ISAIAH 57:1 - Cho Bible Common Language 2016

¹ Chang k’ni gui cu sik ci gui, cung ah mawng cu a u naw kä hmat ci, a u naw i ah kä ngai ci. Cun ung phi ngami ami sih ung sih kiuk nak naw kä k’et ba gui ci.

ISAIAH 57:1 Referans Kwoze

2 GHANGPUGHANG GUI 22:20

Jerusalem ah khan ah kei naw ka law püi vai ah m’kyuk nak cu nang na sih kawn ah kyak khai. Kei naw nang cu dimdeeih nak awn ka ning sih sak khai.” Chang gui naw shin ah ng’thu law püi ne ghangpughang Josiah ah law ba ci gui.

SAM 12:1

Na m’htei gui ä, Bawipa! Changni maih ne; Chang man kä om ba ci nei.

2 SHONTÄP NAK 34:28

Jerusalem ah khan ah ka law püi vai ah m’kyuk nak cu nang kä na sih pha ung kä gawk lawk khai nei. Kei naw nang cu dinggei nak awn ka ning sih sak khai.” Cun ah chang cu shin ah ng’thu hteh püi ne, ghangpughang Josiah ah om nak ah hteit ba ci.

MIKHAH 7:2

Khaw ung changnigui maih yawp ci gui, Khanpughi ung ng’düng ci a u kä om ci. Khaw päng ung chang ngawn vai däät ci gui, chang päng naw ami chang paw ga nak ci gui.

ISAIAH 42:25

Cun ah kyasei am lungshe nak ah aktawt cu mi gah ne, ng’hnüüt ciah ng’tuk nak ung mi yai ca ci. Ani ah m’lungshe nak naw Israel khaw avan cu mei ah mäih ah ui ci. Acun ungka, mikmi naw mi ng’thei nak a i phi kä om ci.

ISAIAH 47:7

Nang naw angtäi sei, ghangpughang ah na kyak khai ah na ngai ci, shin gui cu nang naw na m’lung ung kä na tha ci, shin gui avan ng’pyi khai ciah phi kä na ngaih tüh ci.

MALAKHI 2:2

Nami bilawh nak phung ung kei cu nami na kyih aa vai. Kei ah ka ng’thu cu kä nami ngaih ah a kyak ung, nami khan ah plah tam nak ka law püi khai. Nami ng’dühshon nak vai ah nami gah ah khan ah phi plah tam nak ka chah khai. Nangmi naw ka thumkhän cu a i ah kä nami sui ci kyasei, nami gah gui ah khan ah plah tam nak cu ka chah pyi ci nei.

2 SHONTÄP NAK 35:24

Ani cu a yatha ungka chang u ne ani naw acu ah a tha ah ak hnih nak ah yatha ung taih u ne Jerusalem ah hteh püi ba ci gui. Acu ah ani cu si sei mang ah phuh hmun ung phuh ci gui. Judah la Jerusalem chang gui ami van cu ani ah sih ah phäh ah thüi kyap ci gui.

2 SHONTÄP NAK 32:33

Hezekiah cu si se, mang ah cim hmun ak khan täng ah phuh ci gui. Judah la Jerusalem chang gui ami van naw a sih yah ung akdämduh ah m’tamkhah ci gui. A htapa Manasseh cu ani ah hnün ung ghangpughang ah kya ba ci.

1 GHANGPUGHANG GUI 14:13

Israel chang gui ami van naw thüi kyap ne k’phuh khai gui. Jeroboam ah kyongchang ungka akni ah ami htümtha cu ani bäng ah kyak khai, a i ah kyasei ci ung Israel Khanpughi Bawipa naw a yei nak cu ani bäng ah kyak ci.

ISAIAH 57:11

Bawipa naw pyen ci, “Keina m’hnih sagei u ne, nami hleei pyen ne nami na m’thein ü awng vai ah, nami kyih ah khanpughi gui cu a u gui ang? Kei cu ak shounu a düm ah ka om ci kyasei, nami na m’tamkhah vai cu nami düm ei ne ma?

KHEI NAK 23:10

Israel gui ah htangshon cu m’vut khui ah mäih ah kyak ci gui. Ngami cu khei plah gui vai ah da aih ci gui. Khanpughi ah chang tumat mat ah mäih ah kei ah khaw hnüüp gui cu nang pyi sak ä. Düng ciah chang ah mäih ah dimdeeih nak ung na sih sak ä.”

SAM 37:37

Changnicu teng vä, chang düng cu hmu vä, dim deeih sei om cicu ng’shon bang ci nei;

ISAIAH 47:11

Leigai cu na khan ah gawk lawk khai, a i na ce cai nak naw phi kä ng’düm sak hlawt khai. Dishum nak cu ang ghit ah na khan ah gawk lawk khai — cun cu ng’mang ah phi kä na mang nak man ah kyak khai!

JEREMIAH 18:11

Tuhbäi Judah la Jerusalem chang gui cu m’thein gui vä, kei naw ngami hnung tuk püi ne ka pawng m’htein ci, ngami ka m’kyuk gui khai ah ka om ge ci. M’thein gui vä, shekha ne ami ghin om nak ami ng’düm vai nei-ami law ami m’thawng vai, ami bi bi lawh ami m’thawng vai.

JEREMIAH 22:10

Judah chang gui, ghangpughang Josiah ah phäh ah kä kyap vä; ani asih ah phäh ah kä thüi vä. Cun ung phi a htapa Joahaz ah phäh ah aktung ah kyap vä, Ani cu asho nak ah hteh püi ci gui nei. Kä law ba khai nei, ami hta nak ah kho cu ani naw kä hmu tuba khai nei.

EZEKIEL 21:3

Kei, Bawipa naw ka pyen nei: Kei cu nami na ga nei. Kei naw ka khimsem phawng ne, changnichang she, nami van ka ning ngawn gui khai.