ISAIAH 6:10 - Cho Bible Common Language 2016

¹⁰ Cun kawn ah ani naw kei am, “Shinah chang gui ah ami m’lung cu awng sak gui ne, amik hnga pang sak gui ne, ami mik m’dauh sak gui ä, cun ung ngami naw a i kä hmu ne, a i kä ng’ya ne, a i kä hmat ne kyak khai gui. Ami hmuh ng’yak ah a kyak ung kei ah ng’hlat law u ne, teek gai khai gui.”

ISAIAH 6:10 Referans Kwoze

MATTHE 13:15

A i ah kyasei ci ung, ami m’lung cu ang ne, amik hnga cu pang ne, ami mik cu m’shing ciah kyak ci. Ami mik m’dei ne ami hnga ng’lang sei, ami m’lung kyong awn hmuhmat u ne ami kyak vai sü ung, Kei lam ah ng’hlat law u ne, na yi hnei u sei, Kei naw phi kam gein gui khai süte,” cine Khanpughi naw pyein ci ciah kyak ci.

LAMKTU 28:27

A i ah kyasei ci ung, shin ah chang gui ah m’lung cu aang ci, ami k’hnga cu pang ci, ami mik cu m’shing ci. Cun ah kä kya ne, akcang ah; ami mik cu m’dei ne, ami hnga cu ng’lang ne, ami m’lung cun naw hmuhmat ne, a kyak vai sü ung, kei ah ng’hlat law yawp u sei, Kei naw phi ngami cu ka gai sak gui khai,’ ci ne khanpughi naw pyein ci” ci ne m’thein gui ci.

JEREMIAH 5:21

Ngai vä, gu ang she khak ciah chang gui, nami mik on sei kä nami hmu hning ci, nami hnga om sei kä nami ng’ya hning ci.

JEREMIAH 6:10

Kei naw ka m’shang ci, “Kei naw ngami ng’thu püi gui ne, ka m’cäi gui ah a kyak ung a u naw kei na ngai khai ang? Ngami cu m’lung liing u ne nang ah thu ngaih vai ha mak cu gui nei; kei naw ka pyen vai ah na na m’thein cu ngami naw gaih tuk ci gui nei.

ZEKHARIAH 7:11

“Cun ung phi ka chang gui naw ma ne ng’thu kä ngai ci gui, ngami naw ami m’lung khai ci gui.

ISAIAH 63:17

A i ah kyasei na lam ungka naw lam na na plei sak gui ang? A i ah kyasei nang ung ka a hei ah kami ng’hlat khai ah kami m’lung na na liu sak gui aih ang? Nang ah bi bik ci gui na ngaih nak pek gui awn, angtäi sei nang ah chang ah kyak ci gui, na ngaih nak pe gui awn, law ba ä.

ISAIAH 29:10

Bawipa naw nami ngam khai ah ning ci gui ci nei, nami ip hniim law ge khai nei. Prophet gui cu chang gui ah mik ah kya khin te ci gui, cun ung phi khanpughi naw ami mik m’shin sak gui ci nei.

THULÄÄN NAK 2:30

Cun ung phi ghangpughang Sihon naw a khaw kä kaan tu sak gui ci. Bawipa nami Khanpughi naw liing sak ci, hnungtuk sak ci, cun ah kyasei ani cu hniim u ne, a khopäng kami lak ci, cun cu keimi naw kami khäm khai.

SAM 17:10

Ngami ung chimgein nak kä om sei, m’gäi ne ng’thu ci gui.

THULÄÄN NAK 32:15

“Bawipa ah chang gui cu bühmang lawk ci gui, Cun ung phi kütnet ci gui. Ngami cu ei akni awn thau ne plan ci gui, Ngami naw Khanpughi tüisho gui cicu nawng ci M’gäi ciah ami Hunbawi cu hnungtuk püi ci gui.

SAM 119:70

Shin ah chang gui ung hmuhmat nak kä om ci, cun ung phi na thukhän ung lünlawi nak ka hmuk ci.

PHYAWN NAK 14:17

Kei naw Egypt chang gui cu akcang ah ka ling sak gui khai, ngami naw ning läk law gui khai gui. Ghangpughang, a gakap gui, yatha gui la ng’cum ci gui ah khan ah ka näng nak awn m’taam nak ka gah khai nei.

PHYAWN NAK 11:10

Moses la Aaron naw shin ah cäi aih vai gui avan cu ghangpughang ah ma ah m’dang ci goi. Cun ung phi Bawipa naw ghangpughang cu ling sak sei, ani naw Israel gui cu a khaw ungka naw kä hteh sak gui ci.

PHYAWN NAK 10:27

Bawipa naw ghangpughang cu ling sak sei, ani naw kä hteh sak gui ci.

2 KORIN 2:16

Chükmaih ci gui ah phäh ah cun ah ng’ui cu, sih nak ah kya ne, hun nak gah ci gui ah phäh ah cun cu ghin nak ah kyak ci. Cun ah kyasei cun ah mäih cu a u awn khinkha khai ang?

LAMKTU 3:19

Cun ah kiah seih ng’yu ba u neh Khanpughi ah ng’hlat law vä, nami katnak ning m’gein gui khai.

ISAIAH 19:22

Bawipa naw Egypt gui cu m’kyuk gui kahi, cun ung phi gai sak ba gui khai. Ngami cu ani ng’hlat lawk khai gui, ani naw taigü cu ng’yak pe gui hlat lawk khai.

PHYAWN NAK 7:3

Cun ung phi ghangpughang cu kei naw ka ling sak khai, ani naw kä ning ngai khai, Egypt khaw ah kyihkyawk vai a i chü ka bi ung phi ani naw a i ah kä ngai khai. Cun kawn ah nuipai ciah m’kyuk nak cu Egypt ah khan ah law püi ne, ka changpakhui gui cu cun ah khaw ungka ka hteh püi ba gui khai.

JOHAN 12:40

“Khanpughi naw ami mik m’dauh sak gui ne ami m’lung khai pe gui ci nei, Cun ah kyasei, ami mik naw a i kä hmuk ci, ami m’lung naw a i kä hmat ci nei, Kei naw ka gai sak gui vai ah Kei ah om nak ah a u phi kä law ba ci nei, cine Khanpughi naw pyein ci” ciah guk ci.

THULÄÄN NAK 29:4

Cun ung phi avan nami bui awt gui cu tuhngawi güt ani naw nangmi am kä ning hmuh sak gui ci.

THULÄÄN NAK 31:20

Ami pupa gui ung shai ka tak ah mäih ah kei naw ngami cu ng’büh mang ne ang lei nik ciah khaw ung ka hteh püi gui khai. A cu ah ngami naw ami ng’zak hlü ah ei avan gah khai gui, ngami cu kyäp nep sei om khai gui. Cun ung phi ngami cu a hei ah ng’hlat ne a hei khanpughi gui khawihnah khai gui. Ngami naw kei cu na hnu ng’tuk püi u ne, ka thumkhän cu m’shet khai gui.

SAM 69:23

Ami mik mü sak gui ne, ami khei duut sak gui ä!

ISAIAH 29:14

Cun ah kyasei kei naw kä ngaih-tüh ah tumat kawn ah tumat ka cat sak gui khai. Cüivai ciah chang gui cu chang anglaam ah ng’lat khai gui, ami lunglang nak avan cu akholä ah kyak khai.”

ISAIAH 44:18

Cun ah chang gui cu aang aih u ne a i ami bi cu kä hmat ci gui. Düng nak kä ami hmuh vai ah ami mik m’shing ne, ami m’lung khai ci gui.

JEREMIAH 17:9

“Hnicim chang ah m’lung ngaih cu a u naw hmat hning khai aw? Cun cu thuvi theileh aih ci nei. Chang ah m’lung hnga ung m’tui ne kä m’khüt vai ah natnak om ci.

NG’ÄI KYAH 3:65

Plahtam gui ne ngaih kaa nak awn k’be gui ä.

ZEKHARIAH 11:15

Cun kawn ah Bawipa naw kei am, “Htomeshäm akshe aw, hnün tho ba ä, tuhbäi ng’cheng kä na gah khai.”

THULÄÄN NAK 29:3

Nangmi naw Bawipa naw abi gui cu nami hmuk khai. Kyih she ciah leigai gui, cäi aih vai gui, la dämduh ciah cäicat vai gui,

NG'THU K'THUUK~ 16:30

Amik muh ne am nei k’pai cicu nami geing nak vai, ngami cu akshe ngaih tuh kheng geng ci gui.

THUSHÄUTU 3:3

Ngawn nak ah khin om ne, gaisak nak ah khin om ci; phyet nak ah khin om ne, cawh nak ah khin om ci;

ISAIAH 28:13

Cun ah kyasei Bawipa naw ca ng’lung päng, ca kiawngpäng, amawng päng a ning m’thei thang gui ah kyak ci nei. Cun ah kyasei nangmi cu nami m’khan päng ung nami ng’täng khai nei. Nangmi cu nami leim khai, cun ung nami awk khai, thawng ung nami kium khai nei.

ISAIAH 29:9

Anglaam ne om vä! Nami mik m’dauh sei om vä! Zu kä awk en ah awktat vä! M’hteei ät phi kä aw ne ng’täng shüi shüi vä!