ISAIAH 55:8 - Cho Bible Common Language 2016

⁸ “Bawipa naw pyen ci, “Kei ah ka ngaih-tüh gui cu nangmi ah mäih ah kä kyak ci, kei ah ka lam cu nangmi awn kä täng ci.

ISAIAH 55:8 Referans Kwoze

SAM 92:5

Bawipa, na bi lawh gui cu küikyang aih ci nei! Na ngaih-tüh gui phi thuuk aih ci nei!

SAM 40:5

O Bawipa, kami Khanpughi, Nang naw keimi ah khan ah akda na bi ci nei; Nang ah mäih a u kä om ci nei; Kei naw khei ne kä ka pyen hlawk yawp vai ah, cun gui cu da aih ci nei.

HOSEA 14:9

Shin ung guk cu cüvai ciah chang gui naw hmuhmat u sä, Ami m’lung kyong ung tha u sä. Bawipa ah lam cu düng sä, Düng ciah chang gui naw acun gui läk ne ghing ci gui. Cun ung phi kat nak bik ciah chang gui cu ng’vawn ne kyuk ci gui. A i ah kyasei ci ung cun gui cu a i ah kä ami sui ah phäh ah kyak ci.

EZEKIEL 18:29

Nangmi Israel Chang gui naw Bawipa ah abi cu kä hman ci nei name cik ci. Nangmi naw kei ah lam cu kä hman ciah name ngai ci, kä kya ne ang? Kä hman cicu nangmi ah lam ah kyak ci.

SAM 25:10

A shaitak ngai ne, ang thukhän läk ci gui cu, bekhüt nak la m’hni nak awn lam shüm gui ci.

DANIEL 4:37

“Tuhbäi kei, Nebukhadnezzar naw, khankho ghangpughang cu m’hlüngtai ne, m’tamkhah ne ka bämang sak ci nei. Ani ah abi phung cu düng ne taga ci nei. Chang ah ng’shei ne hnüntho ci gui cu ani naw ng’nein sak gui ci nei.”

ISAIAH 53:6

Mikmi mi van cu chük ciah htome ah mäih ah mi kyak ci, mi mät ah hteh nak hlü phäh phäh ung mi hteit ci. Cun ung phi Bawipa naw m’kyuk nak cu ani ah khan ah ng’kiak sak ci, cun cu mikmi mi van naw mi gah vaisü ah m’kyuk nak ah kyak ci.

NG'THU K'THUUK~ 21:8

Cheishoh ciah chang gui cu lam she ung hteit ci gui, katnak kä om ci gui naw hman ci bik ci gui.

NG'THU K'THUUK~ 25:3

Ghangpughang naw ai a ngaih-tüh cu nang naw kä na hmat ci, ani ah ngaih-tüh cu kä mi pha ci, khomik ah mäih ah hlüng ne tuinu ah mäih ah thuuk ci.

2 SAMUEL 7:19

Cun ung phi uktu Bawipa, tuhbäi phi nang naw na bi lä ci nei; lawk ciah kho kum gui ung kei ah hta ng’shon vai gui cu nang naw shaitak na bi pyi ci nei. Cun cu nang naw chang am na hmuh sak ci nei, uktu Bawipa!

JEREMIAH 3:1

Bawipa naw pyen ci, “pami naw a chu angtha püi ah a kyak ung, cun ah hnumi naw ani htet ta neta, ahei pami a cei nak ba ah a kyak ung, ani naw cun ah hnumi cukä cu na ba hning ci. Acun ah khan avan lelawi sak khai nei. Cung ung phi Israel, nang ung na m’hni da aih ci, nang tuhbäi kei ah na law ba hlük ci!

SAM 33:11

Cun ung phi ani ah pawng püi cu kho ung ng’län ne ang bü nak cu angtäi ah om ci.

ISAIAH 14:24

M’gäi ciah Bawipa naw thu khän ne a pyen cu, “Kei naw ka k’bäi cu kya tuk cang khai. Kei naw bi vai ah ka pyen cun phi bi vai.

ISAIAH 58:13

Bawipa naw pyen ci, “Nangmi naw kyiiin na hnüüp cu theingthap sak ne, a cu hnüüp nami mät ah Ng’zak hlü ah kä om ne; kei ah theingcim ciah hnüüp cu m’kümto u ne, m’tamkhah u ne; kä hteit hton ne, kä ng’bilo ne, kä ng’thu she ne nami kyak ung;

ISAIAH 65:2

Ami mätah hteh nak hlü ung hteit ne, m’lung ling ne cheishoh ciah ka chang gui cu, kei naw angtäi sei dou gui ge vai ah ka om ci nei.

ISAIAH 66:18

Ngami ah m’lung ngaih, om ih cu kei naw ka hmat ci nei. Pakhui avan ung chang gui m’cut gui vai ah kei ka lawk ci nei. Ngami a täng ah ami gawk law ung kei ah huham naw a i a bi hning cu hmuk khai gui nei,

1 SAMUEL 16:7

Cun ung phi Bawipa naw ani am, “Ang sau la a kyom cu kä na ngaih nak vai nei. Kei naw ka hnu nak ci nei, a i ah kyasei ci ung kei naw chang ah ng’thumcha ah mäih ah kä ka m’khoi chak ci. Chang naw ak pung ah dang cicu teng ci, cun ung phi kei naw m’lungkyong ka teng ci” cik ci.

2 GHANGPUGHANG GUI 5:11

Naaman cu anghtei ah m’lungshe neta, “Ani cu lut law ne, Bawipa a Khanpughi ah taigü ne, akhei nak ah khan ah a kut väng ne, kei na gai sak khai ah ka ngai ci nei!

JOB 35:5

Khomik cu teng ä, Khong mei gui a i hlawk ah hlüng u ne ang!