ISAIAH 6:11 - Cho Bible Common Language 2016

¹¹ Kei naw, “Bawipa shin ah mäih cu ai güt lüng khai ang?” cine ka ng’shik ci. Ani naw, “Shin gui cu mang gaw gui di ne a maih güt-im gui a u kä a om ba güt-khaw ung chang kä a om ba güt ah kyak khai.

ISAIAH 6:11 Referans Kwoze

ISAIAH 1:7

Nami khawpäng cu m’dimshum u ne, nami mang gaw gui cu m’dek ah khüt khai ah m’khih ci gui nei. Nami hmuh ge aha akhaw hei Chang gui naw nami khaw la u ne, avan hteh püi ne m’di ci gui nei.

SAM 94:3

Changshe gui cu a i güt yeikyai khai gui ang? A i güt ang, Bawipa?

ISAIAH 3:26

Mang gaw m’kawt gui cu kyap ne ng’pyang khai gui, mang gaw amät cun phi m’dek ung akplui ah ngok ciah hnumi ah mäih ah kyak khai.

SAM 90:13

Kho a i khäta na m’lungshe nak cu ng’pyi khai ang? O Bawipa, na changshäm gui cu na m’gein gui ä!

TAIGÜTHUM 26:31

Nami mang gaw gui cu di nak ung ka ng’hlah sak khai, nami khawihnah nak ah hmun gui cu ka m’di khai, nami khawihnah nak gui cu kä dou ne ka mak khai.

SAM 79:5

Bawipa, keimi ah khan ah na m’lungshe lä khai ma? Na m’lungshe nak naw mei ah mäih ah na ui gui lä khai ma?

SAM 74:10

O Khanpughi, kami ga gui naw a i güt ning gaih m’gin khai gui ang? Ngami naw na ming cu päipih lä khai gui ma?

ISAIAH 3:8

Ä, Jerusalem cu mü ne hmüp ci nei! Judah cu kyu pyi ci nei! Ami pyen nü la ami bi nü naw Bawipa hnu ng’tuk püi ci nei; ngami naw Khanpughi amät cu m’lepse nak ci gui.

ISAIAH 5:9

M’gäi ciah Bawipa ah thu pyen cu kei naw ka ng’yak ci, “Shin ah im m’kawm im k’ni gui avan cu ghawng ne di khai.

ISAIAH 13:12

K’pawih ci gui cu ghui ah ta ng’geing pi khai gui.

ISAIAH 32:14

Mang im phi kei ne, mangkho leigaw phi apum ah shiu khai nei lm gui la k’pang gui ami ngäng gui cu ang’täi sei di maih khai nei Hwn cu k’pya ng’se gui naw lum na u ne, htome gui ah khu ei nak ah kyak khai nei.

ISAIAH 35:1

Khaw ng’kiang khaw cu yeikyai khai, Bung puk ah cheipai gui pai khai.

ISAIAH 60:15

Nang cu nawng ne ami thüi nak, chang ah kä om nak, shiu ciah mang gaw ah kä na kya ba khai. Kei naw nang cu dämduh ne kyom khai ah ka ning pyang khai, khonglän ung yeikyai nak ah hmun ah na kyak khai.

ISAIAH 64:10

Nang ah theingthap ciah mang gaw gui cu ng’kiang k’de ah mäih ah kyak ci; Jerusalem cu dishum ne shiu ci,

JEREMIAH 4:7

Ang thuh nak ah hmun ung ka lut lawk ciah phong kawng ah mäih ah, pakhui gui m’di khai cu lut lawk ci nei. Judah mang gaw gui cu dishum sei nawng vai nei, acun ung a u phi kä om ba khai nei.

JEREMIAH 22:6

“Kei ah phäh ah Judah mang im cu Kilead khaw la Lebanon m’htung ah mäih ah kyom ci nei; cun ung phi cun cu a u naw kä aom nak ah kyak khai ah kakei sak khai nei.

JEREMIAH 44:2

M’güi ciah Bawipa, Israel khanpughi naw pyen ci, “Jerusalem la Judah khaw ahei mang gaw gui avan ah khan ah kei naw dishum nak ka law püi cu nangmi nami mät naw nami hmuk ci nei. Tuh güt cun gui cu di ci, a cun ung a u phi kä om ci,

JEREMIAH 52:27

Hamath khopäng ah hteh püi gui ci. Acu ah ghangpughang naw m’ghuih gui neta sih nak pe gui ci. Cun ah kyasei Judah chang gui ami khaw ung ka naw omktu khaw ah ami hteh püi gu ah kyak ci.

EZEKIEL 6:6

Israel mang gaw gui avan cu m’di khai gui, cun ah kyasei ami mangkiang gui la a gup gui avan cu akhui ah ng’piäh khai, ami angui-sonkiang gui cu geep yawp ne, ngami naw ami pyan gui phung cu kä om ba khai.

DANIEL 8:13

Cun kawn ah khanchang tumat naw ahei tumat ng’shi sei ka ng’yak ci, “Muimang ung hmuh ah shin ah mawng gui cu a i güt shou khai ang? Shin ah kyih vai ah katnak cu a i güt a hnüüptä khawihnah nak ah hnün ung om khai ang? A i güt khankho gakap gui la Taigüim cu kai nak khai gui ang?”

MIKHAH 2:4

Cun ah khin a gawk law ung chang gui naw nangmi ah mawng cu di nak ah mang khai gui. Ngami naw nang ah bui awt ah mawng shin ah ng’äi m’cu khai gui; Keimi cu kami di yawp ci nei! Kami khaw phi Bawipa naw la ne tuh ne na näng gui ci gui am pe gui ci nei.”

MIKHAH 5:11

Na khaw ungka na mang gaw gui ka m’di khai, na ng’vong khaam avan ka m’shet khai.

MIKHAH 6:13

Nami cheishoh ah hmawk ah nami shet nak vai la nami di nak vai cu kei naw ka tün pyi ci.

TAIGÜTHUM 26:33

Kei naw nami khan ah ng’tuk nak law püi ne, a khawhei yung ah ka ning püi sak gui khai. Nami khonglei cu ng’gau khai, nami mang gaw gui cu dishum khai.

THULÄÄN NAK 28:62

Nangmi cu khankhomik ung aisi chü ah nami da law pang ung phi, api vah nami pawih ba khai. A i ah kyasei ci ung nangmi naw Bawipa nami Khanpughi cu kä nami läk ci.

THULÄÄN NAK 28:63

Bawipa naw nangmi cu nami bühmang vai ah ning pyang gui ne, nami da vai ah ning pyang gui ne a yeikyai ah mäih ah nangmi ning m’di gui ne nami khan ah dishum nak vai law püi ne, yeikyai khai. Nami khäm vai ah khaw ungka ka ning mawi ba gui khai.

MIKHAH 7:13

Cun ung phi khomdek khan cu om ciah chang gui ah shetkat ah hmawk ah khaw ng’gau khaw ah kyak khai.