ISAIAH 59:21 - Cho Bible Common Language 2016

²¹ Nangmi awn thum khän ka bik khai: kei naw ka huham la ka m’theithang gui cu khonglän ung nami ka vai ah ka ning pe gui ci, tuhbäi ung tün ne lawk ciah a khin avan ung, nangmi naw kei cu nami na läk vai, kei na ngai khai gui ah nami htanau gui la nami hta ng’shon gui nami m’thei thang gui vai.”

ISAIAH 59:21 Referans Kwoze

HEBRU 10:16

“Bawipa naw, Shin cu lawk ciah kho hnüüp ung ngami awn shaitaak nak ka bi vai kyak ci nei: Kang thukhän cu ami m’sin ung chum ne, Ami m’lung ung ca awn ka guk khai nei,” cine pyein ci.

ISAIAH 51:16

Kei naw khan khaw gui cu ka k’phiäih ci, khomdek ah ng’nei phi ka pyan ci; Jerusalem cu ka pyen nak ci, “Nang cu ka ning chang nei!” kei naw ka m’thei thang gui cu ka ning pek ci, ka kut awn ka ning shungvong ci.”

ISAIAH 44:3

Kei naw tui gha ciah khaw ung tui ka pek khai, khong’gau khaw ung tui lawng ka lon sak khai. Kei naw nami htanau gui ah khan ah ka mümcha ka yuk chah khai, nami hta ng’shon gui ah khan ah ka hriham ka yuk chah khai.

JOHAN 4:14

cun ung phi kei ah pei tah tui awk cicu a ngawi ah phi tui kä gha ba khai. Cun ah tui cu ani ah m’lung kyong ung ghin nak tui gei ah khawng ne long ne, ani-am angtäi ghin nak cu pek khai” cik ci.

ISAIAH 55:3

“Tuhbäi ngai vä, ka chang gui aw, kei ah law vä; kei ah law vä, ghin nak nami gah khai! Kei naw khonglän ciah ka ng’thukhän cu nangmi awn ka bik khai, David ung shai ka tak ah hriham cu ka ning pe gui khai.

ROMAN 8:9

Cun ung phi Khanpughi ah Mumcha cu nang mi ung akcang ah om ciah a kyak ung, hnicim chang ah m’cäi ah kä om u ne, Mumcha Theing ah m’cäi ah nami om vai. Bawi Khrit ah Mumcha ah kä om nak ah chang cu Bawi Khrit awn kä ng’phaa ci.

JOHAN 3:34

Khanpughi naw a tüih law cu Mumcha awn pleip khai ah akbe ah kia ne, ani cu Khanpughi ah ng’thu bäng pyein ci.

JOHAN 7:39

Cun yah ung Bawipa Jesuh cu a hlüngtai nak kä dang phak ciah kya sei, yum ciah chang gui-am Mumcha theing phi kä ap gui hning phak ciah kyak ci. Cun ah kyasei yum ci gui ah gha law vai ah Mumcha Theing cu pyein ne ang ng’shäu ah kyak ci.

ISAIAH 49:8

Bawipa naw a chang gui pyen na gui ci, “Nangmi ning bü nak gui vai ah khin a gawk law ung, nangmi am hmai kiang nak ning m’dang gui ne, ning m’htei gui vai ah nami kyah cu ka ning m’shang gui khai. Kei naw ngäng ne ka ning shungvong gui khai, chang van ah phäh ah nangmi awn thukhän ka bik khai. Tuhbäi didap ciah nami kho ung kei naw ka ning om ba sak gui khai.

2 KORIN 3:8

Mumcha ah hnüntawh nak ah bä mang nak läi cu a i hlawk ah ng’shükhang khai ang!

JOHAN 1:33

Ayan ung ani kä ka hmat man ci, cun ung phi tuihnim nak ka pek khai ah na tüi lawk ciah Khanpughi naw,” Khankho ah kaa Mumcha Theing kyum law ne, alu khan ah ngo law sei, na hmuh ah chang cu Mumcha Theing awn hnim nak pek khai ah chang nei,” cine ana m’thein pyi ah kya ci.

JOHAN 17:8

Nang ah na peit ah Thu Ni cu, kei naw ngami-am pe gui ngä sei, ngami naw dou ci gui nei. Nang ungka kei ka law cu akcang ah kyak ci, ci cun phi hmat pyi ci gui, nang naw kei na na tüih law cun phi yum pyi ci gui nei.

JOHAN 8:38

Kei cu Kapa ah nam cäi ah mäih ah kang thu ci, nangmi cu nami pa ah pyein ah mäih ah nami bik ci,” cine kya ne gui ci.

ROMAN 11:27

Kei naw ngami ah shetkat nak cu ka k’phiuawn gui hnüüpung ngami awn shin ah thukhän cu ka bik khai nei,” ciah om ci.

PHYAWN NAK 4:15

Ani cu ng’thu püi ne a i cha ah ng’thu vai cu na m’thein tu vai. Nani nik hnih nani ng’thu thei vai ah ka ning m’htei goi khai, a i na ni bi vai cu ka ning m’thein goi khai.

ISAIAH 32:15

Cun ung phi khanpughi naw ang mümcha cu natüih law ba gui mä khai. Amdek she pi ah kho cu amdek ni ah kya lawk khai, lo gui ung geitkaw akda m’thawk khai.

ISAIAH 40:8

Ä, M’ghaw cu chawng ne, cheipai cu ng’yai ci, cun ung phi khanpughi ah ng’thu cu, khong län ung khäng ci nei.”

ISAIAH 42:1

Bawipa naw pyen ci, “Shin cu kei ah changshäm, kei naw thagui ka k’be nei — kei naw ka m’hni, ka ghü ah kyak ci nei. Kei naw ani cu ka mümcha awn ka be sak nei, Ani naw pakhui päng ung taga nak law püi khai.

ISAIAH 54:10

Khomhtung, khogui gui cu pyawn khai gui, cun ung phi kei naw nangmi ka ning m’hni nak gui cu kä ng’pyi khai; Dimdeeih nak ah shai ka tak cu kei naw angtäi ah ka k’pang khai.” Ning m’hni gui ciah Bawipa Bawipa naw cun ah pyen ci.

ISAIAH 55:11

A cun ah mäih ah kei ah ka pyen ah ng’thu cu kyak khai nei — kei naw ka pawng püi cu bi vai ah cun cu kä shum khai; kei naw bi vai ah ka tüih law päng cu, a cun naw bik khai.

ISAIAH 57:19

Kei naw dimdeeih nak avan am ka pek ci nei, ang et nak la a shon nak avan ung! Kei naw ka chang gui cu ka gai sak gui khai.

SAM 119:43

Ak phlüt ah ng’düng ciah ng’thu thei vai ah na ng’thu sak ä, a i ah sei ci ung ka ngaih u nak cu na ng’thumcha nak ung om ci.

NG'THU K'THUUK~ 7:3

Ka m’theithang cu akphlüt ah na shüm vai, na m’lung ung na guk vai.

ISAIAH 66:22

Khomdek thai la khankhaw thai cu kei ah huham awn khäng ne a om mäih ah, nangmi htangshon gui la nami ming cu khäng ne om khai nie.

JEREMIAH 1:9

Cun kawn ah Bawipa naw a kut shäng ne, ka m’nei cu pyen vai ah ng’thu gui cu kei naw ka ning pek ci nei.