ISAIAH 57:2 - Cho Bible Common Language 2016

² Akni ah om ciah chang gui cu dimdeeih nak hmu u ne, dinggei sei ng’düm ci gui.

ISAIAH 57:2 Referans Kwoze

THU PHLAAN 14:13

Cun kawn ah khankho ah kaa k’aw naw, “Tuhbäi ung tün ne Bawipa ah khuut bi netah, sik ci gui cu yeikyai nak om ci nei, cun cu na guk vai nei” ci sei ka ng’yak ci. Mumcha naw, “Ä! Cun cu akcang nei! K’tha nane bilo ciah chang gui cu yeikyai ne ng’düm khai gui nei, ami bi ah akchaw cu ami mät awn ng’khap ci nei” cine pyein ci.

2 KORIN 5:1

Mikmi ah om nak ah kyak ciah khomdek pumsa cu ang kawn ah a kyak ung, Khanpughi naw khankho ah, amät ah pyan ah, angtäi om nak ah im, na k’hman gui khai cicu mi hmat ci.

LUKA 2:29

“Bawipa, tuhbäi na shaitaak küm pyi ci kyasei, na chang shäm cu dimdeeih nak ah hteh sak ä.

JOB 3:17

Changshe naw akshe ah om gui cu phuh hmun ung ng’düm ci gui. Bawngbai ciah bii bik ci gui phi ng’düm ci gui nei.

2 KORIN 5:8

Kei mi cu k’thamah nak om sei, pumsa im cu nawng shüt ne, Bawipa awn a täng ah om vai cu kami ng’ya hlü pi ci.

LUKA 7:50

Cun ung phi Bawipa Jesuh naw, cun ah hnumi-am, “Na yum nak naw ning phiawn sak pyi ci nei, yeikyai ne hteit ba ä” cine pyen nak ci.

MATTHE 25:21

A bawi naw, ‘Na bä ci, nang cu düng ciah changniah na kyak ci. Bi api ung nang düng ciah kyasei, bi ak däm cu ka ning ap khai, kei ah law ne kei awn a täng ah yeikyai ne na om khai nei,’ cine pyen nak ci.

THUSHÄUTU 12:7

Mi pumsa cu m’dek ung m’vut ah hteit ba khai, ghin nak hnun cu acun na pe gui te ciah Khanpughi ah hteit ba khai.

2 SHONTÄP NAK 16:14

ani cu David Mang gaw ah amät naw a vüh ah lungpou phuh hmun ung phuh ci gui. Ngami naw ani ah pumsa cu tui ng’ui gui la situi gui awn pyang ne phuh u neta, ani ah sih ah phäh ah ami thüi sei nak ah mei akdäm ah bum ne cik ci gui.

LUKA 16:22

Cun kawn ah ghawipyam cicu si sei, khankho chang gui naw la law u ne, Abraham ah k’coi ung m’shän ci gui, Mangpacun phi si sei, m’cim ci gui.

EZEKIEL 32:25

Elam cu ng’tuk nak ung ami ngawn gui ah ng’lung ah ng’zän ci, ani ah a gakap gui ah ami ng’phuh hmun gui naw ani cu koi ci. Ngami ami van cu vun-ah nak kä bik ci gui ah kyak ci, ami van ng’tuk nak ung ami ngawn gui ah kyak ci. Ngami naw ami ghin sang ung kyihkyawk nak cu k’püi ci gui, cun ung phi tuhbäi si ne ng’zän ne thui ng’aa ci gui, ng’tuk nak ung ami ngawn gui ah mawngma cu ng’pai tuk ci gui.

PHILIPPIAN 1:23

Kei naw hnih ah ka ngaih nak om ci, kei cu shih ah ghin nak nawng shüt ne Bawi Khrit ung ang htei ah ka om hlük ci, cun cu kei ah hmawk ah bä pi ci.

LUKA 1:6

Ngani cu Khanpughi ah ng’yak hlü ah om ni ne, Bawipa ah thukhän shaitaak cun phi läk ci goi.

ISAIAH 26:7

Bawipa, nang naw changni gui ah lam cu na ng’müi sak ci; Ngami ah lula nak ah lam cu na nep sak ci nei.

ISAIAH 14:18

M’dek khan ung ghangpughang gui ami van cu ami ng’phuh hmun ung ng’zän ci gui nei,

ATÜNNAK 17:1

Abram a khawkum 99 a law sang ung Bawipa cu Abram ah ma ah dang law neta, “Kei cu Hlüngtai ciah Khanpughi ah ka kyak ci, ka ng’thu ngai ne angtäi sei düng cicu na bi vai.

SAM 37:37

Changnicu teng vä, chang düng cu hmu vä, dim deeih sei om cicu ng’shon bang ci nei;

DANIEL 12:13

“Nang Daniela, khaw akhüt güt ung na bekhüt vai. Cun kawn ah nang cu na sik khai, cun ung phi akhin ang pyi law ung, na ng’chuh na gah khai ah nang cu na tho ba khai nei.”

JEREMIAH 6:16

Bawipa naw a chang gui pyen ah gui ci, “Lam kyum gui ung ng’düi neta teng vä. Cau lam phyim gui la lam akni pi a hawi a om cu ng’shi gui vä. A cun ung hteit vä, dim deeih nak awn nami om khai.” Cun ung phi ngami naw, “Kaa, kä ka mi hteit khai!” cine pyen ba ci gui.