ISAIAH 59:7 - Cho Bible Common Language 2016

⁷ Nungmi cu ang däih ah akshe bi vai ah nami pawng m’thein ci, acun cu akghat ah bi vai ah nami naing ci. Nangmi cu changui nagawn vai ah nami kut kä ng’gin ci. Nangmi nami hteh nak päng ah dishum nak bäng k’pawih shüt ci ci,

ISAIAH 59:7 Referans Kwoze

NG'THU K'THUUK~ 1:16

Ngami cu akshe bi vai ah kä ng’giin ci gui. Chang ngawn vai ah patyaang ci gui.

THU PHLAAN 17:6

Cun ah hnumi nu naw Khanpughi ah chang gui ah si la Bawipa Jesuh ung bekhüt u sei, ami ngawn gui ah chang gui ah si cu aw ne, awktat sei ka hmuk ci. Ani hmu netah kei cu ang htei ah cäi ne ka tu ci.

EZEKIEL 22:6

Israel angvai gui ami van naw ami mät ah thagui ngaih u u ne ngawn sik ci gui.

EZEKIEL 9:9

Khanpughi naw m’shang ci. “Israel la Judah chang gui cu katnak bi u ne ami katnak däm ci. Ngami cu khaw avan ung chang ngawn u ne, Jerusalem cu cheishoh nak awn be sak ci gui. Ngami naw, kei, Bawipa naw ami khaw cu nawng ne, kä ka hmu gui ciah pyen ci gui.

NG’ÄI KYAH 4:13

Cun ung phi cun cu kya tukcang ci, a i ah kyasei ci ung, ani ah prophet gui cu shekha u ne, ataigü gui cu cheishoh u ne, chang k’ni gui ah sih nak vai ah mawng ah kyak ci gui.

JEREMIAH 22:17

Cun ung phi namät ah phäh hta bäng cu nang naw na hmuk ci; Nang naw changnigui na ngawn ci, na chang gui phi m’ghämce ne nak shedam nak ci. Cun cu Bawipa ah Thu pyen nei.

ISAIAH 60:18

Kiawipang nak ah k’aw gui cu kä ng’yak ba vai nei; Nang ah khaw ung dishum nak phi kä om ba khai nei. Kei naw nang cu pigaw k’pang ah mäih ah ka ning shungvong khai. Nang naw na na m’hlüngtai khai a i ah kyasei ci ung kei naw ka ning hun ci.

ISAIAH 59:3

Nangmi cu nami hleei hlak nak, nami kiawi pang nak, nami ngawn pha nak awn nami cheishoh ciah kyak ci.

NG'THU K'THUUK~ 24:9

Bilawh nak phung ung akshe ah ngaih-tüh cu katnak ah kyak ci. Amät akholä vai nak cu na gah vai, cun ung ma lam ah khaw dei khai. Ah kya ne chang a i ah kä sui cicu chang gui naw thüi nak ci gui.

NG'THU K'THUUK~ 15:26

Bawipa naw m’lung ngaih akshe cu thui nak ci, cun ung phi teihpüii ng’thu cu yei nak ci.

MATTHE 2:16

Herod cu hmuhmat chang gui naw ami theileh nak hmat netah ang htei ah m’lungshe ci. Cun ah kyasei ngami ah m’thein tu ah aisi ang dang nak ah khin cu m’khin ba netah, Bethlehem gawnu la apei ung pigaw gui ung kaa, a khokum kum goi la kum goi ah k’hmaw ba ciah ak hmaw gui cu avan ngawn sak gui ci.

ISAIAH 15:5

Kei ah kamlung cu Moab ah phäh ah kyap ci nei! Chang gui cu Zoara gawnu la Eklath Shelishiyah ung gawk ne dawng ci gui. Amshah ui luhith lam ung kai ci gui, ami hteh yah pum kyap ci gui; amshah cu m’lau ne kyap ne, Hero naim ah phyawng ne gawk ci gui.

ISAIAH 32:6

Chang guktaak cu akguktaak ah ng’thu ne, akshe bäng bi vai ah ngaih-tüh ci. Ani abi abi la ang thu naw Bawipa cu ghetaap ci, ani naw ei cawi ci kä m’bei ci, tui gha ci gui am api phi ami awk vai kä pe gui ci.

ISAIAH 55:7

Chang omshe gui naw ami ghin om nak ah lam cu nawng u sä, ami ngaih-tüh nak cu m’thawng u sä. Ngami cu Bawipa, mi Khanpughi ah ma ah ng’hlah sak gui vä; ani cu chimgein ne, ang ghit ah m’geinsei ci nei.

ISAIAH 65:2

Ami mätah hteh nak hlü ung hteit ne, m’lung ling ne cheishoh ciah ka chang gui cu, kei naw angtäi sei dou gui ge vai ah ka om ci nei.

ISAIAH 66:4

Cun ah kyasei ngami ah khan ah kei naw leigai ka law püi khai-cun cu ngami naw ami kyih ah kyak khai — a i ah kyasei ci ung, kei naw khü ung a u kä äi ci, ka ng’thu a u naw kä ngai ci. Ngami ami van naw kä na ngai u ne, akshe bik ci gui.”

ISAIAH 66:18

Ngami ah m’lung ngaih, om ih cu kei naw ka hmat ci nei. Pakhui avan ung chang gui m’cut gui vai ah kei ka lawk ci nei. Ngami a täng ah ami gawk law ung kei ah huham naw a i a bi hning cu hmuk khai gui nei,

JEREMIAH 41:7

Ngami mang gaw kyong ah ami om yah ung Ishmaela la a chang gui naw ngawn gui u neta, ami pumsa cu tui shawk ung shum ci gui.

EZEKIEL 18:12

Ani naw dukhaih ci gui m’hleei gui ci, guttep cik, ami kyän ah khawh phi kaa nak ci. Ani cu khogam khawih kiang ah hteit ci, shemshai ciah a gup gui khawihnah ci,

MIKHAH 7:2

Khaw ung changnigui maih yawp ci gui, Khanpughi ung ng’düng ci a u kä om ci. Khaw päng ung chang ngawn vai däät ci gui, chang päng naw ami chang paw ga nak ci gui.