ISAIAH 55:3 - Cho Bible Common Language 2016

³ “Tuhbäi ngai vä, ka chang gui aw, kei ah law vä; kei ah law vä, ghin nak nami gah khai! Kei naw khonglän ciah ka ng’thukhän cu nangmi awn ka bik khai, David ung shai ka tak ah hriham cu ka ning pe gui khai.

ISAIAH 55:3 Referans Kwoze

JEREMIAH 32:40

Kei naw ng’täi ciah thukhän cu ngami awn ka bik khai. Ngami ah phäha ah akni ka bi cu kä ka ng’düm phung khai, ami m’lung kyong avan awn ami na kyih aa vai ah kei naw ka bik khai, cun ung ngami naw kei käna ng’hlah tak khai gui.

MATTHE 11:28

‘A phuih gih sei cümbawng ciah chang gui kei ah law vä, kei naw ka ning hüiyang sak gui khai. Kei cu hnip hnoi ng’awi ng’gi ne, kamlung neim ci.

NG'THU K'THUUK~ 4:20

Ka pyen cu na geing nak vai, ka hta, ka ng’thu na ngaih vai.

JOHAN 10:27

Ka htome gui cu kang thu ngai ci gui, kei naw ngami ka hmat gui ci, ngami naw phi kei na läk ci gui.

LAMKTU 13:34

Sih nak ungka a thawh ba ah mawng la ng’cim hmun ung kä a gawk ba phung vai ah mawng cu, Khanpughi naw; “David ah ma ah shai ka taak ah mäih ah, Nang mi am phi A theing la hriham cu ka ning pe gui khai, ci ne pyein ci.

ATÜNNAK 17:7

“Kei naw ka shaitak cu nang la na htangshon ung ng’täi ciah thukhän ah ka küm sak khai. Kei cu nang la na htangshon ah Khanpughi ah ka kyak khai.

JOHAN 6:37

Kapa naw a na ap ah chang phung cu kei ah lawk khai gui. Kei ah lawk ciah chang phung cu a u phi kä ka m’hlat ba khai.

ISAIAH 61:8

Kei naw taga nak cu ka m’hni ci, shedam nak la cheishoh nak cu ka thüi nak ci. Kei naw ka chang gui ung bekhüt ka m’cümhnah gui khai, Nangmi awn ng’täi ciah thukhän ka bik khai.

SAM 78:1

Ka chang gui aw, ka m’theithang cu ng’ngai ne, ka ng’thu cu ng’ya vä.

ISAIAH 54:8

Kei naw a shäng ung m’lungshe ne ka ning hlah tak ci, cun ung phi kei naw ka ning m’hni nak cu angtäi sei, ka m’dang khai nei,” cine ning hun ciah Bawipa naw pyen ci.

TAIGÜTHUM 18:5

Kei naw ka ning pek gui ah om ih la thukhän gui cu nami läk vai; a cu cha ah bi ne nami hnun gui cu nami hun vai nei, kei cu Bawipa nei.”

HEBRU 13:20

Sih nak ung khüt sei ng’ap ne, ng’täi ciah thukhän m’hnüt ne k’bäi ciah Htoshäm Bawi ah kyak ciah, Bawipa Jesuh cu Khanpughi naw, sih nak ungka thawh ba sak pyi ci nei.

JOHAN 8:47

Khanpughi ungka lawk ci naw Khanpughi ah thu ngai ci, nangmi cu Khanpughi ungka kä nami lawk ciah kya ne, ani ah ng’thu cu kä nami ngai ci” ci na gui ci.

MATTHE 17:5

Cun ah Peter naw thu a pyein yah ung a bawk phäng phäng ah khang ciah khomei naw küm law gui ci. Cun ah khomei ung kaa ng’shan lawk ciah k’aw cu, “Shin cu kei ah Htapa nei, ani awn ka yei kiai ci nei, ang thu cu ngai vä,” ciah kyak ci.

JEREMIAH 50:5

Ngami naw ziou hteh nak lam cu ng’shi u ne, acu täng ah hteit khai gui. Ngami naw kei awn ng’täi ciah thukhän bik khai gui, kä m’shet bakhai gui.

JEREMIAH 33:26

Kei naw shin ah ka bi cu ang hteicha ah maih ah kei naw Jakob ah htangshon la ka changshon David ah htang shon ung ka bi ah thukhän cu htei cha khai ah ka bik khai kei naw David ah htangshon ungka tumat cu ka ghü kaai, ani naw Abraham, Issak la Jakob ah htangshon gui cu uk khai, Kei naw ka chang gui cu chimgein gui ne, ka ng’bühmang ba sak gui khai,”

JEREMIAH 30:9

Cunnak vaisü ung ngami naw Bawipa ami Khanpughi la David ah htangshon, kei naw ghangpughang ah ka hmoh law vai ah abii cu loik khai gui.

SAM 119:112

Kä ka sih pha ah chuih na thukhän ka läk khai ah, ka k’bäi pyi ci nei.

SAM 89:28

Kei naw ani ung ka shaitak cu angtäi sei ka k’pang khai; Ani ung ka ng’thumkhän cu ngawi yä khäng lä khai.

2 SAMUEL 23:5

Shin cu Khanpughi naw ka hta ng’shon gui am a i cha ah hriham apek vai ah mawng ah kyak ci, a i ah kyasei ci ung ani naw ng’täi ciah thukhän cu kei ung bik ci nei, yum yawp nak cu kä ng’phyek khai, shai tak cu kä ng’thawng khai. Cun cu kei ah ng’yak hlü avan ah kyak ci; a cun cu kei ah näng nak ah kyak khai, Cun cu Khanpughi naw akcang ah law püi khai.

MATTHE 13:16

Nangmi ah hmawk ah a i hlawk ah yeikyai vai kyak ci ang? Nangmi cu nami mik m’dei ne nami hnga ng’lang ci.

ROMAN 10:5

Moses naw thukhän läk nak awn, Khanpughi ung düng nak ah mawng a guk cu; “Thukhän ung thu küi läk ciah chang phung cu ghing khai,” ciah kyak ci.

JOHAN 7:37

Ami pawi ah ang hning nak pi la ang pyi nak ah hnüüp ung, Bawipa Jesuh cu ng’düi law netah, “Tui gha ci naw kei ah law ne tui aw law sä;

2 SHONTÄP NAK 6:42

Bawipa Khanpughi, na ghü ah ghangpughang cu kä hnungtuk püi en ä. Na changshäm David ah khan ah na m’hni nak cu shüm ba ä.”

SAM 119:175

Ghin nak na pe ä, cun ung kei naw ka ning m’tam khai, Na m’shümthein nak gui naw kei cu na m’htei sä.

ISAIAH 51:4

“Na ngai vä, ka chang gui aw, kei naw a i ka pyen ah ngai vä; kei naw ka m’theithang gui cu chang pakhui gui am ka pek ci; kei ah ka thukhän gui naw akdei pe gui khai.

ISAIAH 54:10

Khomhtung, khogui gui cu pyawn khai gui, cun ung phi kei naw nangmi ka ning m’hni nak gui cu kä ng’pyi khai; Dimdeeih nak ah shai ka tak cu kei naw angtäi ah ka k’pang khai.” Ning m’hni gui ciah Bawipa Bawipa naw cun ah pyen ci.

JEREMIAH 38:20

Kei naw pyen ne, “Nang cu ngami am kä ning ap khai gui nei. Bawipa ah ng’thu na ngaih vai ah ka ning m’cäi ci nei; cun ung avan cu bä khai, nang ah ghin nak phi phyawng khai nei.

EZEKIEL 16:60

Cun ung phi nangmi name hmaw yah nangmi awn ka bi ah thukhän cu kei naw ka m’taam khai, kho ng’län ung khäng ciah thukhän cu kei naw nangmi ung ka bik khai.

EZEKIEL 34:24

Kei, Bawipa cu ami na Khanpughi ah ka kyak khai, ka changshäm David ah mäih ah kyak ciah ghangpughang cu ngami ah uktu ah kyak khai kei naw ka pyen nei.

EZEKIEL 37:26

Kei naw ngami awn thukhän ka bik khai, acun naw ngami cu khan gui sei ngawizä ngaih gep ne om khai gui. Kei naw cokyang ba gui ne, ami chang ka da sak gui khai, ami khaw ung ka Taigüim ka tha khai, cun cu ngawi yä a cu ah om khai.

AMOS 5:4

Bawipa naw Israel chang gui am, “Kei ah law vä, nami ghing khai.

AMOS 5:6

Bawipa ah hteit vä, nami ghing khai nei. Kä nami hteh ung ani naw Israel chang gui cu mei ah mäih ah ui gui khai. Bethela chang gui cu mei naw ui gui khai, cun cu a u naw kä m’diim hlawt khai.

ATÜNNAK 49:10

Mang ah hteipawng cu Judah naw kawt khai. A hta ng’shon naw khonglän ung uk khai. Pakhui gui naw khawh pe lawk khai gui. Ani kyih aa ne ama ah kawp khai gui.

PHYAWN NAK 15:26

Ani naw, “Hman ciah ka ng’thu ah mäih ah bi nak la ka ng’thumkhän k’pan nak awn akbe ah nami na läk ah a kyak ung Egypt gui ah khan ah ka yuk chah law ah leigai ah mäih, api awn phi kä ka ning m’kyuk gui khai. Kei cu nangmi ning gai sak gui ciah Bawipa ah ka kyak ci” cik ci.

2 SAMUEL 7:29

Ka hta ng’shon gui hriham na pek vai ah ka ning thäh ci nei, cun ung ngami cu däih ne, nang ah hmai kiang nak ung yei khai gui nei. Nang, uktu Bawipa naw, na shai tak cu shin ah kyak ci, nang ah hriham cu ka hta ng’shon ung ngawi yä be khai nei” cik ci.

SAM 89:29

Ani ah ng’shon cu khankhomik ah mäih ah khäng khai, Ani ah hta ng’shon cu angtäi sei ghangpughang ah kyak khai.

NG'THU K'THUUK~ 7:2

Ka pyen ah na bi vai, nang cu na ghing khai, na mik na m’htei ah mäih ah kei ah m’theithang nak na läk vai cu na geing nak vai.

EZEKIEL 34:25

Kei naw ngami awn thukhän ka bik khai, acun naw ami ngaih gep nak vai ah ng’kham pe gui khai. Kei naw kyihkyawk vai kyak ciah khisa gui avan khaw ungka ka k’täm gui khai, cun ung kei ah ka htome gui cu phyawng m’htein ne lolai ung lum u ne, bung hmu ah ip khai gui.