ISAIAH 59:10 - Cho Bible Common Language 2016

¹⁰ Chang mik m’dauh ah mäih ah mikmi cu m’thäp ne mihteit ci mikmi cu hnüüng ng’lung ung plai sei mi ng’taak ci mü hmüp ah mäih ah, hmüp ciah sih nak ah khaw ah mäih ah.

ISAIAH 59:10 Referans Kwoze

THULÄÄN NAK 28:29

Nang cu amik m’dauh ah mäih ah khaw hnüüp khaw ung m’cüm ne, yak ne na hteit khai, na hteh nak vai ah lam cu kä na hmuk khai. Nang cu a i na bi ung phi, bämang nak kä om khai. Nang cu angtäi sei chang naw ning shedam nak khai, ning guttep khai, cun ung phi ning m’hteihtang tuk ci a u kä om khai.

JOB 5:14

Kho hnüüp phi hmüp khui ah mäih ah ng’vaak ci gui.

NG’ÄI KYAH 3:6

Sih nak ah hmüp khui ah ng’düih nak ung kei ka om vai ah ani naw na k’tut ci.

1 JOHAN 2:11

Cun ung phi a phäi nau thüi nak ciah chang cu hmüp khui ung om ciah kyak ci; ani cu hmüp khui ung lula ci, cun ung phi a hawi lam a hteh kä hmat ci, a i ah kyasei ci ung hmüp nak naw ani ah mik cu m’dauh sak ci.

JOHAN 12:40

“Khanpughi naw ami mik m’dauh sak gui ne ami m’lung khai pe gui ci nei, Cun ah kyasei, ami mik naw a i kä hmuk ci, ami m’lung naw a i kä hmat ci nei, Kei naw ka gai sak gui vai ah Kei ah om nak ah a u phi kä law ba ci nei, cine Khanpughi naw pyein ci” ciah guk ci.

JOHAN 12:35

Bawipa Jesuh naw, “Akdei cu nangmi ung a shäng hta nei om ba khai. Kho hmüp naw kä a ning küp gui vai ah akdei ah om yah ung hteit hton vä; hmüp khui ung hteit hton ci naw ani ahawi lam a hteh ah kä hmat ci nei.

AMOS 8:9

Hnüüp lung ung khohni hang kyak khai, k’awi nu ung khomdek mü khai ah ka bi nak vai ah akhin cu gawk lawk ci nei. Kei Uktu Bawipa naw ng’thu ka pyen nei.

NG’ÄI KYAH 4:14

Ani ah ng’vai gui cu amik m’dauh gui ah mäih ah lam yung ah ng’vak shüi ci gui. Ngami cu si bäng ah kya u sei a u naw kä tawn gui ci.

JEREMIAH 13:16

Ani naw khaw hmüp nak kä a law püi pha ung, Ngami m’htung khan ah ng’vawn ne kä nami ng’tän phaung ani naw hmüp khui nu ah kyak khai ah kä a m’hlah pha ung, Bawipa nami Khanpughi cu m’tam khah vä.

ISAIAH 8:15

Chang akda cu ng’vawn khai gui; ng’tääk ne kyu u ne, ng’pyäuh khai gui. Ngami cu cun ung gawk khai gui.”

NG'THU K'THUUK~ 4:19

Chang shekha gui ah hteh nak ah lam cu khawmü ah mäih ah hmüp ci. Ami ng’tän ung phi ami ng’vawn nak cu kä hmuk ci gui.

ISAIAH 8:14

Kyihcat vai ah ka theingciim nak ah hmawk ah kei cu chang gui naw ng’vawn ne ami ng’täät nak ah lung awn ka tang ci; kei cu cun ah ka kyak ci, acun naw Judah la Israel uknak khaw ung chang gui la Jerusalem ung chang gui cu pha gui khai.

ISAIAH 28:13

Cun ah kyasei Bawipa naw ca ng’lung päng, ca kiawngpäng, amawng päng a ning m’thei thang gui ah kyak ci nei. Cun ah kyasei nangmi cu nami m’khan päng ung nami ng’täng khai nei. Nangmi cu nami leim khai, cun ung nami awk khai, thawng ung nami kium khai nei.

EZEKIEL 21:15

Acun aw ka chang gui cu ami k’tha maih sak gui ne, kyuk ng’tät sak gui ci. Kei naw ami mang gaw lailäp ne pyü ne, ngawn nak ge vai ah kyak ci awn ka m’kyih m’kyawk khai.

MIKHAH 3:6

“Prophet gui aw, nami hnüüp ng’pyi ci nei, nami khan ah khohni so ci nei. A i ah kyasei ci ung, ka chang gui lam nami hma sak gui ci, nangmi ung muimang kä om ba khai, kä nami ng’cäbang ba hlawt khai.”