ISAIAH 57:4 - Cho Bible Common Language 2016

⁴ Nangmi naw a u ang nami gaih tu? Nangmi naw a u ang nami m’lepse?

ISAIAH 57:4 Referans Kwoze

2 PETER 2:13

Ngahmi cu chang ami nat sak ah mäih ah ami mät phi nat nak gah khai gui. Ngami cu hnüüp lunglai ung ei aw läma u ne, ami pumsa ng’yakhlü cu dap sak ci gui. Ngami cu nangmi awn atäng ah ngoh om ei aw u ne, om shek ci gui, hleeihlak nak awn yeikyai ci gui.

ISAIAH 1:4

Nangmi nami hmüp ci, nangmi cu cheishoh ciah pakhui, Nangmi m’shetkat ne shekak ciah chang! Nami hmakat nak naw ning kaih tawn gui ci nei! Nangmi naw Bawipa, Israel gui ah theingcim ciah Khanpughi cu hnu na u ne, ani cu nami ng’hlah tak ci.

SAM 35:21

Ngami naw m’lau ne na hawh u ne, “Nang ah na bi lawh cu kami hmuk ci nei” cik ci gui.

PHYAWN NAK 9:17

Cun ung phi nang naw yawshe na gui ne ka chang gui ami hteh vai cu na maa na gui ci.

KOLOSE 3:6

A shin ah a mawng gui awn Khanpughi ah m’lung she nak cu, thukhän ng’yak ciah chang gui ah khan ah gawk lawk khai.

EPHESIAN 5:6

Kä ng’laang ciah ng’thu awn a u naw nang mi cu kä ning k’phiui hnawk-en gui sä, cun ah mäih gui ah hmawk ah, thu kä läk ci gui ah khan ah Khanpughi ah m’lungshe nak om khai nei.

LAMKTU 9:4

Ani cu khomdek ung kyu neh ng’yän netah, “Soul, Soul? a i ah kiah sei kei nah na k’dudeiu nak ang?” Ciah k’ä cu ng’yak ci.

LUKA 10:16

Bawipa Jesuh naw, Ang düihpüi gui-am, “Nangmi ah ng’thu ngai cicu kei ah ng’thu ngai ci, nangmi ning nawng gui ci cu, kei na nawng ci, kei na nawng ci cu, kei na tüi lawk cicu nawng ciah kyak ci” cine m’thein gui ci.

MATTHE 27:29

Cun kawn ah ng’hling awn sak ah lukhu cu k’bün ci gui. Htung tawn tumat cu ak pat lam kut ung pek ci gui. Cun kawn ah ama ah m’khuukdoong u netah, “Jew ghangpughang cu ghi ne ghing sä,” cine päipih ci gui.

MATTHE 13:38

Loma cu khomdek khan ah kyak ci. M’shi k’ni cu khankho uknak khäm ciah chang gui ah kyak ci.

HOSEA 10:9

Bawipa naw pyen ci, “Israel chang gui naw kei na hnungtuk püi u ne, ami kat nak cu kibeah ung tün ne ami kat nak cu kä ng’düm ci. Cun ah kyasei ngami cu ami ng’tuk nak naw pha law gui khai.

EZEKIEL 2:4

Ngami cu ami m’lung ling ci, kei kä na chang m’sui ci güi, Cun ah kyasei kei uk ciah Bawipa naw ka pyen nak gui cu na m’thein gui vai ah kei naw ka ning tüih nei.

ISAIAH 37:29

Nangmi ah m’lungshe nak la nami ng’shei nak ah mawng cu kei naw ka gah pyi ci nei, kei naw nang cu na lua ung pyüm awn vüt ne, na m’gawng ng’hling tha neta, na law nak ah lam ung ka ning hlah ba sak khai.”

ISAIAH 37:23

A u na gheet taap na gaih, m’gin ciah ang na ngaih? Nang naw, kei Theingcim Israel Khanpughi cu kä na na chang m’sui ci nei.

ISAIAH 30:9

Ngami cu ang’täi sei khanpughi hnung’tuk püi ci gui, angtäi sei hleei ci gui, Bawipa ah m’theithang ngaih yak vai ah angtäi sei mak ci gui.

ISAIAH 30:1

Bawipa naw ng’thu pyen ci, “Judah khaw uk ci gui cu ng’ziin ci gui, a i ah kyasei ci ung ngami naw kei cu na hnu ng’tuk püi ci gui. Kei ah kä pyan ah m’hnüt bäi nak cu läk ci gui, kei ah ka ng’yak hlü awn hnung’tuk ciah yum ät nak bik u ne, katnak tumat ah khan ah tumat m’taih ci gui.

ISAIAH 10:15

Cun ung phi Bawipa naw, “Ghei cu, acun bik ci chang ah ta dämduh pi ciah pyen hning vai ang? Ng’hlawh cicu m’hlawh ciah chang ah mä küikyang tuba ne ang? Ng’kii naw chang kä k’pang ci, chang naw ng’kii k’pang ci nei.”

SAM 69:12

Ngami naw lam lung ungka mawng pyen u ne, awktat ci gui naw na ng’äi ci gui.

SAM 22:17

Ka guh gui avan cu dang yawp ci, ka gaa gui naw na teng u ne na gaih m’gin ci gui.

SAM 22:13

Ngami cu m’ngaw ne nget ciah phongkawng ah mäih ah kei lam ah ang ci gui.

SAM 22:7

Na hmuk ciah chang phung naw na gaih tu u ne, ami m’lei m’teh ne, ami lu tum ci gui.

JOSHUA 10:21

Cun kawn ah Joshua ah chang gui cu ami van phyawng u ne ami om nak Makkedah phung ah law ba ci gui. Cun ah khaw ung a u naw phi Israel chang hnungtuk püi ne thu kä pyen ci.

KHEI NAK 16:11

Nangmi naw Aaron hnungtuk püi ne chiu nami m’da cu akcang ah Bawipa nami hnungtuk püi ciah kyak ci. Cun ah kyasei nang la na hnu läk ci gui cu nami küknet ciah kyak ci.”

ISAIAH 48:8

Nangmi cu ning ngaih gep gui vai ah kä nami kyak ci, ang tä sei hnung tuk küknet ciah ning khü gui ci gui ah ka ning hmat gui ci. Cun cu nang mi naw shin ah mawng api phi kä nami ng’zak man la, Nami hnga ung ng’thu ng’lung ät phi kä a gawk law man ah phäh ah kyak ci.

ISAIAH 57:5

Theingeim ciah nami sing ghing gui ah ka ah ng’yaw ng’pawm u ne m’dekni pyan ah khanpughi cu nami khawihnah ci nei. Nangmi naw tui hta pei ah lungkhui ung nami htanau gui cu khawihnah nak ah nami douthak ci nei.

2 SHONTÄP NAK 36:16

Cun ung phi ngami naw Khanpughi ah ng’shächang gui cu päipih u ne, ang thu cu a i ah kä ngai u ne, a prophet gui cu gaih tuk ci gui, ak hnu ah Bawipa ah m’lungshe nak ak chang gui hnungtuk püi cicu dämduh aih sei, phyawn nak kä om ba ci.

JEREMIAH 20:8

Kei cu ka ng’thu law phung ung kyap ne “m’ghämce nak! Dishum nak!” cine ka m’lau ci nei. Bawipa, nang ah ng’thu ka ng’shäu ah phäh ah kei cu akphlüt sei, na päipih, na shedam nak ci gui nei.