIAH 6:3 - Cho Bible Common Language 2016

³ Ngami tumat la tumat ng’khü tu u ne: “Atheing, atheing, atheing! M’gäi ciah Bawipa cu atheing? Ani ah bäingang hak naw khomdek be sak ci nei.”

ISAIAH 6:3 Referans Kwoze

SAM 72:19

Ang täi sei aming küi cu m’taam vä! Abämang nak cu m’dek khan avan ung be sä. Amen! Amen!

EZRA 3:11

Ngami naw Bawipa m’hlüngtai nak ng’äi m’cu u ne, leng ba ba ne m’cu ci gui. Bawipa cu nik ci, ani naw Israel gui am hni nak cu khongtäi ci nei. Chang päng naw aktha avan la ne Bawipa cu m’hlüngtai ne m’lau ci gui. A i ah kyasei ci ung Taigüim ang nei cu tün ne m’düih ne bi pyi ah kyak ci.

KHEI NAK 14:21

Cun ung phi kei naw ka shaitak cu, kei cu akcang ah ka ghin ah mäih ah kei ah ka ghin om nak naw khomdek cu be sak khai.

PHYAWN NAK 15:11

Bawipa, khanpughi gui ah ng’lung ah nang ah mäih om ne ang? Cäicat vai ah theingciim ci nang ah mäih om ne ang? Nang ah mäih ah cäi aih vai bi ne m’gäi ne hnüntho ci om ne ang?

ZEKHARIAH 14:9

Cun kawn ah Bawipa cu khomdek khan avan ung ghangpughang ah kya lawk khai; chang päng naw Khanpughi ah kyak ci, cine khawihnah khai gui, acun ah ming cu hmat khai gui.

ISAIAH 40:5

Bawipa ah bäimang nak cu m’than lawk khai, hnicim chang avan naw hmuk khai. Shin cu Bawipa amät ah shaitak ah kyak ci nei.”

ISAIAH 24:16

Khomdek khan ak shou nak pi ung om ciah mikmi gui naw ng’düng ciah pakhui Israel gui m’tam nak ah ng’äi cu mi ng’yak khai gui nei. Cun ung phi kei ung ngaih u vai kä om ci! Kei cu a kholä nei! Kä bekhüt nak cu ka law pi ka law pi ci nei.

SAM 57:11

O Khanpughi, na dämduh nak khomik ung m’dang ä, Na bäimang nak m’dek khan ung be sä.

EPHESIAN 1:18

Kei naw ani ah ak dei cu nami m’lung awn nami hmuh vai ah ka ning k’thäh pe gui ci, cun ah kyasei, a i nami ngaih u vai ah a ning khü gui ah mawng, ak chang gui-am a peit ah shaitaak cu a i hlawk ah cäicat vai ah abä nak ah mawng,

HABAKKUK 2:14

Cun ung phi tuinu ung tui abe ah mäih ah khomdek cu Bawipa ah bämang nak ah hmuhmat nak awn be khai.

SAM 90:16

Bä ciah na hnün thawh nak cu na changshäm gui am na hmuh sak gui ne, chün ciah na m’gäi nak cu kami hta ng’shon am hmuh sak gui ä.

SAM 97:6

Khankho gui naw ang düng nak cu ng’shäu ci gui, changpakhui avan naw abäimang nak cu hmuk ci gui.

SAM 99:3

Chang avan naw dämduh ne hlüngtai ciah aming cu m’taam khai nei. Ani cu theingcim ci nei!

ISAIAH 54:5

Nang ning tüisho ci naw na cei ah mäih ah ning m’htei khai nei Aming cu m’gäi ciah Bawipa ah kyak ci nei. Theingcim ciah Israel Khanpughi naw ning hun khai. Ani cu khomdek uk ciah kyak ci.

EZEKIEL 43:2

acun ung Israel Khanpughi ah dei ne ng’shü ciah akhang cu ak kyang täng ah ka law sei kei naw ka hmuk ci. Khanpughi ah ak’aw cu tuinu ah ng’güt ah mäih ah ng’hmum ci, khomdek khan cu dei ne khang ci.

EZEKIEL 44:4

Cun kawn ah cun ah chang naw, a siiptäng m’kawt ungka naw Taigüim düma ah na hteh püi ci. Kei naw teng neta, Bawipa ah Taigüim cu, amät ah bämang nak ah akdei awn be sei ka hmuk ci. Kei cu m’dek ung ka hmai gawk khai ah ka ng’bawk ci,

SAM 8:2

Cun cu hmawhta la nausen naw a m’cu ah kyak ci. Nang cu ga avan ah kut ung ka ning hun ne, ning phyawn ci nei, Ning tuk püi ci phung nang bäng naw düm ah na om sak hning ci.

SAM 66:2

A bämang nak ah aming ung ng’äi m’cu vä; bäkhäk ciah m’tam nak pe vä!

SAM 99:9

Bawipa mi Khanpughi cu m’taam vä, Theingcim ciah khomhtung ung khawihnah vä! Bawipa mi Khanpughi cu Theingcim ci nei.