ISAIAH 59:11 - Cho Bible Common Language 2016

¹¹ Mikmi cu kyi kyawk ne mi ng’hlet ci. Cheishoh nak la shedam nak ung na hun gui khai ah khanpughi cu kami ging co ci, cun ung phi, a i phi i ah kä kya lawk ci nei.

ISAIAH 59:11 Referans Kwoze

ISAIAH 38:14

Kei ah ka k’aw cu pyen ne bit ci, kei cu müm ah mäih ah ka ngüük ci nei. Khankho ka dan nak kamik ng’phiui ci nei. Bawipa, shin ah khuikha nak avan ung ka na gung ä.

EZEKIEL 7:16

Am shah gui cu khongnawi ungka kyi ne zong ciah mümkha gui ah mäih ah khomhtung tang ah dawng ne phyawng ci gui, Ngami ami van cu ami katnak ah phäh ah thüi sei khai gui.

HOSEA 7:14

Ngami naw m’lung üp nak awn kei ah taigü ci gui, cun ung phi ami mät kyu u ne kä yum ci gui ah mäih ah m’lau ng’pyang ci gui. Ngami naw htang la sapyit tui ah phäh ah ami taigü ung kä yum ci gui ah mäih ah ami mät naw am mät nat sak ci gui. Ngami cu a i hlawk ah ng’küknet ci gui ang?

JEREMIAH 9:1

Kalu cu tui shawk tui ah mäih, kamik gui cu tui hta lawng ah mäih ah a kyak vai ka ng’ya hlük ci, Cun ung kei cu ami ngawn gui ah ka chang gui ah phäh ah amü a hnüüp ka kyap hning khai nei.

JEREMIAH 8:15

Mikmi naw dimdeeih nak vai la gai nak vai cu mi ngaih u ci, cun ung phi akholä ah kyak ci; cun ah vaisü ung kyihkyawk vai gawk lawk ci.

ISAIAH 59:9

Chang gui naw pyen ci gui, “Na shedam na gui ciah kut ung ka, a i ah kyasei khanpughi naw kä ana hun gui ci cu, tuhbäi mikmi naw mi hmat ci. Mi hteh nak vai ah akdei cu mi ngaih u ci, cun ung phi, hmüp khui ah kyak ci,

ISAIAH 51:20

Lam ah akit päng ung, na chang gui cu ami k’tha maih sei kiung’täng ci gui nei; Sa pha nak cuun ung awk ciah kigang ah mäih ah kyak ci gui nei.

SAM 119:155

Changshe gui cu na thukhän kä ami läk ah phäh ah, hun nak kä gah khai gui.

SAM 85:9

Ani m’taam khah ci phung cu akcang ah hun ge ci nei, Ani ah hun phyawn nak cu mi kho ng’lei ung puipa khai nei.

SAM 38:8

Kei cu gho ne ka dawih ci nei; ka m’lung cu cümbawng sei, kam neh m’awh ci nei.

SAM 55:2

Na ngaih pe neta, na m’shang ä; cäi ng’ä ne ka ng’hlo ng’ei ci nei.

ISAIAH 59:8

nangmi ah om nak a u phi phiawn nak kä om ci. Namibi nü kä taga ci. Nangmi naw ng’koi ciah lam nami läk ci, cun ah lam ung hteit ciah chang phung cu phiawn nak kä om ci.

ISAIAH 59:14

Taga nak cu k’täm pyi ah kyak ci, düng nak cu kä ng’et law hlant ci. Chang gui ah mawng ng’thumcha nak ung düng nak kä om ci changah lung ang düng nak kä om ci, ba nak cu a cun ah hmun ung kä hmuh nei.

NG’ÄI KYAH 3:17

Kei naw gaigawng nak, dimdeeih nak, yeikyai nak gui cu ka m’hnih yawp ci.

NAHUM 2:7

Mangnu pha ne saw u sei, a chang shäm gui cu Mümkha ah mäih ah ngüük ci gui. Ngami cu thüi ne ami ng’kyang k’beeih ci gui.

SAM 119:150

Ak she ah na dukdeiu nak ci gui cu ng’et law pi ci gui nei, Ngami cu na thukhän kä k’pang ciah chang gui ah kyak ci.

NAHUM 2:8

Tui büi nak hlawng ne ng’gäi sei, tui ang güüt ah Mäih ah, Nineveh chang gui lam ng’gut ne dawng ci gui! “Ng’düi vä! ng’düi vä! cine kyap m’lau sei phi, A u kä va ng’hlat ba ci.