ISAIAH 6:2 - Cho Bible Common Language 2016

² Ani veing ne mei ah däi ciah khawchang gui ng’düi ci gui. Tumat naw cuk ci ng’phai nak ci gui. Ang phia hnih naw a hmai uk ci, ahei ang phia hnih naw apum uk ci, a hei ang phia hnih cu a zon nak ah kyak ci.

ISAIAH 6:2 Referans Kwoze

THU PHLAAN 4:8

Cun ah khiküi paphli cu, ami ng’phia pachuk ci lawk ci, ami pum akpung akyong avan ung mik bäng ah kyak ci. Amü ak hnüüp ngami cu kä ng’düm phung ne ng’äi m’cu u ne; “Aktheing, aktheing, aktheing cu Bawipa nei, Hlüngtai pi säih ne, Zanta, tuhngawi, ngawi yä angtäi ghing ciah Khanpughi nei,” ci ne m’kümtou ci gui.

EZEKIEL 1:11

Khiküi tumat naw ami ng’phia m’dawng gui ng’tawn tuk khai ah, ami ng’phia hnik ci k’phiat ci gui. Ahei ami phia hnih ci naw ami pum hnu nak khai ah khes ci gui.

SAM 104:4

Nang naw khokhi cu na ng’shä tüih ah mang ne, lailäp khodei cu na changshäm nak ci.

SAM 103:20

Bawipa cu m’taam vä, nangmi khüighat ne m’gäi ciah khanchang gui, a thumkhän nami läk ci, a pyen phung nami ngai ci nei.

ISAIAH 6:6

Cun kawn ah khanchang tumat cu kei ah zong law ne, sonkiang ung ka viciaa meicak cu k’ceh awn k’ceep ne zan lawk ci.

SAM 18:10

Ani cu Cherubim ng’cum ne zong ne; Khokhi ah ng’phya khan ah hteihton ci.

1 GHANGPUGHANG GUI 6:24

Cun goi cu ani pum la ani müi täng ci. Tumat ung ang phia hnih ci om ci, ang phia vang cu dawng hma ci lawk ci, cun ah hnih ci om ci, ang phia vang mawng ungka naw vang mawng ah khüt ciah dawng gha lawk ci.

THU PHLAAN 14:6

Cun kawn ah khankho ah khankho chang tumat cu yong shüi shüi sei ka hmuk ci. Ani naw mdek ah khan a khaw päng ungka a hlü hlü ah ng’thu ciah khui päng pa päng-am m’thein vai ah ang täi ah om ciah Thu Ni cu law püi ci.

THU PHLAAN 8:13

Cun kawn ah kei naw han teng netah, khankho k’häu ung yong ne ng’väi ciah vanbuuk hmu cu ka hmuk ci. Cun ah hmu naw, “A hei khankho chang pathum naw ami tum law vai ah phyungheng thum ah k’aw awn khomdek khan ah om ciah ak ghing gui cu, kyihkyawk nak, kyihkyawk nak, kyihkyawk nak om khai nei” cine pyein sei ka ng’yak ci.

THU PHLAAN 7:11

Khankho chang gui ami van naw, mangkiaang ni, aghaampa gui ni, khiküi paphli ni gui cu, ‘Kium na ne ng’düi ci gui. Cun kawn ah ngami cu mangkiaang ah maa ah kawp u ne, Khanpughi cu khawihnah u netah,

DANIEL 7:10

Acun ungka mei cu tuii ah long lawk ci. Acun ung chang phia khak naw a bii bik ci gui, chang tämkäp phya khak cu a ma ah ng’düi ci gui. Ng’thu m’cha nak bi lawk khai gui ah kya sei, ca uk gui cu m’auh ne tha ci gui.

EZEKIEL 10:21

Tumat ci ung hmai phli ang phia phli, ang phia päng ah ka ung Chang ah kut ah mäih tumat ci om ci.

EZEKIEL 1:24

Ami zon ung ami ng’phia ami khäp ah k’aw cu ka ng’yak ci; cunah k’aw cu tuinu ah gaai ah mäih, gakap maknu ah k’aw ah mäih, m’gäi ciah khanpughi ah k’aw ah mäih ah kyak ci. Ami zon ami ng’düm ung, ami ng’phia chum ba ci gui,

EZEKIEL 1:9

Khi küi päng naw ami ng’phia hnih ci k’phiat u ne, ami ng’phia m’dawng tips gui ng’tawn tu sei khi küi gui cu ng’veing sei om ci gui. Ami hnün law ung ami pum gui kä m’hlah en ah ang bum ah hnün ci gui.

EZEKIEL 1:6

Cun gui cu ami hmai phli la ami ng’phia phli ci lawk ci.

JOB 15:15

A i ah kyasei Khanpughi naw amät ah khankho chang gui phi kä a ngaih gep gui ang; Ngami cu ani täng ah kä ami theingcim pang ung phi.

JOB 1:6

Khanchang gui Bawipa ah ma ah ami law vai ah akhin a gawk law yah ung, Satan phi ami ng’lung ah law tuk ci.

1 GHANGPUGHANG GUI 22:19

Makaiah naw hteit neta, “Tuhbäi Bawipa naw a i a pyen cu ngai ä! Bawipa cu khankho amang kiang ung ngo sei, a khanchang gui ami van a pei ah ng’düi u sei ka hmuk ci.

1 GHANGPUGHANG GUI 8:7

Cun gui ah ami k’phiäih ah ami ng’phia gui naw m’küm la kawh nak gui cu küm ci.

1 GHANGPUGHANG GUI 6:27

Cun goi cu Atheingcim Pikbäih Hmun ung tän ne hmoh ci gui, cun ah kya ne akhan ah ang lung ung ani ng’phia mawng goi cu ng’tawn tuk ci, vangtäng ng’phia mawng goi naw k’pang gui tawn ci.

PHYAWN NAK 37:9

Cherubim ang phia mah goi cu m’küm ah khan ah ng’man tuk ci goi, ani ng’phia cu avan ung be ci.

PHYAWN NAK 25:20

Cun ah cherubim goi cu a khüm ah khan ng’man tuk khai goi, kyuu ciah ani ng’phia naw avan küm khai.

SAM 89:7

Theingcim ci gui ah kongsi ung nang cu kyih aa vai ah na kyak ci, ngami ami van ah ka ah ng’düi ci gui.

JOB 4:18

Khanpughi naw a khanchangshäm gui phi kä ngaih gep gui ci; a khankhochang gui phi ani naw ami katnak hmu gui ci.

1 GHANGPUGHANG GUI 19:13

Elijah naw cun cu ng’ya neta, a suinu awn a hmai shung ne, lungkhui valuh nak ung hteit ne ng’düi ci. Ng’thu k’aw naw a pyen nak cu, “Elijah, shin ung a i ang na bi?”

PHYAWN NAK 3:6

Kei cu na pupa gui ah na Khanpughi, Abraham, Isaak la Jakob ni ah na Khanpughi nei” cik ci. Moses cu Khanpughi a hmuh vai ah kyi neta a hmai k’bawm ci.

ATÜNNAK 17:3

Abram cu a hmai m’kyum ne kawp khätah Khanpughi naw,

HEBRU 1:7

Cun ung phi khanchang gui ah mawng a pyein nak ung, “Khanpughi naw ak khanchang gui cu, khokhi ah pyang gui ne, ak changshäm gui cu meidäi ah pyang gui ci,” ci ne pyein ci.

LUKA 1:10

Ani naw kyong ah vawihpeh vai m’khih ne ak phyuh theh yah ung chang gui akpung ah taigü ci gui.

ZEKHARIAH 3:4

Khanchang naw acun ung om tuk ciah a chang gui am, “Shin ah chang ah suishe cu suut ne ghawt vä” ci neta, Joshua am, “Na katnak ka ning ghawh pe pyi ci, na sui vai sui akthai ka ning pek khai” cik ci.

DANIEL 9:21

Kei ka taigü sangung muimang ung kei naw ka hmuh te ah Kabriela cu kei ka om nak ah yong ne lawk ci. Cun cu douthak vai ah mühun täng khawihnah nak ah a khin ah kyak ci.

EZEKIEL 10:16

ami hnün law ung, ping gui phi hnün tuk ci gui. Ngami cu ami ng’phia k’phiat ne ami zon law ung phi ping gui cu awn ah hteit tuk ci gui.

EZEKIEL 1:4

Kei naw hang mang neta a siiptäng ah ka puikho khi law sei ka hmuk ci. Khongmei akdäm ungka kho lai läp ne ng’shü law sei khomik cu ng’veing ne khosing thek ci. Kho laitäp ne adei nak ung kyei ah mäih lawk cicu ng’shü ci,

NEHEMIAH 9:6

Cun kawn ah Israel chang gui cu shin ah taigü ci gui: Nang, Bawipa, nang bäng nei Bawipa; Nang naw khomik ung khankho la aisi gui cu na pyang ci. Nang naw khonglei, tuinu la acun ung om ci nü cu na pyang ci: Nang naw avan am ghin nak na pek ci. Khankho huham nak gui naw kawp ne ning khawihnah ci gui.