Biblia Todo Logo
Bib sou entènèt

- Piblisite -




ISAIAH 59:3 - Cho Bible Common Language 2016

3 Nangmi cu nami hleei hlak nak, nami kiawi pang nak, nami ngawn pha nak awn nami cheishoh ciah kyak ci.

Gade chapit la Kopi




ISAIAH 59:3
31 Referans Kwoze  

“Nangmi naw taigü nak ung nami kut nami shäng ung, Kei nan kä ka ning teng gui khai nei. A i Chü ah nangmi nami taigü ung phi kei naw kä ka ngai khai nei, a i ah kyasei ci ung nami kut cu si naw k’plüm ci nei.


Cun ah kyasei uktu Bawipa naw pyen na gui ci, “Nami ng’thu gui cu pyan ah kyak ci, name muimang gui cu hleei ah kyak ci. Kei naw ka ning hnung tuk gui ci nei.


Nami suisak gui cu dukhaih ci gui la changnigui ah si awn kawp ci nei, cun cu m’guk-ei gui ah si ah kä kyak ci nei. “Cun ung phi shin gui avan nak vai sü ung.”


Kei naw ka ning m’kyuk ci, cun ung phi cun cu kä nik ci; nami ng’düng vai ah kä nami n apian sak ci. Nget ciah phongkawng ah mäih ah nang naw na prophet gui cu na ngawn ci.


Bekhüt mante ciah mang gaw u chaung pletah mäih ah kyak ci nei! Chang düng gui ah be nak man ung tuhbäi Chang ngawn ci gui bäng ah kyak ci nei.


Khaw ung changnigui maih yawp ci gui, Khanpughi ung ng’düng ci a u kä om ci. Khaw päng ung chang ngawn vai däät ci gui, chang päng naw ami chang paw ga nak ci gui.


Bühmang ciah nami chang gui, chang pyaam lei ei ci gui, chang avan cu nami hleeihlak ci.


“Ngami cu ng’yiin ci gui. Kei cu na hteh ta u ne na hnungtuk püi ci gui. Ngami cu m’di gui vai. Kei naw ka hun gui hlük ci, cun ung phi ngami naw kei ami na khawihnah cu chei ci.


Ngami naw shaitak u ne, acun gui cu m’shet yawp ci gui, Ngami cu hleei ci gui, chang ngawn ci gui, m’guk ci gui, pletbeng ci gui, shetkat nak cu da law pi ne, chang ngawn law pi pi ci gui.


Cun ah kyasei — akcang ah kei cu uktu Bawipa, ghing ciah Khanpughi ah ka kyak ci — nang naw sih nak na ma nak khai, kä na phiawn na hlawt khai. Nang naw chang ngawn ne katnak na bik ci, chang ngawn nak naw ning läk lawk khai.


Khanpughi naw m’shang ci. “Israel la Judah chang gui cu katnak bi u ne ami katnak däm ci. Ngami cu khaw avan ung chang ngawn u ne, Jerusalem cu cheishoh nak awn be sak ci gui. Ngami naw, kei, Bawipa naw ami khaw cu nawng ne, kä ka hmu gui ciah pyen ci gui.


“A pang nü cu ng’gogan ci-kho avan cu chang ngawn ci gui awn be ci, mang gaw gui cu kiawi m’saa ci gui awn be ci.


“Teng vä! Hleeihlak ciah thu ung nami ngaih gep ci nei.


Cun cu m’si m’hling awn m’khih ah mäih ah ami m’lung ngaih sik ciah, hleeihlak ciah chang gui ah m’theithang ah kyak ci.


Cun kawn ah ani naw, “Kei naw katnak kä om ciah chang cu sih nak vai ah ap ne, katnak bäih ka bik ci nei,” cik ci. Cun ung phi nangmi naw, “Shin ah mawng ung keimi kä na nak phaa gui vai, na mät ah bi ah kyak ci,” ci nak ci gui.


Bawipa naw pyen ci, “Chang gui naw akshe ah om u ne ghangpughang la bawi gui cu m’hleei gui ci gui.


Ani naw pyen ci, “Hnicim chang, ngawn sih nak awn be ciah mang gaw cu ng’thumcha ge vai ah na om ne ang? Shemshai nak abi gui avan cu ani ung ng’htei khai ah bi ä.


Cun ung phi namät ah phäh hta bäng cu nang naw na hmuk ci; Nang naw changnigui na ngawn ci, na chang gui phi m’ghämce ne nak shedam nak ci. Cun cu Bawipa ah Thu pyen nei.


Ä, Jerusalem cu mü ne hmüp ci nei! Judah cu kyu pyi ci nei! Ami pyen nü la ami bi nü naw Bawipa hnu ng’tuk püi ci nei; ngami naw Khanpughi amät cu m’lepse nak ci gui.


Kei naw, “Kei ung ngaih u vai kä om ci nei! Ka khaw mü ci nei, a i ah kyasei ci ung, ka m’nei sun lawk ciah ng’thu nü cu katnak ah kyak ci nei, ang thu phung katnak ah kyak ciah chang gui ah ng’lung ah ka om ci nei. Cun ung phi ka mät ah mik awn, Ghangpughang, m’gäi ciah Bawipa cu ka hmu pyi ci nei!”


A ghi gui la m’tamkhah vai ah chang gui cu alu ah kyak ci gui — hleei hlak ne m’theithang ciah prophet gui cu ang mei ah kyak ci gui!


Nangmi cu sihnak awn ng’thu nami k’bäi ciah pyen ne, sihnak ah khaw awn nami yum ät ciah pyen ne, nami khähghah ci nei. Nangmi naw leigai a gawk law ung ning hlawi gui khai ah nami ngai ci, a i ah kyasei ci ung, nangmi cu nami hleei hlak lima nak awn phiawn vai ah nami ngai ci.


Ngami cu ang’täi sei khanpughi hnung’tuk püi ci gui, angtäi sei hleei ci gui, Bawipa ah m’theithang ngaih yak vai ah angtäi sei mak ci gui.


Ani ah bilawh cu m’vut ei ah mäih ah kyak ci. Ani ah anglam ciah ang ngaih-tüh nak naw lam hma sak ciah kyasei m’htei htang tu vai ah phi kä kyak ci nei. Ani naw a kut ung akawh ah agup cu khanpughi ah kä kyak cicu amät naw amät kä hmat ci.


Keimi naw kami ning hnung’tuk pui küknet püi ci nei, kami ning läk vai ah kami mak ci nei. Kei mi naw chang hei gui shedam na u ne, nang ung ka, a hei ah kami ng’hlat ci nei. Kami ngaih-tüh kä hman ci, kami ng’thu phi hleei ah kyak ci.


Bungpuk ah ka düm nak vai ah hmun ka ng’ya hlük ci, cu ah kei cu ka chang gui ungka ka hteit hning khai. Ngami ami van cu kä bekhüt ci gui, ng’gang ne shuk ci gui.


A shin ah kiasei m’gäi ciah Bawipa naw a pyen cu, “Kei naw ka chang gui cu m’si m’cim ah mäih ah ka m’cim gui khai, ka m’nüm gui khai. Kei ah ka chang gui naw akshe bik ci gui — Kei naw a i ka bi pe gui khai ang?


Bawipa ah nami ng’paa nak vai ah a khin gawk lawk ci, cun ung phi ani naw kä ning m’shang gui khai. Akshe nami bik ci kyasei nami taigü cu kä ngai khai.


Swiv nou:

Piblisite


Piblisite