ISAIAH 55:1 - Cho Bible Common Language 2016

¹ Bawipa naw pyen ci, “Tui gha ciah chang nü law vä — shin ung tui om ci nei! Ngui kä tak ciah chang gui law vä — htam’guh khleih ne ei law vä! Law vä! Wine la suktui khleih vä — nang ung a i phi kä ng’pyi khai nei!

ISAIAH 55:1 Referans Kwoze

THU PHLAAN 21:6

Ani naw leng ba mä ne, “Bi ng’pyi ci nei, kei cu Alpha la Omeka, tün nak la khüm nak ah ka kyak ci, tui gha ciah chang-am ghin nak ah tui cu alä ah ka awk sak khai.

THU PHLAAN 22:17

Mumcha Theing la Ceimah khai ah ng’laamihta naw, “Law ä” cik ci goi. Cun ah ng’thu ng’yak ciah chang nüng naw phi, “Law ä” ci ne pyein sä, Tui gha ciah chang cu law sä, ghin nak ah tui ng’ya hlük ciah chang phung naw a lä ah dou sä!

ISAIAH 44:3

Kei naw tui gha ciah khaw ung tui ka pek khai, khong’gau khaw ung tui lawng ka lon sak khai. Kei naw nami htanau gui ah khan ah ka mümcha ka yuk chah khai, nami hta ng’shon gui ah khan ah ka hriham ka yuk chah khai.

SAM 143:6

Na ma ah ka kut shäng ne ka taigü ci; kho ng’gau kho ah mäih ah ka mümcha naw tui ah gha ne ning ng’ya hlük ci.

THU PHLAAN 22:1

Khankho chang naw kei-am ghin nak tui ah lon nak ah tuinu phi na m’hnuh ci. Cun ah tuinu cu k’pyülung ah mäih ah vai ne, Khanpughi ah Htomehta ah mang kiaang ungka mang gaw ah gaw ng’lung lam nu ung yu long vük ci.

MATTHE 13:44

“Khanpughi ah uknak kho cu shin ah mäih ah kyak ci, Chang tumat naw, lai ah phuh ne gimah khawh ng’peeih cu hmu netah, lin ne phuh ba shüt ci. Cun kawn ah yeikyai ne hteit ba ne, akhawh avan yoi yawp netah, cun ah lai cu khleih ba ci,” cine m’thein gui ci.

MATTHE 10:8

Akgaw gai sak vä, aksi m’ghin ba vä, kheei lei ah ei gui theek sak vä, khoshe gui k’täm vä, Khanpughi ah m’gein nak kä khleih ah nami gah ci kyasei, chang gui am a phu kä lak ah vah pe vä.

JOEL 3:18

Cun ah khin ung khomhtung gui cu sapyit shun naw küm khai, khogui päng ung sei gui lum sei hmuh vai; Judah khaw avan ah phäh ah tui gui da khai. Bawipa ah Taigüim ungka tui khawng ne long khai, acun naw Akacia khaw nawi yuk m’shawi khai.

SAM 63:1

O Khanpughi, nang cu ka ning Khanpughi nei, kei cu nang awn ka ghing ci. Ka pumsa avan naw nang ning za hlük ci; chawng ne, ng’gau ne, tui kä om ciah ng’lei ah mäih ah ka mümcha naw tui ah ning gha ci nei.

ISAIAH 52:3

Uktu Bawipa naw a chang gui pyen ah gui ci Nangmi khlei htein ah nami kyak yah ung nangmi ah phäh ah ngui a u naw kä m’hnüt ci; a cun ah mäih ah nami phyawn nak vai ah phi a i kä pek vai.

THU PHLAAN 3:18

Cun ah kyasei na bühmang nak vai ah kei ah ghui akcang cu na k’hleih law vai ah ka ning m’cäi ci nei. Na k’plui ci kya ne nang aa nak na shung nak vai ah sui k’theing la namik am dei nak vai ah mik m’tui nak cu kei ah na khleih law vai nei.

1 PETER 2:2

Htanak thai ah ak hmawhta cu, suuktui a gha ah mäih ah, angtäi sei mümcha suuktui ah nami gha vai nei. Cun ung vah cun ah suuktui nami awk nak awn, däm ng’vai u ne, hun nak nami gah khai.

ROMAN 3:24

Cun ung phi chang gui hun gui ciah Jesuh Khrit ung, Khanpughi naw, a phu kä peit ah m’gein nak awn chang gui cu düng sak gui ci.

HOSEA 14:4

Bawipa naw pyen ci, “Ka chang gui cu kei ah ka law ba sak gui khai. Ka m’lungkyong avan awn ka m’hni gui khai. Kä ka m’lungshe na ba gui khai.

SOLOMON NG’Ä~ 5:1

Kei cu ka u-yin ung ka lut pyi ci, ka m’lung ung tuihlim ciah ka ng’lami hta. Ka tui ng’ui la ka muran cu ka k’bum pyi ci; Ka khoi tui la ka khoi phyai cu ka ei pyi ci; Ka seisuuk la sapyit tui cu ka awk ci nei.

NG'THU K'THUUK~ 8:4

Kei naw nami van ka ning ng’pa na gui ci, khomdek khanchang nü ka khü ci.

MATTHE 26:29

Kei naw akcang ka pyein cu tuhbäi ung tün ne, kapa ah uknak kho ah nangmi awn a täng ah sapyit tui ak thai kä awk pha ah chuih, kei naw cun kawn ah sapyit tui kä ka aw tuba khai nei,” cine pyein ci.

ZEKHARIAH 9:15

Hlüngtai ciah Bawipa naw a chang gui cu shung vong khai, Ngami naw ami ga gui cu m’di khai gui. Ngami cu awktat ciah mäih ah ng’tuk nak ung ng’hawh shaak khai gui. Ngami naw ami ga gui ah si k’theh khai gui; Cun cu ng’ghu thaa nak ah si ah mäih ah long ne, K’pawng ungka sonkiang ung yu long khai!

SOLOMON NG’Ä~ 1:4

Na la law ä, ni dawng kawm ni; ka ning ghangpughang nak khai nei, na im kyong ah na hteh püi ä. Atäng ah ni yeikyai khai nei, Hlim sei ei aw ne yumhni nak ung ning len khai nei. Hnumi avan naw ami ning m’hni cu cäi vai ah kä kyak ci.

1 KORIN 3:2

Nangmi cu guh ciah ei kä nami ei pha thei ci kya sei, suuktui bäng ka ning tu gui ah kyak ci. Cun ung phi nangmi naw cun hngaw kä nami k’düük m’khüt ci.

ZEKHARIAH 10:7

Israel chang gui cu gakap ah mäih ah thamah khai gui; Sapyit tui awk ciah chang ah mäih ah yeikyai khai gui. Ami htangshon naw shin ah näng nak cu gah khai gui, Bawipa ah bii bi ah hmawk ah yeikyai khai gui.

ZEKHARIAH 2:6

Bawipa naw a hang gui am, “Kei naw khaw ng’nü ung ka ning püi sak gui ci, cun ung phi tuhbäi nang chang k’dawng gui, Babilonia ah ka gawt law ne, Jerusalem ah nami law ba ci.

RUT 4:1

Boaz cu gawnu m’kawt pei ng’hmuh nak ahhmun ung hteit ne ngok ci. Elimelek ah mätyah ang een pi, Boaz ah pyen ah chang cu law khäta, Boaz naw khü ne, “Ka teihpüi aw, shin ung law ne ngo law ä” cik ci. Cun ah kyasei ani law ne ngo law tuk ci.

SOLOMON NG’Ä~ 1:2

Na ui hnam nak ah na m’nei naw na küm ci; Na m’hni nak cu wine ah ta bä pi ci.

NG’ÄI KYAH 5:4

Tui mi awk ah phäh ah a phu mi pek khai, Mei ung mi cih vai ah hlü ciah sing cu mi khleih khai.

MATTHE 5:6

“Khanpughi ah ng’yak hlü ah bilo hlük ciah chang gui yeikyai vä; Nangmi cu Khanpughi naw nami ng’yak hlü ning k’be sak gui khai!

LAMKTU 8:20

Cun ung phi Peter naw, “Nang naw Khanpughi ah m’gein nak cu ngui awn nak khleih khai ah na ngaih ah phäh ah na ngui cu, na mät awn a täng ah m’htei khaw a hteit sä;

NG'THU K'THUUK~ 9:5

Aw ä, ka ei ei ä, ka pyan ah sapyit tui cu aw ä.

EZEKIEL 47:1

Cun ah chang naw Taigüim ung luh nak täng ah na ng’hlah püi ba ci. Tui cu luh nak ah ungka naw ak kyang täng ah, Taigüim ak kyang ah hmai täng ah long ci. Cun cu Taigüim ah a htumtäng ka ung long law ne, sonkiang ah a htumtäng cu yuk kan ci.

EZEKIEL 47:9

Cun ah tui lawng a lon nak päng ah khisa gui apäng avan la nga gui om ci gui. Cun ah tui lawng naw tuisii tuinu ung tui cu ci sak khai, acun alon nak päng ah ani naw ghin nak law püi khai.

NG'THU K'THUUK~ 9:1

Cüivai nak naw a im co ne k’tung chih ng’ling ci.

ISAIAH 1:19

Nangmi naw kei bäng nami na ngaih ah a kyak ung, khaw ung m’thawk ciah akni gui cu nami ei khai nei.