ISAIAH 59:13 - Cho Bible Common Language 2016

¹³ Keimi naw kami ning hnung’tuk pui küknet püi ci nei, kami ning läk vai ah kami mak ci nei. Kei mi naw chang hei gui shedam na u ne, nang ung ka, a hei ah kami ng’hlat ci nei. Kami ngaih-tüh kä hman ci, kami ng’thu phi hleei ah kyak ci.

ISAIAH 59:13 Referans Kwoze

JAMES 3:6

M’lei cu mei awn täng ci, cheishoh nak ah phung ah kyak ci; m’lei cu pumsa ah ang pai tumat ah kya ne, shetkat nak cu pumsa avan ung gawk sak ci. M’lei cu mei ah ng’düi ne, mi ghin nak avan cu m’htei mei awn, na uih sak gui thei ci.

HEBRU 3:12

Zum ciah ka phäi nau gui, ghing ciah Khanpughi nawng nak vai amawng ah am lung kiong shekhak ciah chang, nangmi ung kä om en khai ah nami geing nak vai nei.

JAMES 1:15

Cun ah shekak ciah ng’yak hlü nak cu tüisho law ne cheishoh nak cun phi däm ng’vai law ne, sih nak ah hta lawk ci.

TITUS 1:16

Ngami naw Khanpughi kami hmat ci nei ami ci ung phi ami hnün thawh naw maa na gui ci. Ngami cu thüi nak vai kya u ne, thu kä ngai u ne, akni phung api phi, kä bi tu hning ciah chang gui ah kyak ci.

MATTHE 10:33

Cun ung phi chang gui ah ma ah kei na hnu ng’tuk püi ciah chang cu, khankho ka Pa ah ma ah kei naw ka hnu ng’tuk püi khai.

HOSEA 11:12

Bawipa naw pyen ci, “Israel chang gui naw na veing u ne, hleeihlak ne na theileh nak ci gui. Judah chang gui naw bekhüt theingcim ciah Khanpughi cu tu ä na hnungtuk püi ci gui.

HOSEA 7:13

“Ngami cu ng’yiin ci gui. Kei cu na hteh ta u ne na hnungtuk püi ci gui. Ngami cu m’di gui vai. Kei naw ka hun gui hlük ci, cun ung phi ngami naw kei ami na khawihnah cu chei ci.

HOSEA 6:7

“Cun ung phi Adam khonglei ung ami luh law vai am kei naw ngami awn ka bi ah thukhän cu m’shet ci gui.

HOSEA 1:2

Bawipa naw Hosea ungka naw Israel gui ang thu püi gui yah ung ani naw Hosea am, “Nang cu hteit ne chu mah ä, na chu cu kä bekhüt khai nei, na hta gui phi kä bekhüt khai gui nei. A cun ah mäih ah ka chang gui naw na hteh ta u ne, kä bekhüt lawk khai gui nei.”

EZEKIEL 18:25

“Cun ung phi nangmi naw, Bawipa naw abi cu kä hman ci, name cik ci. Israel Chang gui na ngai vä. Kei naw ka bi lawh nak gui ah lam cu kä hman ciah name ngai ne ma? Kä hman cicu nangmi ah bi nak ah lam ah kyak ci.

EZEKIEL 6:9

acu ah ngami cu omktu ah kya ne om khai gui. A cu ah ngami naw kei cu na shüm khai gui, kei naw m’kyuk gui ne ka thüisei sak gui ciah ngami naw hmat khai gui, a i ah kyasei ci ung ngami ah kä bekhüt ciah m’lung naw kei cu na nawng ne, ngami naw kei ah ta agup ami m’hni pi ah phäh ah kyak ci nei. Ngami cu akshekha, a cheishoh ami bi ah phäh ah ami mät naw amät shemshai lawk khai gui nei.

JEREMIAH 42:20

nangmi cu aktung ah nami hma ci, nangmi ah hmawk ah Bawipa mi khanpughi ah tiagü vai ah nami na K’thäh ci, ani naw ang thumkhan phung nami bik kai ah phi shai nami tak ci.

JEREMIAH 32:40

Kei naw ng’täi ciah thukhän cu ngami awn ka bik khai. Ngami ah phäha ah akni ka bi cu kä ka ng’düm phung khai, ami m’lung kyong avan awn ami na kyih aa vai ah kei naw ka bik khai, cun ung ngami naw kei käna ng’hlah tak khai gui.

JEREMIAH 17:13

Bawipa, nang cu Israel gui ah ngaih u ah na kyak ci; Nang ning nawng ciah chang avan cu lü ng’aa nak ung gawk khai. Ngami cu m’vut ung guk ah ming ah mäih ah maih khai gui. A i kyasei ci ung Tuici lawng ah na kyak ciah nang Bawipa ami ning nawng ah phäh ah kyak ci.

JEREMIAH 5:23

Cun ung phi nangmi chang gui! Nangmi cu nami m’lung liing ci, nami käknet ci; nangmi naw kei na ng’hlah ta ne, nami na hteh tak ci.

JEREMIAH 3:20

Cun ung phi kä bekhüt ciah hnumi ah mäih ah, nangmi cu kei ung kä nami bekhüt ci, kei, Bawipa naw ka pyen nei.”

JEREMIAH 3:10

Shing gui avan ah kawn ah Israel ah kä bekhüt ciah anau Jodah cu ng’she ne kei ah law ba ci, ani cu amlung kä theing ci, kei Bawipa naw ka pyen nei.”

JEREMIAH 2:13

Cun cu ka chang gui naw katnak hnih ami bi ah phäh ah kyak ci: Ngami naw tui ci lawng ah ka kyak ciah kei cu na ng’hlah tak ci gui, ngami naw tuihlüng co ci gui. Cun cu teek ciah tuihlüng ah kya ne a i tui phi kä ng’tang ci.

ISAIAH 57:11

Bawipa naw pyen ci, “Keina m’hnih sagei u ne, nami hleei pyen ne nami na m’thein ü awng vai ah, nami kyih ah khanpughi gui cu a u gui ang? Kei cu ak shounu a düm ah ka om ci kyasei, nami na m’tamkhah vai cu nami düm ei ne ma?

ISAIAH 48:8

Nangmi cu ning ngaih gep gui vai ah kä nami kyak ci, ang tä sei hnung tuk küknet ciah ning khü gui ci gui ah ka ning hmat gui ci. Cun cu nang mi naw shin ah mawng api phi kä nami ng’zak man la, Nami hnga ung ng’thu ng’lung ät phi kä a gawk law man ah phäh ah kyak ci.

ISAIAH 32:6

Chang guktaak cu akguktaak ah ng’thu ne, akshe bäng bi vai ah ngaih-tüh ci. Ani abi abi la ang thu naw Bawipa cu ghetaap ci, ani naw ei cawi ci kä m’bei ci, tui gha ci gui am api phi ami awk vai kä pe gui ci.

ISAIAH 31:6

Bawipa naw pyen ci, “Israel chang gui, nangmi katnak bi ne, nami na hnung’tuk püi ci. Nami na hna nak ci cung ung phi tuh bäi, kei ah law ba vä!

ISAIAH 5:7

Israel cu m’gäi ciah Bawipa ah Sapyit lo ah kyak ci; Ngami naw ani naw akni bik khai ah ngaih u sei, Cun ung phi ngami naw chang ngawn ci gui. Ngami naw hman ci bik khai gui ah ani naw ngaih u ci, Cun ung phi ngami ah dukdeiu nak gui naw ataga vai ng’ya hlü ne m’lau ci gui.

NG'THU K'THUUK~ 30:9

Kei naw akdäm ka tak ung kei naw nang kä ka ning ya hlük ciah ka pyen khai. Kei ka dukhaih ah a kyak ung kei cu m’gu ne ka Khanpughi ah khan ah thüisei nak ka law püi khai nei.

SAM 78:36

Cun ung phi ami thu phung cu hleei ah kya ne, ami ng’htau ng’düng ci kä om ci.

SAM 18:21

Kei naw Bawipa ah thukhän cu ka läk ci, Khanpughi hnu na ne kä ka ng’hlat ci.

JOSHUA 24:27

Ani naw chang gui am, “shin ah lung cu mikmi ah saksi ah kyak ci, Ashin naw Bawipa naw ana ng’htau püi gui ah ng’thu avan cu ng’yak ci nei. Cun ah kia ne shin naw nangmi ning hnungtuk püi gui ne saksi ci nei, nami Khanpughi nami hnungtuk püi nak vai ungka ning k’pang gui ci nei” cik ci.

JOB 31:28

Cun ah mäih gui cu sih nak awn m’kyuk vai kyak ci nei. A cun naw Khanpughi cu ma nak ci nei.

ISAIAH 10:1

Nami khaw mü ci nei! Nangmi naw kä taga ciah thukhän nami pyang ci, a cun naw ka chang gui shedam nak ci.

ISAIAH 30:12

Cun ung phi Theingcim ciah Israel khanpughi ah thu pyen cu; “Kei naw ka ning m’thein gui cu nangmi naw a i ah kä nami ngai ci nangmi naw ng’tohpah nak la hleei hlak nak nami ngaih u ci.

ISAIAH 58:2

Ngami naw a hnüüp tä na khawihnah ci gui, kei ah ka lamcu kmat u ne, kei ah ka thukhän cu läk hning ci gui ah pyen ci gui nei. Ngami naw clung ciah thukhän gui ka pek gui vai ah ng’ya hlük ci gui ah pyen ci gui. Ngami naw kei na khawihnah u ne yeikyai nak gah ci gui.

ISAIAH 58:9

Nami k’taigü ung ka ning m’shang gui khai, nami na khü ung ka äi khai. “Zawhnem nak, tawk ne shedam nak lo thu she gui cu.

ISAIAH 58:13

Bawipa naw pyen ci, “Nangmi naw kyiiin na hnüüp cu theingthap sak ne, a cu hnüüp nami mät ah Ng’zak hlü ah kä om ne; kei ah theingcim ciah hnüüp cu m’kümto u ne, m’tamkhah u ne; kä hteit hton ne, kä ng’bilo ne, kä ng’thu she ne nami kyak ung;

JEREMIAH 12:8

Kei ah ka ghü ah chang gui naw na hnu na ne na ng’hlah tak ci gui nei; khopya ah om ciah kawng ah mäih ah kei cu na m’ngawng ci gui, cun ah kyasei kei naw ka thüi na gui ci.

AMOS 6:12

Ng’se cu lungpou ah khan ah dawng man ne ang? Chang naw tuinu ah khui ah seipat awn lai thawn man ne ang? Cun ung phi nangmi naw taga nak cu m’äm tui ah nami lat ci, gei cicu nami chei sak ci.

JEREMIAH 2:16

Memphis la Tahpanhes chang gui naw ani ah lukoi cu teek sak ci gui.

JEREMIAH 2:17

Israel, nang naw shin cu na mät ah khan ah na law püi ci! Kei naw lam anglät ung lam ka ning m’shüm gui yah ung na Khanpughi Bawipa, kei cu na na nawng ci.

HOSEA 7:1

“Kei naw ka chang Israel gui ka gai sak hlü gui laka bühmang ba sak hlü gui päng ung kei naw ami cheishoh nak la akshe ami gui avan ka hmuk ci. Ngami cu tumat la tumat ng’hleeihlak tuk ci gui. Ngami im gäi ne lut ne m’guk ci gui. Ngami naw lam ung chang guttep ci gui.