ISAIAH 6:13 - Cho Bible Common Language 2016

¹³ Shin ah khaw ung chang gha ung ka tumat akpawih ba ung phi, ani cu m’di vai; ani cu chuk pyi ah oak sing ghing ah ak hmui ah mäih ah kyak khai.” (Sing hmui cicu khanpughi ah chang gui ami ng’tün nak ba thai ah kyak ci.)

ISAIAH 6:13 Referans Kwoze

ATÜNNAK 22:18

Kei ah ka ng’thu cu na ngaih ah hmawk ah khaw ah kaa ung chang pakhui avan naw, nang ah htangshon awn hriham gah khai gui” cik ci.

EZRA 9:2

Jew chang gui cu akhohei chang hnumi gui awn ng’chungla ci gui. Cun ah kya ne Khanpughi ah theingcim ciah a chang gui cu sheka lawk ci gui. Ang vai gui la bawi gui cu khawngmang ciah ng’vaipi ah kyak ci gui.

MAKUH 13:20

Khanpughi naw cun ah akhin cu kä a tawi sak ah a kyak läi ung a u naw sih nak cu kä phiawn ah hlawt khai nei. Cun ung phi, Khanpughi naw aghü pyi ah chang gui ah hmawk ah cun ah khin cu tawi sak khai nei.

MALAKHI 2:15

Ani awn pum ät, mümcha ät ah Khanpughi naw ning tüi pyang ciah kä kya ne ang? Shin ung Khanpughi ah ng’bü nak cu a i ang? Cun cu Khanpughi ah chang akcang ah kyak ciah nami hta nau vai ah hmawk ah kyak ci. Cun ah kyasei nangmi ungka a u naw phi a chu ah khan ah a shaitak kä am shet en vai ah nami bi vai nei.

ISAIAH 1:9

M’gäi ciah Bawipa naw chang amshah kä ak pawih nak vai sü ung, Sodom la komorrah ah mäih ah Jerusalem cu avan ah m’di khai süte.

ROMAN 9:5

Ngah mi cu mingthang ciah Hebru hta ng’shon ah kyak ci gui. Bawi khrit cun phi hnicim chang pumsa ung ngah mi ah pakhui ah kyak ci. Ang tüi avan uk ciah Ka Khanpughi cu angtäi sei hlüngtai nak om sä! Amen.

ISAIAH 4:3

Jerusalem ung ghing ne on ba ciah chang nü. Khanpughi naw k’pawih khai ah a ghü gui cu theingüim ciah khü gui khai gui.

MATTHE 24:22

Khanpughi naw cun ah khin cu kä a tawi sak ah a kyak ung a u phi ghing ne kä om ba hlawt khai. Cun ung phi Khanpughi naw a ghü ah chang gui ah hmawk ah cun ah a khin mü hnüüp cu tawi sak khai nei.

THULÄÄN NAK 7:6

Shin ah nami bi vai cu a i ah kyasei ci ung, Bawipa nami Khanpughi naw ning khäm gui ci. Khomdek chang avan ungka, nangmi cu a mät ah chang aktung ah ning ghü gui ci.

ISAIAH 11:1

David ah uknak cu chuk pit ah sing ghing ah mäih ah kyak ci; cun ung phi sing hmui lim ne akthai ah a toi law ba ah mäih ah, David ah hta ng’shon ung ka, ghangpughang akthai tho law bakhai.

EZEKIEL 6:8

“Kei naw amshah cu ami ngawn nak gui ungka naw ka luat sak gui khai, pakhui gui ah ng’lung ah ka püi sak gui khai,

AMOS 5:3

Uktu Bawipa naw, “Israel mang gaw tumat naw gakap phya gha tüi sei, phya bäng ng’hlat law ba ci, ahei mang gaw naw phya tüi sei gha bäng hlat law ba ci.”

ZEKHARIAH 13:8

Khaw avan ung chang gui bum thum ungka bum goi cu si yawp khai gui.

THULÄÄN NAK 28:62

Nangmi cu khankhomik ung aisi chü ah nami da law pang ung phi, api vah nami pawih ba khai. A i ah kyasei ci ung nangmi naw Bawipa nami Khanpughi cu kä nami läk ci.

EZRA 9:8

Tuhbäi akhin aktawi ung, O Bawipa, Kami Khnapughi, nang cu keimi ah khan ah na bä ci nei. Keimi amshah cu khlei htein ungka na nak phyawn sak gui ci. Shin ah theingcim ciah hmun ung phyawng ne na na om sak gui ci. Nang naw khleihtein ungka nak phyawn gui ne, ghin nak ak thai na na pe gui ci.

MIKHAH 5:6

Ami thagui thamah nak awn Assiria Nimrod khaw cu näng khai gui. Assirian gui naw kami khawpäng ami tuk law ung ngami naw na hun gui khai gui.

ZEPHANIAH 3:12

A m’lung gei sei, am lung neim ciah chang gui cu a cu ah ka pawih na gui khai, ngami cu ka m’htei gui vai ah kei ah lawk khai gui.