ISAIAH 59:9 - Cho Bible Common Language 2016

⁹ Chang gui naw pyen ci gui, “Na shedam na gui ciah kut ung ka, a i ah kyasei khanpughi naw kä ana hun gui ci cu, tuhbäi mikmi naw mi hmat ci. Mi hteh nak vai ah akdei cu mi ngaih u ci, cun ung phi, hmüp khui ah kyak ci,

ISAIAH 59:9 Referans Kwoze

ISAIAH 5:30

Cun ah hnüüp a gawk law ung, ngami cu Israel ah khan ah tuinu ah ng’güüt hlawk ah m’lau khai gui. Shinah khaw cu teng vä! Mü hmüp la geinvai nak ah kya ci! Akdei cu mü hmüp naw m’zaw ci nei.

JOB 30:26

Kei naw yeikyai nak la akdei cu ka ngaih u ci, Cun ung phi khüikha nak la a hmüp cu kei ung gawk lawk ci nei.

1 THESSALONIAN 5:3

“Chang gui naw a päng avan cu ding gei ne, om phyak ci nei,” ci ne pyein khai gui. Cun yah ung käü-mah ciah hnumi cu ang ghit ah anau poi am neh law ah mäih ah geinvai nak cu ang hgit ah gawk lawk khai nei. Cun cu chang gui naw kä phiawn ah hlawt khai gui.

HABAKKUK 1:13

Shin ah changshe gui, kä bekhüt ci gui, a i ah kyasei na ng’düih püi gui ang? Na mik cu theing ciim ci, akshe kä na teng hlük ci, cheishoh nak bik ciah chang täng ah kä na ng’düi ci, Ngami naw ami mät ah mä yum pi ciah chang ami m’di yah ung, a i ah kyasei adüm ah na om ang?

MIKHAH 1:12

Maroth chang gui phi phiawng hlü ne ngäng ci gui. Cun ung phi Bawipa naw di nak cu law püi sei, Jerusalem ung gawk law pyi ci nei.

JEREMIAH 14:19

Bawipa, Judah cu akbe ah na hnungtuk püi ne ma? Zion chang gui cu na thüi na gui ne ma? Keimi kä kami gai ba hlawt khai ah a i ah kyasei akshe ah na na nat sak gui ang? Keimi naw dimdeeih nak kami shui ci, cun ung phi akni kä kya lawk ci; Keimi naw gai gawng vai kami ngaih u ci, cun ung phi kyih vai düt gawk lawk ci.

JEREMIAH 8:15

Mikmi naw dimdeeih nak vai la gai nak vai cu mi ngaih u ci, cun ung phi akholä ah kyak ci; cun ah vaisü ung kyihkyawk vai gawk lawk ci.

SAM 82:5

“Nangmi cu a i hlawk ah nami awng, a i hlawk ah nami ang ci ang! Nangmi cu nami di yawp ci, Düng nak cu khomdek khan ung ng’kawn ne maih pyi ci.

NG'THU K'THUUK~ 4:19

Chang shekha gui ah hteh nak ah lam cu khawmü ah mäih ah hmüp ci. Ami ng’tän ung phi ami ng’vawn nak cu kä hmuk ci gui.

ISAIAH 8:21

Chang gui cu khaw ung ami m’lung thüi sei, ei cawi u ne ng’vaak khai gui. Ei ami cawi nak la ami m’lung ah shet nak awn, ami ghangpughang la ami khanpughi cu plah taam khai gui. Ngami naw khawmik cu k’dang khai guk.

ISAIAH 8:22

Ngami naw m’dek teng khai gui, cun ung phi a i kä hmuk khai gui, yaica nak la mü hmüp nak bäng ah kyak khai, kyih kyawk vai ah mü hmüpnak cu.

ISAIAH 59:8

nangmi ah om nak a u phi phiawn nak kä om ci. Namibi nü kä taga ci. Nangmi naw ng’koi ciah lam nami läk ci, cun ah lam ung hteit ciah chang phung cu phiawn nak kä om ci.

ISAIAH 59:11

Mikmi cu kyi kyawk ne mi ng’hlet ci. Cheishoh nak la shedam nak ung na hun gui khai ah khanpughi cu kami ging co ci, cun ung phi, a i phi i ah kä kya lawk ci nei.

ISAIAH 59:14

Taga nak cu k’täm pyi ah kyak ci, düng nak cu kä ng’et law hlant ci. Chang gui ah mawng ng’thumcha nak ung düng nak kä om ci changah lung ang düng nak kä om ci, ba nak cu a cun ah hmun ung kä hmuh nei.

JEREMIAH 13:16

Ani naw khaw hmüp nak kä a law püi pha ung, Ngami m’htung khan ah ng’vawn ne kä nami ng’tän phaung ani naw hmüp khui nu ah kyak khai ah kä a m’hlah pha ung, Bawipa nami Khanpughi cu m’tam khah vä.

NG’ÄI KYAH 3:2

Ani naw a hnüüp nak ah a thuuk law nak pi pi ung kei cu na yuk chah ci.

NG’ÄI KYAH 4:14

Ani ah ng’vai gui cu amik m’dauh gui ah mäih ah lam yung ah ng’vak shüi ci gui. Ngami cu si bäng ah kya u sei a u naw kä tawn gui ci.

AMOS 8:9

Hnüüp lung ung khohni hang kyak khai, k’awi nu ung khomdek mü khai ah ka bi nak vai ah akhin cu gawk lawk ci nei. Kei Uktu Bawipa naw ng’thu ka pyen nei.

JOB 19:8

Khanpughi naw lam cu a khai en ah kya sei, kei cu hteit ne kä ka gah ba ci nei. Bawipa naw kei ah lam cu hmüp sak ci nei.